Baby-Biistellbett🤔

Ach bi hi und hergrisse obmer eis poschte selled🤷🏼‍♀️ das chani je nach dem ned eifach schnell poschte.

Hend ihr all eis gha? Plant isch s‘baby im eigete zimmer z‘schlafe lah (wenis übers herz bringe). Wili so scheisse schlaf wenn es kind im gliche ruhme schlaft.

Was meinet ihr?

Kommentare

  • Ich find definitiv jo😊wänt stillsch bisch am afang froh wänn das grad im bett im liege chasch mache😊
  • Aber verwachet ihr ned wens kind im schlaf süüfzget? Oder sbaby verwacht vom schnarchle vom papi?😅
  • Oh ich würs nöd schaffe zum jedesmal ufstah ide nacht, die gefühlte 100x stillä🙈
    Aber ich han s‘biistellbett immer nur churz brucht, da mini chind rächt gross sind häns nöd lang platz gha. Han bim 2. jetzt s‘babybett uf einere siite offe und ah euses bett tah.
  • Mit äm verwache,mer gwöhnt sich anänand😊und etz woner grösser isch hämers au so mit äm babybett offe uf einere siite
  • Mir hend bei beidne Chind keis brucht. Hend s Babybett bi eus im Zimmer wegem stille. Aber nei s Baby isch bi eus nie verwacht vom Schnarche oder so😄Sie gwöhned sich u schnell dra.
  • Du wirsch irgendwänn so müed sii, dass au pfuusisch wenns süüfzget, prustet schnarchlet näbed dir🙈 soo mini erfahrig, han vorher au nir mit schlofbrille und oropax chönne schlofä und jetzt schloft die chlii 30cm (wenn überhaupt) näbed mir und sie schloft ächt nid luut...und je noch chind bisch froh wenns im biistellbett schloft und nid nur uf dim buuch😂🤗
  • Ächt nid liisli sött das heisse..😊
  • Mir händ eis gha & für eus isch es die best aschaffig gsi. Sie hät so näbed mir gschlafe, aber es hät glich jede sin platz.
    Dezue chunt das i de nacht nie muesch ufstah. Eusi tochter hät mengisch nur chli nöchi brucht, den hani im halbschlaf nur d‘hand chöne übere hebe oder de nuggi ge & alli händ super chöne wiiterschlafe etc.
    Ich wirds au jetz bim zweite so mache.
    Mir wärs z‘blöd jedes mal müesse ufstah & is andere zimmer laufe, will mer meistens scho so schlafmangel hät. Aber das muess natürli jede selber wüsse. 😊
  • mir hei ä stubewage näbem bett (gha). i würd ds gäud für angers usgä aus es bischteubett... si hei eh nid lang platz drin, wenn scho würdi bim banybett ä site wäg nä u näbe ds bett schteue, het dr glich effekt.
    u mor hei üs rächt gschtört gägesitig bim schlofe 🙈 drum hei mer üse bueb nach 4 mönet usquartiert u hei när aui besser gschlofe.
  • wegem platz, mini tochter hät bis 7mönet drin platz gha. nachher hämmer au bim normale babybett ei siite weg glah & a euses bett ane gstellt.
  • Mer bruched keis si schlaft bi mir im Bett. (mer sind im Gästezimmer das de Maa in rueh chan pfuuse)

    S wer mir scho nur z doof sie immer i dis Bistellbettli ine z due 🤣

    (ps han au immer xeid d chind pfused im Zimmer. Isch bi de 1. au super gange ab 4 Mönet, die zweit jez 5mnt und allei schlafe keiiiiii chance! Nimms wies chund 🤷🏽‍♀️)
  • Definitiv nei. Met mim sohn chan me ned e eim ruum schlafe, es huerre geknorze 🙈 und er esch au afällig für lärm. Er het vo afang a, e sim bett gschlafe und ich de ersti monat ufere schlafcouch nebe dra.

    Aber ich han au ned gstillt
  • Beim ersten hatten wir keines, sondern der kleine schlief am Anfang in der Wanne vom kiwa neben unserem Bett. Das ging sehr gut. Er liebte und brauchte auch die Begrenzung. Mit 3 Monaten kam er dann in sein eigenes Zimmer und in ein Babybett (70x140cm).

    Beim zweiten hatten wir eines, aber mehr auch weil für uns klar war, dass wir die beiden erst mit 6 Monaten zusammen in ein Zimmer schlafen lassen würden.

    Wenn du ein leichten Schlaf hast, dann würde ich davon eher abraten.
  • Mir hei es wiegeli süsch gha! Hei di grossi nach paar tag usquartiert wü niemer pfuset het.. de het si bis 8 wuche im wohnzimmer im wiegeli pennet u mit 8 wuche ih ihres bett ih ihrem zimmer... u di chlini het chli lenger näbe üs pfuset wü si viu ruhiger isch gsi! Aber ou si isch mit 8 wuche ihs gitterbett im zimmer vor grosse! Mini si vo ahfang ah nume 1x ihr nacht um di 2/2.30 cho u nähr immer ume grad sofort ume ihpfuset u de het mi ds nid gstört zum ufstah..🤷‍♀️
  • Ich han eis womer au chan umbaue zunere Wiege oder Stubebett. Hans jetzt scho bim zweite Chind im iisatz als Biistellbett. Finds super. Würd ned jedesmal wele ufstah. Zumindest für am Afang. Gad au falsd en Ks hesch oder geburtsverletzige. Den bisch froh wend di ned zfest musch bewege. 🙄
  • wir haben kein gehabt und meine kleine hat von anfang an im
    ihrem eigene Zimmer geschlafen und ich ging zu ihr rüber ins zimmer zu stillen würde es beim zweiten wieder genau so mache
  • Danke oii allne🙏🏻 ich ha en sehr liechte schlaf😅 kaufe mal keis uf guet glück😅👍🏻
  • I han eifach bim normale gitterbettli ei site weg gnoh und so nebet üses ane gstellt. So hani e schö grosses bistellbettli ka und nöd unnötig geld usgeh. Es babybay isch nämli sautüür, findi und uh chli.
  • Mir hend eis vo afang agha und isvh super gsi fürs stille ha so im ligge chöne und witer pfüsele..und mini meinig.. sbaby isch 9 mönet lang i dir inne und de chunts use und peng muesses ellei pfuse? I hätts nie übers herz brocht.. aber wechtig isch ases für aui stimmt..😊
  • @Claudia_yali die sind würkli uh chliii😳 oises bett chömer ebe ned so usenand neh. Es isch selber gmacht voneme schriiner😍
  • 06e26610-6825-11e9-a313-8f338bcd46a2.jpegaso soooo Chlii isch jetzt miis Biistellbettli ned. 😂 Min Sohn isch über 1 Meter gross und über 15kg. 😆 Und tüür ischs au ned gsi. 😉 Me chans nocher als Bänkli fürd Chind bruuche. Resp. isch bis 80kg zueglah.
    Baybay isch ja ned die einzig Marke...
  • Aja er schlaft natürlich normalerwiis ned det ine. 😂 Isch eigentlich für sini Schwöster denkt.... 🙄😝
  • @ALOHA mir hend es babybay boxspring und ja d claudia het total recht es isch tür und chli.. er hets bis eze 4.5mnt brucht zum schlafe.. am tag hanis als stubewage gnoh.. und ez nimmis au no als stubewage.. weni ganz schnell eppis mue mache tuen en det ie.. ich würs glich immer wider kaufe.. (&chentsch es nacher au als schribtisch oder sitzecke fürs chind benutze.)
  • Wir hei z normale wiegeli und jetzt normale bettli im zimmer bi üs. Nid es extra bistellbettli
  • mir händ äs bistellbettli und ich finds mega praktisch. mär händ eis vo alvi wo mär au als bänkli chan bruche. isch sit 4,5 jahr im isatz wänns nöd als bettli brucht dänn als bänkli. han kind bis halbjährig so nebet mir gha zum pfuse
  • Ir landi hets neuerdings ou z choufe. Si sötte ne minderwärtig si😊
  • Würd das ir landi mau ga aluege. Ha das gester grad gseh u we mir no kes hätte, de hätti das kouft.
  • @susu und @ManuP oh danke oii. Gahni demfall morn mal go luege👍🏻👌🏻
  • Ich ha au immer gseit gha s Baby schlaft ihren Zimmer... nach einere Nacht dihei wo sie nebet mir gschlafe het im Stubewage und mer das zblöd gsii isch zum immer drüber lange bini mir es Chicco Next to me go chaufe, det het sie bis 4mt pfuused 😊 es git imfall suscht au d Möglichkeit zum miete...
  • Auso mini pfuset mit 7mt no näb mer😂🤦‍♀️🤪
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland