Bruchtmer für de Wage...

ALOHA · 22. 04. 2019, 13:51

..es Muggenetz?

De chli chunt endi August/ ahfangs September ufd Welt.

Danke oii

ALOHA · 22. 04. 2019, 13:52

das?

Han en Regeschutz und grad gseh dases no sonen spezielle Schutz git.

schaai · 22. 04. 2019, 13:55

würds chli abhängig vum wohnort mache...am wasser viel insekte usw..viel tüend jo eifach es sunnesegel oder tüechli ane für mi wür das lange

Jeaninne · 22. 04. 2019, 14:26

Unsers kunnt afang juli und ich ha mi gege e muckeschutz entschiede. Ich finds nyd nötig🤷🏼‍♀️

mrspfeffer · 22. 04. 2019, 15:34

Mir hend nie eine brucht, di grossi isch im september cho & di chli im mai. Sind immer 3 wuche im summer as meer etc. Und hend en nie vermisst.

ALOHA · 22. 04. 2019, 15:37

Tiptop. Danke oi🤗🤗👍🏻 mer cha ja allllles für baby kaufe. Bi gad chli am umestöbere😅 krass

Ohana · 22. 04. 2019, 15:40

Mir heis o niä bruucht

schaai · 22. 04. 2019, 16:38

@ALOHA jo i finds zum teil e huere geldmacherei..vieles chasch au irgendwie mit alltags produkt ersetze als immer die tüüre sache..aber jo das mue jede selber chli usefinde

Pinny · 22. 04. 2019, 20:15

💁‍♀️mir hends bi üsm tfk wage debi gha 🤣aber hends enard no nie brucht

schaai · 22. 04. 2019, 21:49

han ez grad uf amazon bstellt 😁 me muess sich slebe praktisch gstalte..🤣

schaai · 22. 04. 2019, 21:49

ah i mein en becherhalter wichtig 😍

Evi · 23. 04. 2019, 10:15

Also i ha so es Universalnetz kauft im Drogerie Müller, glaub öpe 8.-. Da han i no hüfig brucht, auch spöter. Chasch öber de Maxi Cosi, Kinderwage und Bett tue. I ha da e de Ferie hüfig brucht eifach obe öber s‘Reisebettli. Ha‘s scho no praktisch gfunde, da bi so chline kei Muckestecker oder Mittel dafsch bruche.

Rizzitella · 23. 04. 2019, 10:38

Mer hend bi eusem Bugaboo eis debie. Has no nie brucht. Bi keim Chend

Mary Lou · 23. 04. 2019, 12:27

Mir heis no viel brucht. Eher im Spatsummer wäg dä Wäspi u wägä Muggä. Aber mir heis nid vo Aafang a kouft, ersch wo di Chlii fasch gfrässä wordä isch vo dä Muggä. Choschtet nid alli Wält u isch bi Bedarf schnäll kouft.

Bawa · 23. 04. 2019, 13:57

Ich has mega guet gfunde, wills bi üs im Riet viel bräme oder halt bindli het etc und kei fliege isch ufs schlafende gsicht 🤣 ich has halt wüki brucht, vorallem wenns pfust het....

Rizzitella · 23. 04. 2019, 14:32

Esch das ned bi jedem Chenderwage debie?

ALOHA · 23. 04. 2019, 14:48

Bawa schrieb: »

Ich has mega guet gfunde, wills bi üs im Riet viel bräme oder halt bindli het etc und kei fliege isch ufs schlafende gsicht 🤣 ich has halt wüki brucht, vorallem wenns pfust het....

Das hani ebe au denkt. Mir wohnet bim wald😅 aber er chunt im september und de isch ja bald winter😬 luege den glaub sponti

ALOHA · 23. 04. 2019, 14:48

Rizzitella schrieb: »

Esch das ned bi jedem Chenderwage debie?

Weissi ned - bi oisem ischs ned debii. Au de regeschutz ned😅

Rizzitella · 23. 04. 2019, 15:12

@ALOHA was hend ehr au fören Chenderwage kauft dass das ned debie esch? 😅

ALOHA · 23. 04. 2019, 15:28

Rizzitella schrieb: »

@ALOHA was hend ehr au fören Chenderwage kauft dass das ned debie esch? 😅

Thule urban glide 2

Rizzitella · 23. 04. 2019, 16:10

@ALOHA bi dem Priis häts aso scho döfe debie si 😁

Jeaninne · 23. 04. 2019, 16:39

Also bi unserem isches glaub au nyd drbi... mienen drum no go abhole🙈 abr regeschutz hani au extra miesse bstelle resp kaufe.

mrspfeffer · 23. 04. 2019, 16:45

@Rizzitella also mir hend en Joolz kauft und s Netz isch au ned debii gsi, aber de Rest wie Rägeschutz etc. Scho

ALOHA · 23. 04. 2019, 17:34

@Rizzitella ich finden gar ned tüür😅 hend aber au bi galaxus gad es schnäppli gmacht inkl. 10% no😍👍🏻 es git ja viel tüürerii, de ischs halt mitm priis drufgschlage🙊

Sunshinemom · 23. 04. 2019, 18:01

Mir hei eine derbi gha und ig ha ne brucht, allerdings nid gäge d Insekte sondern aus Brämsnetz gäge frömdi Händ im Chinderwage. 🙄

ALOHA · 23. 04. 2019, 18:03

@Sunshinemom 😳 das seget mir sooooo viel dasi mi uf das froie chan. Oder bim maxicosi ide läde😳 cha das chuum glaube dass das lüüt machet. Unglaublich. Aber guet glöst👍🏻

mrspfeffer · 23. 04. 2019, 18:40

Oh wow Sunshinemom das hani bi beidne Chind nonie gha😱🙏

Mirj · 23. 04. 2019, 18:48

bi eusem häts es muggenetz am wage, händ das genau 1x brucht für gschlagni 10sekundä, dänn häts min sohn abegrisse😂 @Sunshinemom genau drum häni d‘kind entweder ide tragi gha oder über de maxi cosi es grosses tuech ghänkt bim poschte. d‘lüüt gspüred sich nöd sobalds es baby gsend.. eini hät mal sogar s‘baby gschtreichlet obwohli sie ufem rugge gha han! sie isch vo hine cho ohni öpis z‘säge und langt sie ah. sie isch sooo zämä zuckt, ha die ander gad zämägschisse. sie redet bis hüt nüm mit mir 😅

Nessa · 23. 04. 2019, 19:54

mrspfeffer schrieb: »

Rägeschutz etc. Scho

ich han au en Joolz und es isch gar nüt debie xsi😂😂🤷🏼‍♀️

sArA91 · 23. 04. 2019, 19:57

ich han nie eh muggeschutz gha 🙈😄

mrspfeffer · 23. 04. 2019, 19:57

@Nessa also ned gratis😅 meine ha sPaket gno inkl. Schirm, Wickeltäsche etc. Und allem aber sMuggenetz isch ned debii gsi😄

Nessa · 23. 04. 2019, 20:01

@mrspfeffer ah sooo🤭🤭🙈 ja mir hend no en regeschutz und adapter gnoh für de maxicosi.. und ez nachträglich no en schrim.. 😌

Sunshinemom · 23. 04. 2019, 20:18

Jaa es git nüt wos nid git. 🤦🏻‍♀️ Ig ha se eigentlich ou immer ir Tragi gha, und dert het sich niemer häretrout 😈 aber zwüschedüre isch dr Wage äbe scho no gäbig gsi.

mrspfeffer · 23. 04. 2019, 21:12

@Nessa was ich super finde, isch de Summersitz bim Joolz. Mini Grossi schwitzt u schnell & de isch jede Rappe wert gsi.. sind uf Kroatie und bi 40 Grad hett sie friedlich gschlafe😊

Jeaninne · 23. 04. 2019, 21:24

@Nessa @mrspfeffer mir hän au dr joolz hub resp werde dä ha. Dr sunneschirm bruuchts? S dach seht drum mega gross us und macht recht zue, drum bini mir nyd sicher ob mir dä bruuche? Ka me dä au bim sportsitz denn no bruuche?

ALOHA · 23. 04. 2019, 21:25

Oh ja sunneschirm gits ja auna😱 huiuiuiiii. Isch ja wienes auto😂

Jeaninne · 23. 04. 2019, 21:27

@ALOHA joo mi mami findet dä bruuchts unbedingt, ich find irgendwie nyd, abr ebe isch mi 1. kind und ich ha kai ahnig😂

mrspfeffer · 23. 04. 2019, 21:36

@Jeaninne ich han de Joolz Day us de erste Generation vor 4.5 Jahr kauft und s Verdeck isch det noni so lang zum abezieh. Aber ja ich bruch en ständig. Han au mal glese, dass de Sunneschirm öpis vom Beste isch vowege UV Schutz und vor allem staut sich kei Luft drunter wie bi Nuschis oder so..

Nessa · 23. 04. 2019, 21:56

@Jeaninne Also ich han en ez nachträglich no dezue kauft. Ich liebeeeee de joolz.. s‘einzig wo ich bemängle würi isch das s‘dach ned witer chasch abezieh als en rechte winkel.. es het es chlises dächli zum führe klappe das nützt gar nüt. sunnesegel hani probiert aber mir passt de schirm eifach bessr. ich han de joolz geo2

@mrspfeffer ahh ha das glaub mal xse.. xseht us wie e art spinnenetz gell? also mitmene mittelteil und den so gspannti „fäde“ das wer demfall no e überlegig 👍🏼😌 danke

mrspfeffer · 23. 04. 2019, 22:00

@Nessa ja genau de isches. Isch würkli super für im Summer. Tuesch en via Rissverschluss an Sportsitz here also as Gstell..
Ja das mitem Dach isch würkli chli doof aber ebe de Schirm findi super und so hetts mer au ned gfehlt.

Nessa · 23. 04. 2019, 22:03

@mrspfeffer also uswechsle wie wanne und sportsitzt? oder so meinsch?

mrspfeffer · 23. 04. 2019, 22:10

@Nessa nei nei also nimmsch de Sportsitz und de hett en Rissverschluss wennd aneluegsch bim Rahme. Und de chasch useneh und de Summersitz denn mitem Rissverschluss dritue und befestige. 😊

mrspfeffer · 23. 04. 2019, 22:11

da gsesch de Rissverschluss. Gaht um de ganz Sitz.. au bim normale Spotzsitz

Nessa · 24. 04. 2019, 08:05

@mrspfeffer ah tip top🤗 danke dir

SHAYENNE · 24. 04. 2019, 08:24

Mir händ au en Joolz Day finde das Sunnesägel dezue hammer. De Schirm passt mir ned de muess mer immer richte dases S Baby au deckt wenn mer d Richtig wächsled🙈

SHAYENNE · 24. 04. 2019, 08:25

Als ergänzig hani amigs das Universal Sunnesägel debi wenn d Sunne tüf isch.

SHAYENNE · 24. 04. 2019, 08:28

Mir händ nie en Muggeschutz gah und ned vermisst.

Bawa · 24. 04. 2019, 13:51

@ALOHA au im Summer 2020 wirsch Netz sicher chöne bruche 😀😀

ALOHA · 24. 04. 2019, 14:24

@Bawa jaaa aber de mussis nid scho etz kaufe😬 ich warte eifach mal ab obmers bruchet

Pinny · 24. 04. 2019, 17:48

@Mirj 🤣ich han kenn das...das Problem hani ständig 🤦‍♀️muess all alti fraue zemmeschisse...trotz tuech, muggenetz etc. Rissets mer de amel im lade (wenni mitm regal statt kinderwage beschäftigt bi) uf und schnallet mini meitle ab und wönds träge^^...wildfremdi lüüt^^ und mini meitle schreiet wie am spiess 😅so ziemli di einzig situation i mim lebe wo zwilling ahhstrengend sind 💁‍♀️und das ned mal wege ihne, sondern weg erwachsene lüüt wo eifach nöd ihri finger bi sich bhalte chönd

Bruchtmer für de Wage...

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: