🎁🧸Gschenk uf Geburt 🧸🎁

Ojeee Mamis🤗

Bin wider überforderet.. mich säget scho so viel Kollege oder Familiemitglieder dasi sell sege wasmer na uf Geburt bruche chönd, womer nanig hend.🤷🏼‍♀️

Aber.. han doch kei Ahnig😳😳😳 was seitmer da? Wend doch kei Gschenkli😍😅 sind happy wenn sich all mit ois froiied❤️

Nuschis? Windle? ...?

Kommentare

  • Krabbeldecke, chleider, guetschine, rasseli, plüschtierli isch so das wo mir becho hei. Windle u nuschis chasch sicher guet bruche u wenn so es chötzllibebe hesch wi mini chli isch gsi, chasch nid gnue nuschis ha😉. Hei e ganzi schublade voll🤷‍♀️
  • Ech fende Guetschine vo de Apothek emmer sehr guet.
  • Mit Guetschiine (z.B. C&A etc.) chame nid viu fausch mache. Hani sehr gäbig gfunde wöu i de nach mim Gusto ha chönne ichaufe für s‘BB
  • :) Essensguetschii..über die hani mi amel au mega gfreut...wel noch de geburt vode zwilling..hani nöd gad so ziit gha zum koche und da bini froh gsi, wenni amel ha chönne bstelle...Babybodys chasch enard au immer bruche xD
  • e trageberotig (guetschi)
    mir hend für dkollegin en essplan gmacht jede het es gricht vorbi brocht das hends de hammer gfunde, e schöni spieluhr, pizzakurier guetschi, i finds halt imner cool wenn me de eltere was schenkt..schliesslich isches ihres werk, und dfrau muess so viel duremache ide ss *fürs baby chaufsch der eh alles selber sus chunsch so sache über woder nöd gfallt) aso mir gohts so..guetschi vum lieblingsresti, e massage, gsichsbehandlig, pedicure oder so für dmuetter 😊
  • Genau was för dich, das der mol de Huushalt abnämid, Choched, wäsched etc. oder das mol 1-2h bi üch de heim ufs Bebe luegif ond du in rueh biz chasch schlofe. Das chasch au spöter sehr guet bruche nid nor denn wens no ganz frösch esch.
    Mer händ halt vo ahfang ah es Gschänkbüächli gmacht de het jedes öpis chönä drususe neh was üs wänd schänke. Ahnschienend beni mit Chleider nid so heickel ih ha mi au sehr öber chleider förs Bebe gfreut händ aber au gseit das mer 50/56 gnue händ onds gern grösseri grössene sell sie. Öpis z spele förs Bebe wär au no was
  • @Shira ah sicher hend ihr es Gschenjheft gmacht? Das ghöri serste mol..isch mir ebe au dur de kopf..fänds mega sinnvoll..aber han sgfühl das macht mer meh uf hochzite..min brüeder het zum teil so schissdreck und i 3 facher usfüerig uf dgeburt übercho..wos nöd chönd bruche..findi ebe au so schad..halt vu lüt wo eim nöd so guet kenned..vor dem grauts mer echli 😏
  • Chasch för alles es gschänkheft machä. Ih ha es täsche Fotialbum 10x15 poschtet gha ond dert denn zettel mit beschrieb ond Bild dri to. Den händs da chönä usse zieh ond metneh oder drufschriebe wie vel Ahzahl das sie psorged oder au wie vel Fr. Drahäre geh wird. Mer händ au die ganzi zimmerihrechtig dri tah gha bim erschte gmeinsame ond de Autosetz etc.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland