Vitaminpräparate Schwangerschaft

SarahGiulia

Hallo zusammen

Ich bin neu hier und durfte am Donnerstag endlich positiv testen 😍
Ich nehmen seit Donnerstag Folsäure.
Nun habe ich viel von anderen Vitamintabletten gelesen, die man in der ss nehmen sollte.

Daher wollte ich euch fragen; was nehmt ihr noch zusätzlich?!

Danke 😁

ALOHA

Herzliche glückwunsch❤️🤰🏼 mir het fraueärztin burgerstein entschiede. Det hets für dich und sbaby alles dine - musch au nüm zuesätzlich folsüüri neh. Es heisst: schwangerschaft&stillzeit

Alles gueti🤰🏼 gnüsses

ReSa

gratuliere!!😃ich hatte elevit. da ist auch ‚alles‘ drinn

ALOHA

@ReSa s‘elevit zahlt glaub sogar krankekasse oder? Hamer au scho überleit zwechsle😅

Mamsi

Ja Aloha, sElevit zahlt KK... ich han au Elevit gno

ALOHA

@Mamsi hammer. Ich wechsle glaub gad. Hoff verträgs guet😅 beziehnder das über de frauearzt? Bim burgerstein zahli nemli 40.- pro dösli.😳

Mamsi

Ja muesch es verschribe lah, suscht zahleds es nöd...

Mamsi

Burgerstein isch sautüür, aber au sauguet👍👍👍

ALOHA

Genau und halt es schwiizerprodukt😅 weiss ned wies bim elevit isch😬Ich luegs morn mit de fraueärztin ah. Danke

Mamsi

Mach das, ich has guet vertreit... witerhin e gueti Schwangerschaft🍀👍

SarahGiulia

Danke für die liebe Kommentär! Burgestei hani au scho gseh uf google und isch ja würk recht tür... aber wenns guet isch, ischs mir wert 😁 zum FA chane leider erst endi März somit chani mir no grad nüt verschriebe la... aber de bstelli das Burgestei mal. Leider hani mir erst grad es meeega pack folsäure kauft 🙈

ALOHA

@SarahGiulia folsüüri schadet eh ned, wens na nebebii nimsch👍🏻 wür auna magnesium neh wege de früehgeburt gfahr und krämpf.🤰🏼

SarahGiulia

Magnesium zb vo schüsslersalz? Und folsäure meinsch chame kei „Überdosis“ ha?

Mamsi

Liebi SarahGiulia, am afang brucht de Körper ganz vil Folsüüri, es wird ja sogar empfohle vor de Schwangerschaft afange znäh... chasch aso guet no Folsüüri witernäh

ALOHA

Das salz züg kenni gar ned. Ich nimm magnesiocard orange, zahlt au krankekasse.

Vitamine züg wo zviel isch - duet de körper dur de urin eich usschwemme. Bim folsüüri bini überforderet, aber min frauearzt hetmer bide 1. kontrolle gseit dasi na zuesätzlich neh därf. Ha den mis pack nur fertig gna und etz nüm meh kauf. Drum wirds sicher ned schlimm sii.

Bim magnesium chas au durchfall ge, de muschs chli reduziere.

MamaBird

Ich han s Burgestei viel besser vertreit. Vom Elevit hani IMMER müsse erbreche. Mittlerwiile gahts, wenni s Elevit uf d Nacht nimme. @SarahGiulia mines Wüssens isch s Magnesium vo Schüssler salz z nidrig dosiert. Ich han mir s AndreaMag verschriebe laa, das isch mega lecker mit Himbeergschmack 😋

SarahGiulia

@MamaBird danke vielmal. I ha mir jez mal das vo Burgerstei bstellt und warte mal ufe FA Termin endi März! Vilicht verschribt er mir ja de au no öpis 😊

Mamsi

En tip bi durchfall vo Magnesium... nämeds vorem schlafe, denn chömeder kei durchfall über... und es isch ide Schwangerschaft wichtig das mer es Magnesium nimmt wo höch dosiert isch...

Sililiva

also zum Thema Elevit... Meine Krankenkasse zahlt es nicht. Es ist kein Omega 3 und kein Jod drin!
Daher reicht Elevit alleine nicht.
Wichtig in der Schwangerschaft ist sicher Folsäure, Magnesium, Eisen, Jod, Omega 3, Vitamin B12

ALOHA

😳 oh okey. Den lahnis glich😅 konpliziert🙊

ALOHA

Kompliziert*

Mamsi

Ok, ha agno das es alli KK zahled... demfall hani die richtige Zuesatzversicherige...

MaryF

I ha andreavit gno und dass isch vor kk ou zauht worde. Has vor froueärzti verschriebe becho gha 😊

Kaischda

Also i nime z Gynefam plus oder neu heissts jtz Natalbene plus.. i ha das scho ir letschte SS gnoh guet vertreit und es het alles drin wo me brucht!

Maryon

ich han und nimme immer na d folsüri vo burgerstei. isch zwar tür ja pro dose aber mir isch s das eifach Wert für min chline Spatz i nimmes scho sit afangs ah und dur all die Vitamin wos drin het bis hüt..und ich ha i 3 mönet ET

mrspfeffer

Elevit wird glaubs nüme zahlt siit letscht Jahr im Mai oder so, vo keinere KK. Ich ha au Burgerstei gno

JuNa

Ich han au s‘Gynefam gnoh. Und nachher s‘Natalben mama fürd Stillziit. Het au alles drinn und söll Haarusfall idä
Stillziit vorbüüge😊

ALOHA

Ich ha geschter auna de frauearzt gfrage obi wechsle sell - sie het gmeint ich sell definitiv bim buegerstein blibe. Segi sbeschte vode vitamine etc

Moi85

Burgistei het aber o viel kapsle drin. Längt wiit. Vom elevit isch mer elend worde. 🤮

JuNa

@Moi85 uuuh, vom Elevit isch mir au immer so schlächt worde🤢

Maryon

Moi85 schrieb: »

Burgistei het aber o viel kapsle drin. Längt wiit. Vom elevit isch mer elend worde. 🤮

hani au uh viel ghört drum hani das nie in Betracht zoge z neh und Burgerstei isch eifach super und bi ebe u zfriede demit

Avenira

Ich ghör demfall zu de wenige wo kei Vitaminpräparat gno het... 😅 Am afang Folsüüri und Magnesium den durch di ganz schwangerschaft. Thats it. 🤷‍♀️ Sache wie Jod nimmt mer me als gnueg über Lebensmittel uf. Das bruchts e ned no zuesätzlich.

schaai

@Avenira ☝️ hier ich genau wie du

schaai

@SarahGiulia
also ich han diesbezüglich lang im internet recherchiert..i han sgfühl das mit dene multivitamin oräparat isch reini geldmacherei..was de körper vor und im erste trimester brucht isch folsüri. das isch erwiese. über all andere züesätz chame stritte..mir het e hebamme gseit lieber im wuche bett meh vitamine zu eim nä als ir ss. ich han nur am afang folsüri gno und unregelmässig..aso wenni grad dra denkt han vit. d3 und notürlich smagnesium. und würs binere nägschte ss nöd andersch mache

Lally

glückwunsch zur ss😊 ich han elevit gnoh und kk zahlt mir das (ohni selbstbehalt sit 12.ssw). bis zu de 12. ssw hani au no andreafol gnoh wege folsürimangel. zuesätzlich nimm ich no magnesium kapsle vom migros, will ich die magnesium card nöd trinke chan 🤢

schaai

@Lally ou gell ich chas au nüme aluege..obwohl ich grapefruit gschmack gno han das züg isch so süess und eifach jedes mol e überwindig..sit ich kps han nimmis au viel regelmässiger

Joelle

Mir het de fa s elevit verschribe und zuesätzlich es omega 3 Präparat... Beides zahlt mir d swica vor de ss hani au scho selevit gnoh weg de folsüri

hihi

Also Mini kk zahlt Elevit nid

Lottalisa

Während dr Schwangerschaft ha-n-i Omega-3 gnoh und au in dr Stillzit! :-)

michellebabe

Folsäure ist super. Ich habe auch Omega-3 und Vitamin D genommen. Aber sprich am besten mit deinem Arzt darüber.