Hey, viele Themen und Gruppen befinden sich im privaten Bereich.
Für den Zugang zur gesamten Community, registrier dich bei uns.

Hoffnig ufgeh?

edited 1. Juli, 07:21 in Kinderwunsch
Hallo zämmä
ich bin Carmen 25 und probier scho sit 16 Monet es chind zbecho. Ich han scho mini hormon untersuecht eileiterdurchgängigkeit teschtet und ultraschal gmacht. Alles isch anschienend beschtens au bim maa isches guet. Ich han jetz der zweiti zyklus serophene50mg becho will ich meischtens schmierbluetigä han scho 1 wuchä vor der mens.
Sit geschter hani si wider, ich bin jetz am zyklustag 22! Den hani mim frauearzt ahglütä dä het eigentlich immer viel verständnis gha und isch immer e super arzt und bim letschdä ultraschal am 18.8 hani 5 follikel links und 7follikel rächts gha. aber anschienend hani eifacht keini eisprüng..
Ich bin närvlich zerstört nach denä 16 monet ich chan nümm.
Der frauearzt vor däm woni jetz han, dä het mir ebbe damals gseit jede monet wos nit klappt isch d worschindlichkeit dases uf natürlichem wäg goht immer grad viel chlinner. Und ich söll mir doch mini chinder in der migro chaufä das wär am eifachschtä...

was sölli nur machä het m öbbr e tipp?? ich chum usm baselland.

danke

Kommentare

  • Hallo Carame,

    du darfst die Hoffnung niemals aufgeben, es wird irgendwann schon klappen. Meine Erfahrung war, wer darauf behacht Schwanger zu werden, wird es am Ende nie. Vielleicht hilft dir ein Eisprungkalender weiter http://www.folio-familie.de/service/rechner/eisprungkalender.html da kannst du alles ausrechnen lassen, hat uns auch sehr geholfen. Danach hat es nur noch 2 Monate gedauert, bis es endlich geklappt hat. Ich wünsche dir auf jeden Fall viel Glück und das wird schon. ;-)
    Try it!
  • du sellsch dini chinder ide migros chaufe?! 😱 was esch denn das för en tubel!!??!!
    wenn du wettsch mami wärde, denn settsch ned ufgäh. ech weiss vo fraue, wo no länger hend müesse üebe. aber fu settsch di ned zfescht druf verstiiffe ond relaxt drahere goh...
  • Hallo hesch scho mol dini Schilddrüse wärt lo teschte? Be au ned schwanger worde...bis mer usegfonde het, das ich en überfunktion ha...noch 3 mönet i Behandlug beni schwanger gsi🙂👋
  • @Caramel1: erschtens esch es de Untergang wenn du dech zu frscht ufs schwanger werde verschtiefisch. Du setztisch met dem nor din Körper onder drock ond de macht den zue ond loht erscht rächt kei schwangerschaft zue.
    Ich weiss es esch verdammt eifach gseit de chopf frei zmachä ond de gigantischi wonsch nach emne Chind in hindergrond zstelle. Aber das esch eis vo de erschte Sache womer mue versueche.
    Obwohl ich vor 20Johr scho ha döffe schwanger sie hets im Johr 2012 au nid grad klapped. Nach emne Johr beni id KiWu Klinik wo mer beidi doretscheged worde sind.
    Ich ha den öpis gäg mini gringi schilddrüäseunterfonktion becho und ha ab em 2. Tag Mens müässe Serofen neh. Glaub drei Täg lang. Will sech mini Eili ned gnue gross händ welle werde. Denn beni chorz vor em Eisprong nomol untersuecht worde wied usgseht ond ebs öberhaupt eili ome het ih de richtige grössi ond ebd schliemhuut guet ufbaut gsi esch zom guet chönä ihnischte.
    Einisch hani en sprötze becho zom de eisprung uszlöse.
    Nach ca 5zykle ond zwei Abgäng hani den ändi 2014 ändli mis baby döfe in arm neh.

    Ufgeh muesch uf kein Fall, aber versueche dech chli zlockere ond wennt kein eisprung hesch denn setsch vellecht mol en Kinderwunschklinik ufsueche den so en bekloppti ussag vo dem Arzt esch jo underschti schublade. De wördi grad wächsle.
    Vel Glöck ond alles werd guet.
  • Ou toll das esch jo scho en alte biietrag jänu
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland