SWISSMOM-PARTY 🤩

JuNa · 14. 03. 2019, 13:08

Half buckle isch wennd um dä Buch e schnalle hesch und Träger zum binde sind, fullbuckle isch z.b e manduca, wot nüt muesch binde.

schaai · 14. 03. 2019, 13:10

@JuNa ahhh danke...endlich mol Klarheit..

schaai · 14. 03. 2019, 13:17

het öbbert do inne Limas flex? Isch die au ab Geburt? Erfahrige?

Milchmädchen · 14. 03. 2019, 13:42

@L O R Y warum holender eu nit threema? I finda das super und ma muass kei angscht ha, wega Fötali im Netz.

schaai · 14. 03. 2019, 14:08

schmerzhafts zieh ide list und au wenni innedruck tuts weh ssw 35 2 sind das au senkwehe?

Evi · 14. 03. 2019, 14:33

Wa mached er höt Nomittag, Region Zentralschwyz? Wet met mi Sohn (20Mte) was mache, aber da Wetter und no Sturmwarnung🤔susch wär i e Tierpark

Tanja87 · 14. 03. 2019, 17:43

@Adriana meinsch du so es extrems stäche ide lieste so wie wenn der würsch en sehen ichlemme?

schaai · 14. 03. 2019, 18:24

@Tanja87 en sehen iklemme?? nei nöd meega extrem

schaai · 14. 03. 2019, 19:16

bi localf wartet mer inzüsched au huere lang uf e antwort vum admin..isch am afang nochli andersch gsi 😏

ALOHA · 14. 03. 2019, 19:17

@Adriana ich find es isch immer eeeeewigs gange. Sie hend alles ignoriert womer ignoriere cha. Ussert conny - wo dsache glöscht het.

schaai · 14. 03. 2019, 19:19

@ALOHA i han aber am afang amel scho recht schnell antwort übercho wenni direkt es mail gschribe han..oft am gliche tag no..

schaai · 14. 03. 2019, 19:20

sooooo fraue ez holich mini backwerk überraschigstüte ab😋

schaai · 14. 03. 2019, 19:40

für 6 fr

Tanja87 · 14. 03. 2019, 19:45

@Adriana sehne😅🙈 hett das selle heisse😉

schaai · 14. 03. 2019, 19:46

hammer no.nie e sehne iklemmt 😂

kläffchen · 14. 03. 2019, 20:35

@Adriana sieht ja super aus! Hier unser Znacht

schaai · 14. 03. 2019, 20:36

mhhh fein!!!

Glück · 14. 03. 2019, 21:21

https://blog.tagesanzeiger.ch/mamablog/index.php/81992/wieso-das-kind-spaeter-einschulen/
Guter Artikel

Anni · 14. 03. 2019, 21:47

Han mi grad letst wuche zweimal müsse rechtfertige warum ich im moment vor han min sohn im 2020 ganz normal in chinzgi z geh. 😏 Es verunsichered scho, das gibi zue.

momoftwo · 14. 03. 2019, 21:57

Wow do inne lauft jo richtig öpis! So schön z gseh wi swissmom do inne witerläbt 💓💓💓

kläffchen · 14. 03. 2019, 22:09

Ach, ich rege mich gerade mega auf und es stresst mich. Mein Mann hat letztes Jahr viel zu hohe AHV Rechnungen bekommen. Ich habe das bemängelt und dies wurde korrigiert - zusätzlich haben wir einen Brief bekommen, indem festgehalten wird, dass ein Guthaben von 7500 ausbezahlt wird. Nun ist das ganze Jahr 2018 um und sie haben nie etwas zurückbezahlt (Brief war vom April 2018). Ich finde das eine mega Frechheit, die spekulieren einfach drauf, dass man nichts merkt.

schildchrötlimel · 14. 03. 2019, 22:13

https://blog.tagesanzeiger.ch/mamablog/index.php/22058/schuften-bis-die-wehen-kommen/

A aui Schwangere im Ändspurt; läset mau de Artiku (isch scho haarsträubend) - i erläbe das momentan grad 1 zu 1 😬

Mangoo · 14. 03. 2019, 22:23

Oouu ja das blöde rächtfertige eewigs🙄🙄 kännes zu guet vo minere erste ss dete hani au 4w vor termin nüme möge schaffe. Für mini fa keis ding gsi het mer scho früher es zügnis geh abr ebe mer muss sich ja bim schaffe rächtfertige obwohls da garnix dezue zäge git!

schildchrötlimel · 14. 03. 2019, 22:25

@Mangoo ha am 11.04. Termin (Ks) u mi Chef möchti, dassi bis am 10.04. schaffe 😬😬😬 (Wehe hani scho sit de 20SSW u siteme Monat ir Physio wägem Ischias..)... er wird mi äuä kille, wenni 2 Wuche früecher höre 😭

Vitele · 14. 03. 2019, 22:40

Mamis, het ev. öber ä spielzeug24.ch Guetschiin? Set öbis türs bstelle 🙂🥰

Limii · 14. 03. 2019, 22:41

Oh das hani gad hüt gmerkt🙄 bi sit hüt 100% chrank gschribe, ET isch de 25.3
D reaktion vo mim chef woni s zügnis hüt bi go abgeh: joo suuper... glaub gwüssi (vor allem männer??) chönd da eifach nid noche voll zieh das mer eifach nüme chan🤪

Lila · 14. 03. 2019, 22:49

schildchrötlimel schrieb: »

blog.tagesanzeiger.ch/mamablog

schildchrötlimel schrieb: »

…

A aui Schwangere im Ändspurt; läset mau de Artiku (isch scho haarsträubend) - i erläbe das momentan grad 1 zu 1 😬

Das isch würkli 1 zu 1 wahr!!

Mangoo · 14. 03. 2019, 22:49

schildchrötlimel schrieb: »

ha am 11.04. Termin (Ks) u mi Chef möchti, dassi bis am 10.04. schaffe 😬😬😬 (Wehe hani scho sit de 20SSW u siteme Monat ir Physio wägem Ischias..)... er wird mi äuä kille, wenni 2 Wuche früecher höre 😭

So öpis fallt au nur amene maa ii oder😳 finds e totali frächheit🤯 und sie sälber stärbet fasch wenns e vercheltig hend😂

Michèle · 14. 03. 2019, 23:06

Das sind imfall nöd nur dManne wo so denket/reagieret....i minere erste ss hani öpä abem 5te monet nurno halbi täg gschaffet...so viel unverständnis het ich nöd erwartet..ständig hani müesse ghöre:ich ha imfall bis ein tag vor geburt 100% gschaffet blablabla....isch alles mega belastend gsi für mi....und ide zweite ss hani scho abem dritte monet gar nümä dörfä schaffe...

Ängeli · 14. 03. 2019, 23:11

schildchrötlimel schrieb: »

A aui Schwangere im Ändspurt; läset mau de Artiku (isch scho haarsträubend) - i erläbe das momentan grad 1 zu 1 😬

das isch scho truurig wies ide schwiiz bi so sache lauft. ich find ja wenn mer sich guet fühlt & mer no guet & gern chan schaffe super. ich wird au schaffe so langs mir guet gaht. aber wenns nümm gaht sich no müesse blödi sprüch ah lose etc. findi echt schlimm. d‘schwiiz hinkt no i vielem hinde dri was familiesach allgemein a belangt.

Mangoo · 15. 03. 2019, 00:00

Würkli truurig..

lunapiena · 15. 03. 2019, 00:09

kläffchen schrieb: »

Ach, ich rege mich gerade mega auf und es stresst mich. Mein Mann hat letztes Jahr viel zu hohe AHV Rechnungen bekommen. Ich habe das bemängelt und dies wurde korrigiert - zusätzlich haben wir einen Brief bekommen, indem festgehalten wird, dass ein Guthaben von 7500 ausbezahlt wird. Nun ist das ganze Jahr 2018 um und sie haben nie etwas zurückbezahlt (Brief war vom April 2018). Ich finde das eine mega Frechheit, die spekulieren einfach drauf, dass man nichts merkt.

Typisch! 🙄 aber wehe mir schuldet dene 5 Rp.! Grad e riese Rentekürzig.

ALOHA · 15. 03. 2019, 00:48

Dä moment wend rega 2-3 hüüser wiiter landet. Zägg stahni im bett und han gad sgfühl sie isch bi ois ufem dach glandet😳 und min mah? Ja de schlaft eifach wiiter💁🏼‍♀️🤦🏼‍♀️Hoffentlich isch nix schlimms passiert😢🙏🏻

Bella8 · 15. 03. 2019, 02:27

Ojé @ALOHA,das glaubi das do verwachisch! Macht jo au mega luut! Aber typisch ma! 😴Wennd rega landet heisst das eigentlich nie öpis guets! Osser es wartet öper i de nochberschaft uf es organ... 🚁

Mirj · 15. 03. 2019, 08:43

@ALOHA und ich ha dänkt welle blöd promi mues um die ziit über euses huus flüge?! 🙈 beid babyphones händ ahgeh und de bode zitteret, dä isch rächt tüüf gsi😱 hoffe isch nüt schlimms passiert!

Mila · 15. 03. 2019, 09:17

Wo wohned ihr denn?

ALOHA · 15. 03. 2019, 09:21

@Bella8 jaa leider😢 hoffe etz das alles guet chunt. Vor 2-3 mönet isch öber ide nachberschaft scho abgholt worde wegeme schlagahfall😢 isch leider verstorbe.

@Mirj ja das wärmer lieber gsi en promi😅 hoffes au🙏🏻

@Mila laupe👍🏻

Minifee · 15. 03. 2019, 10:29

Hallo Fraue het vo eu nebert mol es Babybett Dekoriert im Spitol? Hender allefalls Bilder wie das chli usgseh het?☺️🙏🏻

mariechäfer · 15. 03. 2019, 10:49

Wenns eperdem more langwiilig isch,chemid doch ga ieluege😉

schaai · 15. 03. 2019, 11:07

@mariechäfer gits a dem flöhmi au kinderkleider? isches en normale flöhmi odr eher für kids?

mariechäfer · 15. 03. 2019, 11:42

@Adriana i chas der nid mol gnau sege,gönd sersti mol,i weiss nume das sich 20familie agmulde hend…
Mir hend vo allem chli epis😉

Aurelia11 · 15. 03. 2019, 13:25

Hallo bin neu hier freue mich auf den Austausch und vieles von euch zu lesen😊

kläffchen · 15. 03. 2019, 13:59

Hallo Miteinander 👋So, wir kriegen das Geld von der AHV...

@Aurelia11 herzlich willkommen.

Ich habe noch einen Termin bei der Bank abgemacht, zwecks Eigenheim 😀 aber ob wir je ein Objekt finden, dass uns zusagt 🤷‍♂️

Vitele · 15. 03. 2019, 14:37

Ig ha immer ä riise Problem, wenn mir i de Ferie gsi si mit dr Gschirrwäschmaschine. Die stinkt immer mega grusig, wenn sie nit glofe gsi isch 🤬. Also sie isch natürlich leer wenn mir i d Ferie goi und duese au immer no vorane putze. Aber bringt eifach nüt. Was mach ig falsch? Gits ä guete Trick? S grust mi jedes Mol 😷

Caramel · 15. 03. 2019, 14:39

Hallo zämme, wet mal säge find mega cool, lauft wider ebis. Freu mi immer wider cho zläse, frage stelle und ustusche. Mu berchunt antwort und äs wird diskutiert👍

@kläffchen cool klappet jetzt isch immer müähsam dem Züg nache zlaufe.
Viel Spass bim Eigeheim verwirkliche🍀

Vitele · 15. 03. 2019, 14:40

@Caramel das fing ig au 🙂.

kläffchen · 15. 03. 2019, 15:06

@Vitele und wenn du mal so ein Geschirrspülerdeo durchlaufen lässt? Und hat es irgendwo noch Reste im Sieb?

@Caramel wird schwierig mit dem Eigenheim. Das Gebiet ist erstreckt sich nur auf die Überbauung in der wir wohnen. Nebenan ist eine 4.5 Zimmer Wohnung ausgeschrieben, aber die hat zu wenig Zimmer

Dalipi · 15. 03. 2019, 15:48

schildchrötlimel schrieb: »

haarsträubend

Ohjo han ab nechst woche 50% zügnis vom FA becho ben 33Ssw und de chef esch gar ned begeisteret. Meint au schaffe bes am letzte tag und seit mer im April hani no 2 woche Ferie luegsch das den ned Krank wersch. Sorry ned mis problem. Und schaffe im Service und das am obe, ben bes jetzt emmer 8.5std uf de bei gsi und set 5 johr nie krank und jetzt wott er mer es schlächts gwüsse mache falls ich ned bes am schluss schaffe 🤦‍♀️ aber chan jetzt au ned rücksecht uf die andere neh und mues zerst luege das es am baby und mer guet goht ☺️ und zumglück hani en super fraueärtzin wo guet zu eus luegt 😍 aber schweiz esch halt scho hende dri 🙈

A___A · 15. 03. 2019, 16:03

Blödi Frag, darfi Cremeschnitte i de Schwangerschaft ässe?

Daniela · 15. 03. 2019, 16:13

@Minifee

das isch üsers gsi, han uuh freud gha, ä mega überraschig vo minerä fründin 🥰

SWISSMOM-PARTY 🤩

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: