Mir geit s'Härz uf wenn.....

StiSti

196

bearbeitet 23. 12. 2021, 21:36 in Plauderecke
Wet hier ä chlini Sammlig zum Thema "Mir geit s'Härz uf wenn..." machä.

S'Läbä isch zur Zit rächt asträngend mit Corona, darum fing igs um so wichtiger, Momäntä z'ha wos eim eifach warm ums Härz wird. Teilet doch di Momäntä hier.

Mini Ching si zum Bispiel hüt Morgä ufgstandä, hei gseh, dass ig gester dr Tannäboum zum Schmückä inägstellt ha. Si si när beid näbä Boum gsässä. Woni gfragt ha, weit dir ke z'Morgä, seit d'Tocher: Nei Mami, ig bi scho viu z'ufgregt, cha nid ässä. S'git doch nüt schöners aus Wienachtä aus Ching. Mir isch grad s'Härz uf 😍

Kommentare

  • Ich säg viel mim Sohn Du bisch s allerbest für mi und er seit ab und zue und mami du bisch di aller liebst für mi 💕

    Oder wenni schnell wäg gohn 10 min oder so chumi hei denn seit dä Sohn Mami ha di vermisst 💕
  • Vor 3 Wuchä isch üsi 2. Tochter ufd wäut cho. U üsi erschti Tochter isch eso liebevoll mit ihre, mir hätte üs das niemaus ertröimt. Si git irä müntscheli (küssli) chunt sofort we si grännet cho luegä u umsorgt si. Eifach numä wunderschön dä ablick. Klar cha das no ändere aber fürä momänt isches jedä Tag berüehrend üserä Grossä zuezluegä, wie si die Rollä aus grossi Schwoscht liebt🥰❤
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum