September Baby's 2022 ❤️☀️

pünktchen

Hei zeme 😊
Ha denkt mach mol eh neui Diskussion uf.
I bi aktuell SSW 4 4 und min vorussichtliche ET isch am 22.September 2022. 😊 Aktuell hani no kei grossi Azeiche. Sit hüt hend mini Brüst chli agfsnge weh tue. De 1.Untersuech hani no nöd abgmacht.
Da isch mini 1.Chind und i hoffe das alles guet goht.

Würd mi freue zum vo anderne zghöre wer au im September ET het. ☀️

lachuli

Hoi hoi 😊
Schön hesch e Gruppe eröffnet 🥰
I bi 6 4...hüt de erst Termin ka und es isch alles guet. Mi Schatz im Buuch het sich guet entwickelt und ♥ Het gschlage... Mini Symtom: starki Müdigkeit, starke Harndrang, ab und zue Brustspanne, UL zieh... Übelkeit nur ganz liiicht...
Min ET isch 08.09 🥰🍀

pünktchen

@lachuli so schön zghöre das alles guet isch 🥰 dSymptom haltet mer doch gern us für das chline Wunder 😁
I ha gad min 1.Termin au abgmacht, de findet am 08.02.2022 statt. No soo lang warte 😅🙈 aber denn gseht mo hoffentlich alles 😃

lachuli

@pünktchen warte uf de 1 Termin goht immer lang aber sWarte lohnt sich... I red us Erfahrig 🥰
I han in 2 Wuche de nächst Termin.
Freu mi scho riesig druf 😍

pünktchen

@lachuli da glaub i dir 😊 brichtisch denn wies gsi isch 🥰
Ab wenn hets bi dir mir de Müedigkeut agfange?

linskyy

So schön dases en Septembergruppe gid🤗 han sehr mit eu mitgfiebered ide Hibbelgruppe.. mich aber irgendwie ned getraut z schriibe. Ich bin au im Team Septemberbaby🤗 Han glaub am gliche Tag wie du @lachuli testet. Han hüt nami de erst Termin bim Gyni.. 🤗ich hoff s isch alles guet..

pünktchen

@linskyy cool Herzlichi Gratulation dir!
Wir gots dir? Scho viele Azeiche oder alles no schön entspannt?
Wünsch dir viel Spass bim Termin hüt Nomitag und druck dir Duume das alles super isch.

linskyy

Dankee😊
Au eu natürli na herzliche Glückwunsch!!🎉♥️
Han siitem Tag vorem positive Test schmerze ide Brüst. Und am Abig amigs chli en flaue Mage. Sit letschde Wuche ab und zue es schmerzends Chrüüz und es Zieh im Unterbuuch. Susch nani gross was.

lachuli

@linskyy aaah wie schön 😍 müesch brichte wie's gange isch hüt Nomittag 🥰😍

linskyy

Oh weiss ned wie guet die News sind.. luut Schall bini ersch ide SSW 5 5.. und luut Berechnig mit Zyklustag 1 sötti eigentli hüt 7 0 sii.. Weder Herzschlag na Embrio z gseh. Aber min Eisprung isch meistens öpe 7 täg spöter und au s APP hed luut de Tempi sgeh dasi eigentli de ES ersch am ZT 21 gha ha. Han jetz inere Wuche namal en Termin zum luege ob da chline Würmli eifach chli verspötet hed oder obs sich würkli ned wiiterentwickled hed. bi grad chli durenand. ha sones guets Gfühl gha.. Jetzt heissts abwarte und Dümli dreihe..

lachuli

@linskyy welles Datum isch din ES gsi? In de SS App chasch usrechne wie wiit das bisch... Muesch eifach erste Tag vo de letscht Periode igäh und ganz wichtig Zykluslängi... Nit jedi het 28 Täg Zyklus... I han zum Beispiel 32 Täg Zyklus...
Isch guet chasch in 1 Wuche go. Isch bestimmt zfrüeh gsi...

linskyy

Isch ebe chli es züg. han ersch de zweit Zyklus wider gha sit de geburt vo mim Sohn. isch alles na es mega durenand. De erst isch 33 täg gsi. und luut em tempimässe isch de ES am 20.12. gsi.. aaber de sst hed bereits am 29.12. ganz miniminim positiv azeiged.. hed würkli sehr gnau müesse hiluege. s tempimässe isch ned ultragnau bi mir weli dur min chline u wenig und ned würkli viel schlaf ha😅 hett denkt de es isch am 18. gsii. aaber d tempi isch ersch abem 20. über de coverlinie gsii🙈 es mega durenand🙈🙈

linskyy

da wär mini tempikurve.. filich wirsch du druus ja schlau😅
und dankw für dini ufmunternde wort😘

linskyy

ich stell mi jetz mal für de termin vo negst wuche uf alles iih. bliib aber wiiterhin au optimistisch und lah de chopf nani hänge.

pünktchen

@linksyy nörchst Wuche gseht mo dis chline Würmli sicher 😊🙏 optimistisch bliibe und dHoffnig nöd ufgeh 🍀💕

lachuli

@linskyy gemäss Berechnig im Internet wärsch 6 2...aber es chan au si das nit sowit bisch... Blieb positiv... Nächst Wuche wirsch sicher meh gseh 😍

pünktchen

Hei Zeme

Wie gots euch?
Mir sowit tiptop. Bi hüt 4+6, also morn isch Wuchewechsel.
Fiebere chli uf die 7. SSW hi, do i letscht mol i de 6. SSW e Fehlgeburt gha han.
Azeiche hani no immer sehr wenig. Mini Brüst tüend chli weh, liecht erhöte Usfluss und ha sGfühl i Träume meh und intensiver als normal. Ansonsten merk i gar nüt.
Ha kei Zieh im UL und au kei Übelkeit.
Hoffe ganz fest das alles guet isch und sHerzli vom chline Würmli scho bald afangt schlo.

Wünsch euch en schöne Tag.

lachuli

Hoi hoi
Mir gohts guet... Mini Hormon sind crazy...cha mi sehr schnell nerve im Gschäft 🤪🙈
Bi hüt 6 6 😍 morn chum i in die 8 Wuche 🥰
I bi immer müed 😴 hüt am 04:35h hellwach gsi wie e 🦉
Han ab und zue es zieh im UL.. Brüst Spanne au ab und zue...
Übelkeit han i nur wenig am Morge...
Wenn hesch din erst Termin?

pünktchen

@lachuli Min erste Termin han ich am 08.02.22 also i de 8.SSW 😊

lachuli

@pünktchen ah schön 🙂 i han min 2 Termin am 31.01 döt bin i Mitti 9 Wuche 🥰

linskyy

mini Liebe ich meld mi namal churz. ich han s chline verlore bzw. bin s grad am verlüre😢 wie ich gläse ha kenned ehr da gfühl ja au.. ich wünsch eu vo herze alles Gueti und en tolli Schwangerschaft und gsundi und unglaublich süessi Septemberbabys🥰 mue mi grad vo dere Truur chli erhole und denn klappeds bestimmt spöter wider.

lachuli

@linskyy das tuet mir so leid... Bisch nomol in Kontrolle gange... I has 2x muesse erlebe... I weiss genau wie du dich fühlsch... Fühl di ganz fest gedruckt 😔
Es tuet mir so leid... 🙏🙏🙏

linskyy

Danke für dini Wort. 😘Das passiert ja so viel meh wiemer s weiss. umso meh drucki eu d dume dases damal guet chund und eui chline s sich bis im September gmüetli mached bi eu.han mi darum au entschlosse s im Fründeschreis und Familie etc z verzelle. filich hilft da au de eine wennmer s selber erlebe mue. Nei bi nani id Kontrolle, aber han Bluetige becho. Und definitiv z viel dass es na guet chönt si😥 zum Glück hani scho ein chliine Wirbelwind wo chli meh als Jährig isch und mi bestimmt chli chan ablenke und luegt dasi mi ned z fesch verchrüüche.

pünktchen

Oh naii @linskyy 😩 da tuet mir mega leid 😢 i wünsch dir ganz viel Chraft 🙏❤️

lachuli

@linskyy oh nei das tuet mir leid 😔 Blödi Blüetig.... 😔 Schön hesch din Wirbelwind dehei.. So bisch sicher guet abglenkt... I hoff du chasch bald wieder starte.... 🍀🍀🍀

linskyy

Danke eu für die liebe Wort😘
so, und jetz nihmi mich use.. dass ehr de Chat wider chönd nutze um eu über eui Schwangerschafte chöne usztusche. Für das ischer ja denkt.😊 Ich hoff au dasi denn au na es ziitli gliichziitig mit eu schwanger wird sii:p Und lies ab und zue weni wider mag bi eu mit wie s eu und eune chliine so gaht🥰

enelaa94

Hallo Zemme🥰Befinde mich ide 7 Wuche und es git es September Baby.
Han nöchst Wuche min erste Ultraschall und bin mega ufgregt und han glichzitig angst. ( mini 1SSW)
Han letscht wuche mim Frauenarzt aglüte um zfröge, ob sie mir chan Folsäuri parat lege, will mer ja weiss die sind sehr wichtig ide SSW. Seit mer d'MPA am telefon eifach, es ish nöd dringend die z'neh, und wenn denn chöntis ja bim erste Ultraschall denn neh.. Und min Termin hetti döt übrigens erst mitti Februar gha und wär ide 10 Wuche gsi! Han kei verständnis für so e ussag. Bin so trurig gsi. Han jetzt min Frauearzt gwechslet. Und ich han mer jetzt selber die vo Burgestein bstellt. Het öpper erfahrig demit? sind die guet? Wünsch eu allne no es schöns Wuchenend.

lachuli

@enelaa94 herzlich Willkomme in de Gruppe. Folsüüri müesch unbedingt näh... Min Fa het mir gseit e paar Mönet vo SS znäh. I nimms Elevit.... 😉

pünktchen

@enelaa94 ❤️lich Willkomme bi üs ☺️ jo nimm dFolsüri unbedingt jetzt scho 👍 isch sicher guet hesch de Frauearzt gwechslet 😊

Dini Angst verstohni, bi aktuell i de gliiche Situation 🙈 aktuell afangs 6ti Wuche und di erst SS.. Min erste Termin hani i guet zwei Wuche und hoffe mega fest das alles guet isch und sHerzli denn au schloht 🥰
Ha praktisch kei Symptom bis jetzt und da macht mir chli Angst obwohl i jo weiss, das da nöd bi allne so isch 🙈

lachuli

Be mir händ so richtig Symtom erst ab 7 Wuche agfange und ab 8 Wuche spür ichs no meh.... 😉
Am Afang han i au nit so viel Symtom ka... 🥰

Meeko

Hoi zäme 😊 Gratuliere allne werdende Mamis 🥰 Mega cool gits so en aktive September-Mami Chat, ha leider fast kei Fründe, wo scho schwanger gsi sind oder sind, drum würi mich über en Ustusch mega freue 😊 Ich bi i dä 6. Wuche und han inere Wuche dä erst Termin bim Gyni - freu mi sehr! 😊 Symptom hani chli es Zieh im Buch, aber findes schön „zmerke“, dass da öpis passiert 😊

pünktchen

@lachuli bini gad froh seisch da, bi chli beruhigt und weiss das es bis denn vilicht au no chunt 😅

@Meeko ❤️lich Willkome bi üs im Chat 😁 gratulier dir zu dim chline Wunder ☺️ demfall sind mir jo zimli gliich wiit 😃 i gspür au no nöd viel meh als ab und zue eh liechts zieh 😁 Brichtisch denn wie de erst Termin gsi isch 😃

lachuli

@Meeko herzlich Willkommen. Gratuliere dir au 😍 hesch dem fall au am 31.01 Kontrolle?

Meeko

@lachuli & @pünktchen danke eu vielmal 😊 bi wohl chli dur dä wind, ha dä termin am 4.2 isch ja erst i 2 wuche 🙈 isch alles na so neu, musch denn brichte wies gsi isch @lachuli du gasch demfall vor eus 😊

lachuli

Ja i wird vor Euch go... Freu mi scho riesig druf 😍 😍 😍

Meeko

isch es eigentlich eui ersti Schwangerschaft? 😊

lachuli

Isch mini 3 Schwangerschaft... Han scho 2 Fehlgeburte ka... Jetzt han i aber e guets Gfühl 🥰

pünktchen

@Meeko super 😊 i ha gad 4 Täg noch dir min 1.Termin 😃
I ha letscht Oktober eh Fehlgeburt gha.. Da isch allso de zweit Versuch für s1ste Chind 🥰

Meeko

Oh tut mir mega leid das zghöre…
umso schöner häts wieder klappet und das miteme guete Gfühl 🥰 Bi mir isches au die erst 😊

pünktchen

Guete Wuchestart allne ☀️
Wünsch allne en guete Untersuech wo die Wuche dörfet zum Gyni 😃
Bi gspannt uf eui Erfahrige 😊

lachuli

I wünsch Euch au e guete Wuchestart 🥰 i gang erst in 1 Wuche 😍

lachuli

Morge zämme
Wie gohts Euch so?
Geschterd han i mini Mutterbänder meh gspürt... Hüt wird i bloggt mit Verstopfig und bi sit 4h hellwach... Wird e lange Tag 🙈🤪

pünktchen

Guete Tag ☺️
I gspür immer no so guet wie nüüt. Bi hüt 5 5 😉 ab und zue gits en Tag wo mini Brüst chli weh tüend.
Leider het mi aber de Covid no verwütscht. Ha en sehr milde Verlauf bis jetzt und kei Fieber. Hoffe das am chline Würmli nüt passiert. 🙏
Die Nacht bini au 2h eifach wach glege, chönt aber ah de Verchältig vom Covid ligge 🙈
Wünsch eu en guete Tag ☀️

lachuli

Guet hesch e milde Verlauf.. Dim Schätzeli wird bestimmt nüt passiere 🍀🍀🍀 i spür sit geschterd Mutterbänder....
Chas chum abwarte in Kontrolle zgo..

Meeko

Hey zäme! Ohje wünsche dir gueti Besserig und hoffe, dass en milde Verlauf häsch & dim schätzli wirds sicher guet ga 🍀🙏🏻 Ich bi hüt au am 4ri wach gsi 😅 und ha sit gester en rechte Blähbuch und zieht au chli, hoffe da isch alles in ordnig 🙂

pünktchen

@Meeko Zieh und Blähbuch isch völlig normal am Afang vonere SS. ☺️ Mach dir kei Sorge, isch sicher alles guet 🙏
Isch das demfall eh Symptom vo de Schwangerschaft das mo zmizt i de Nacht ufwacht und hellwach isch? 🙈 Ha no gar nie öppis devo ghört 😅

Meeko

Ah würkli, da bini froh! gseh jetzt scho us als wäri im 4. Monet 😅 Hihi ja vilicht, ich ga aktuell mega früäh go schlafe willi so müed bin am Abig.. sinder am Abig au so erschöpft?

lachuli

Jo also Blähbuuuch und zieh im UL kenn i au. Magnesium hilft.. 😉
Und ja i bi zwische 20:15h - 20:30h Todmüed und gang immer am 21h go schlofe... Entsprechend bin i sehr früeh hellwach 🙈

pünktchen

dMüedigkeit get bi mir bis jetzt no nöd igsetzt 🙈 mach mir drum au chli sorge obwohl ich worschindlich nöd müssti

Meeko

Guete Morge 😊 Mach dir kei Sorge, das isch sicher wie die andere Sache mega individuell 🌸 machsch du viel Sport?

pünktchen

@Meeko bis voreme halbe Johr hani mega viel Spart gmacht.. Siteme halbe Johr bini nüme gliich dezue choo 😉 wenn alles normal lauft so 2x i de Wuche ☺️
Und ihr?