Hey, viele Themen und Gruppen befinden sich im privaten Bereich.
Für den Zugang zur gesamten Community, registrier dich bei uns.

Praena-Test

ElenaElena

60

edited 18. 05. 2015, 11:52 in Schwangerschaft
Wer hat ihn gemacht und wie lange musstet ihr auf's Resultat warten?

Kommentare

  • Huhuu ich ha de Prendia gmacht und isch fascht 3 wuche gange:(
  • ElenaElena

    60

    edited 21. 05. 2015, 08:17
    Morn si's bi mir afang zwe Wuche....wenn ig Glück ha weiss ig's aber de äntlech ( au dz Gschlächt ).
    Di Warterei isch müehsam, denn es het gheisse, dasse's ca 1Wuche duuret.
  • auso bi mir ischs öppä 2 1/2 wuchä gangä...
  • Und isch de alles guet gsi?
  • Ja bi mir isch alles guet xi und es git es girl jeahhhh
  • Ig bi immer no am warte.....liggt gloub ou chli a Uffahrt und Pfigschte. Erkundige mi de nomau am Zischti.
    Wi wit bisch de du afangs Feivel?
  • Ja bi mir sind d'oschtere dezwüsched xi drum au drü wuche gange! Bi welere chrankekassr bisch du? Ich schaffe bide helsana und mit zahled neu öpis us de zuesatzvers dra! Ich bi morn 19+0 und du?
  • ElenaElena

    60

    edited 28. 05. 2015, 22:33
    Am Donnschtig bini 14+0
    Ig bi bi dr Croupe Mutuel, mir isch aber scho klar, dass me de Tescht säuber muess finanziere. Aber es git gloub immer wie meh KK's wo äbe e Teil übernää......fingi nüt aus richtig, es beruähigt haut scho rächt, wenn me NUR mitäre eifache Bluetentnahm sones sichers Resultat erhautet.....und's ungfährlech für's Würmli isch.
  • Ah ok viel händs g'ändered per 1.3.15 wend evt vorher gfröged hesch! Und mängisch nützt en brief aso bi eus iscvhes eso
  • ....das isch e gueti Idee vo dir, chönnti usprobiere. Itz warti mau d'Teschtergäbnis und d'Rächnig ab. Bir CM het sich ja villecht ou öppis gänderet :-)
  • bi mir isch o aus guet gsi.so hesch o gad ds gschlächt vom ching relativ früeh gwüsst.mi schatz isch jetz jährig

  • scandy wrote:
    bi mir isch o aus guet gsi.so hesch o gad ds gschlächt vom ching relativ früeh gwüsst.mi schatz isch jetz jährig

    umä nid aus druff,grrr...d visana het 50%vodä chöstä überno...
  • Villecht bechumi hüt dz langersehntä Phone vom Doc, morn si's scho drü Wuche woni warte. Was mi närft a derä Warterei isch; eigäntlech macht me ja dä Tescht spätischtens ir 12te Wuche u das het ja ou sini Gründ.....ig bi hüt 14+0 und eifach immer no ahnigslos.
  • das isch bi mir o so gsi:-( dr doc het numä druf gmeint,we öppis sig chönnmä glich no abtribä...:-/
  • Schreckläch dä Gedanke.....
    Ig bi hüt erlöst worde vo derä Warterei. Mi Läbespartner u ig chöi üs ufnes gsunds Meitschi fröie <3
  • oh das fröit mi mega für öich!aus aus guete fürd zuekunft!!!
  • Jeahhhh supiii gratuliere
  • Sali
    kennt öpert scho de Panorama Tescht? Mini Ärztin wot me dä empfehlä? Weis jemand wie lang dä gaht?
  • Kenni gar nid, aber das mit dr Wartezit stimmt eh fasch niä.....ig ha ja fasch 2,5 Wuche lengär müesse warte aus mir vom Frouearzt gseit isch worde....( sehr müehsam ). Am WICHTIGSCHTE isch doch aber, dass dr Tescht eim e gueti Sicherheit cha gä. Auso mir het das scho sehr beruähigt...( natürlech ou dr wärdend Papi ).
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland