Hey, viele Themen und Gruppen befinden sich im privaten Bereich.
Für den Zugang zur gesamten Community, registrier dich bei uns.

Mamis Juli 2015

Energy13Energy13

190

edited 21. 11. 2014, 07:35 in Schwangerschaft
Hoi zämä, i cha nümm warte und start jetz da Thema selbr ;-) wo sind die andere Fraue?
«13456

Kommentare

  • Sali☺️ Ich mag au nümme warte. Hihi es chönt zwar si, dases auguscht wird
  • Au guet, hammer dUberschrift Juli/August no überleit ;-) bisch bim Gyni gsi?
  • nei no nöd. ich lüt morn erscht ah und mach öbis ab. bisch du scho gsi? han rirgendwie rächt respäkt devo. ich chans irgendwie no so gaar nöd glaube
  • Ja ich bin gsi letscht Do- ha aglüte und gfrogt wenns Sinn wurd mache zcho- de hei sie gmeint ab 5/6 Wuche machis Sinn... ich bi hüt in 6 Wuche + 4 Tag luut US ;-)
  • Ich glaubs scho- mir isch schlecht- ned jede Tag und au eher zobe (haltet sich also in Grenze) abr i mue zNacht oft ufs WC und bi seeeehr müed ...
  • Gratuliere Energy13 :)
  • Danke Shibasa- zwei Tag nach "eusem" Chat hani positiv testet ;-)
  • Salü zämmä:-)
    A dere Stell gratulier ich eu au ganz herzlich. =D>
    Ich bi gliich wiit wie t Energy und freu mi riesig uf miis Würmli.
  • Hihi gsehsch jetzt ;) de ganz Stress für nüt :D
  • Genau, Shibasa haha ;-)
  • I wot ja itz nüt sägä. Aber haniders nid gseit gha? ;)
  • ähm doch, eventuell mol erwähnt ;-)))
  • @Energy13 und shibasa war nicht die einzige, die das gesagt hat!
  • Jaaaaa ;-), ich bi sooo nervös gsi bym erste ÜZ dassi mi ha müesse mitteile und ich ha denkt: OMG das gaht jetz mind es Jahr bises ischlaht- zum Glück isch mi Ma do sehr vel glassner gsi und am 2 ÜZ hami de au beruhigt gha... ;-) Danke ab alli do im Babyforum fürd Unterstützig ;-)
  • Hihi i bi froh si mi Maa und ig da gliich. Wes ihschlaht, schlahts ih und wen nid, den nid. Mir hei üs nie Stress gmacht und eifach gwartet ;)
  • isch okay,i nimm mer e Bispiel a Euch ;-)
  • und i lies brav alles wo über Schwangerschaftsübelkeit im Forum stoht-wenn da ned besser wird (sondern immer schlimmer) so befürchti wirds uffällig im Gschäft :-/
  • Da chani dir leider nid witer häufe. Das hani nie gha :)
  • Irgendwie gahts de scho ;-)
  • Jo das hend mir au so gmacht Shibasa. Sisch so chli länger gange aber defür sehr entspannt ;-)
    Und Energy, schö brav Kamilletee trinke, das nützt bizeli. Ansonste het de FA e schlaus Tablettli wo au hilft...
  • ah ok Kamille meinsch?! Danke,besser als de doofi Ingwer Tee- de chani fasch nümm gseh....
  • Oh jo das glaubi! Pfefderminztee nützt au gege schlecht sii. Eifach nid meh als 3 Liter am Tag ;-) denn gits chli abwechslig.
  • Pfefferminztee meini natürli :-)
  • Pfefferminztee sötmer aber wen müglech vermiide, wills d Milchproduktion hemmt ;)
  • hmh wa jetz? bis endi 12ti und no wyter sett jo da ke Thema si - vo wäge Milchproduktion ?!
  • Also i ha vo Ahfang ah druf verzichtet, wius sich dr Körper ja druf duet vorbereite :)
  • aaah, ok mol luege uf wani meh gluscht ha und wa meh nutzt... merciii
  • Also has no schnell mit dr Kollegin ahgluegt, momentan sigis no unbedänklech, ussert du heigsch Sodbrenne de sötschne nid trinke weg de süüri und äbä vorem ET ganz ufhöre drmit
  • wenns ganz schlimm isch und mit huusmitti und tricks nüm goht den chasch itinerol b6 neh, oder paspertin. würds aber ah zersch mit allem andere versueche.
    ingwertee hett mir gholfe, und en spagyrika spray, die chame sich mische loh ide apotheke.
  • Danke fürd Tipps Fraue ;-)
  • so, jetzt hani au ändlich en termin bim frauearzt. :-) leider erscht nächscht mändig. jetzt heissts wartä.
  • Monalii toll,de gseht me sichr scho meh als bi mir... ;-)
  • ich befürchte nöd, will ich wänni richtig zehlt han erscht 4+ 5 bin :-) aber bin glich wahnsinig ufgregt :-D
  • I ha hüt afe Kontrolle vor Geburt nache. Ha aber chli "schiss" devor das sich bi mir ouscho wieder e Buchzwärg ihgschliche het. :)
  • Oh jo Monalii ich verstoh di, ha min am Dunnschtig und mags au chum erwarte :-)
    Und jo das mit em Pfefferminztee stimmt Shibasa. Ab de 13. Wuche söttme denn weniger bis gar kei trinke. Aber oft isch jo denn di schlimmschti Übelkeitswelle zum Glück scho vobii.
  • Monalii, de hettisch jo mega früeh gmerkt das schwanger bisch?! hesch du ersch letzt Wuche testet?! ;-)
  • Fraue i ha chli schiss vorem FA Termin, obwous eigentlech nur Kontrolle isch vor Geburt. Mi Maa het gspöttlet söll de nid hei cho und sägä sigi schwanger :) wiu ahzeiche hani äbä wie bir letschte SS
  • Shibasa, wäri da schlimm? was isch da füre Kontrolle hüt?
  • Für mi nid, währ zwar scho chli früech. U währ de grad 2. immerhaub 1 Jahr... Nachgebirtskontrolle woni eigentlech vor 2 mönet hät söue ha.
  • Shibasa wenigstens hesch scho chli Üebig. ;-) ich cha dir grad nid mit reinem Gwüsse Duume drucke wenn ich mich so wahnsinnig uf üses Würmli freu... wär doch toll, nomol vo vorne.. und de Maa isch doch schlinscht Problem nid?;-)
  • Hihi mir hei doch ersch grad vo vor Ahgfange ;) ts mingscht währe mr de nid us dr üebig :D
  • Also das findi au, i gseh do nüt schlimms dra und jo du hesch jo üebig ;-) ich mue leider wyterschaffe, duesch brichte wie Kontrolle gsi isch?! glg
  • Jup halt üs ufem laufende :-)
  • Machi doch Mädels :)
  • So alles sowit im grüene Beriich. Wegerer SS hetsi (no) nüt festgsteut, sigi aber ono grad chli früeh dasme öppis würd gseh oder gspüre. Ultraschall hetsi keine gmacht, söu i ca. 1 Wuche mau e Test mache, we mini Periode nid chöm :)
  • ahh guet guet, hesch du nach de SS wieder e normali Periode/ Zyklus gha?
  • Gseht doch ganz nocheme Happy End us :-)
  • Energy ha ersch afe 1 ne gha ;) aber ja dä het genau i Plan passt ;)
  • Termin währi den ca. Um de 01.09.2015 wes so sött si :)
  • ok, uiii de bini abr gspannt ;-)
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland