SWISSMOM-PARTY đŸ€©

18990919395

Kommentare

  • Eifach di normale FĂ€nchutee-BĂŒtteli vom Migros. Denn tueni ca. 1 Liter Wasser ufchoche, 2 BĂŒtteli dinne lah zieh u nĂ€r ine Thermos. De hani immer heisse Tee woni mit chautem Hahnewasser im Schoppe tue mische (damits Trinktemperatur ergit) u nĂ€r s‘Pulver ine.
  • @schildchrötlimel duesch du s kalte hahnewasser ame abkoche? Oder mĂŒesst mer da gar ned?
  • Ferie am strand: brucht mer e buggy ( wo e liegeposition chasch istelle? Oder nimmt me de kinderwage met? Wie hend das die mamis gmacht met babys (öppe 3 mönet alt) ide ferie?
  • @jara nö, i de CH muesch s‘chaute Wasser nid abchoche. U im Usland nimmi eifach Mineralwasser ohni Blötterli,
  • 2 bĂŒtel đŸ˜Č. Bi eus hets gheisse nor ganz chorz so das es en biz fahrb git will wenn er zvel zoge het segi das schĂ€dlich för so es chlises đŸ€·â€â™€ïžđŸ€·â€â™€ïžđŸ€·â€â™€ïžđŸ€·â€â™€ïž.
  • Ok. Isch ebe uf 1 Liter Wasser u churz dinne am Schluss vom Choche.
  • Fraue Bruch rasch oii Mithilf. Üsn Oberarzt im Team wurd i 3 Wuche Papi. Ich möcht en Korb mache fĂŒr dEltere..nöd ztĂŒr.
    Wasi bis ez han:
    Redbull
    FĂŒechttĂŒechli
    Rotwii
    Schoggi
    Kaugummi
    Trubezucker
    Farbigi Kinderpflaster
    wiiteri Idee??
  • @schildchrötlimel danke der vielmol, so machis jetzt au in zuekunft. 😉
  • War nicht mal ein Mami auf der Suche nach einem backstreet boy ticket? Auf local Family wird ein Ticket zum Verkauf angeboten...
  • @schaai vlt ohrepax als scherz. und no en snack
  • @schaai das hani mi ma fĂŒr Geburt gmacht fallses lĂ€nger gaht😅 Ă€s mĂŒnzseckli fĂŒr kaffiautomat findi no guet.
  • @Anni und @wtpooh ja iiich 😍 verkauft sie eiifach 1?
  • @rosa
    Ja si het nume 1 da si mit irne mÀdels het weue ga.
  • Oke schaade. Min papi will ebĂ€ mitcho 😬😅
  • sit fast 24h hets do inne kein itrag me ge..đŸ€”
  • SĂ€g au @schaai! Was esch au los!? Alli s schöne wĂ€tter gnosse ond dr so ko gsi ond glii is bett? â˜€ïžđŸ€”Oder i de Ferie! 🏖🏝 @klĂ€ffchen! 😄
  • Het öper Erfahrig mit Babydorm (Lagerungskissen)? Lohnt sich d‘Aschaffig?
  • @schaai i wörd oombedingt e bĂŒchse ovi dezue tue. Nor scho wĂ€gem slogan😊
  • Het öper Erfahrig mit Babydorm (Lagerungskissen)? Lohnt sich d‘Aschaffig?

    Erfahrige ned nei, aber ech finds unmötig. es escg jo A) wÀg de Chopfform, die fend ich chash au luege das es am Tag ned immer ufm Rugge esch,umetrage,Buch, siite etc

    und B) das es ufm rugge schlaft... wen sechs chönd dreie wĂŒris so pfuse lah wis wend .

    Ich pers. finds usegrĂŒerts GĂ€ld đŸ™ˆđŸ€­
  • Hets da eigendlech ou wĂ€rdendi mamis wo im Juli ihres bebe bechöme? đŸ€”đŸ€”
  • Wie dönd ihr dkleider woner ide kita lönd aschriebe? Ha leider all zĂ€tteli weg gschnitte, wills er nöd vertreit.
  • @schildchrötlimel mini osteo het dr vo abgrate den bir grosse wĂŒ dr druck nĂ€hr unger ufem schĂ€delchnoche liegt.. lieber es schuumstoffchĂŒssi wo nache git...
  • @Bella8 genau, wir sind bis Fr noch in den Ferien 😀

    @schildchrötlimel ich konnte so eines bei der MĂŒtterberatung ausleihen. Brauchte es damals fĂŒr meinen Sohn, weil er einen platten Kopf hatte.

    Morgen fliegen wir heim und das erst um 21 Uhr... am Sa mĂŒssen wir dann noch dick einkaufen gehen fĂŒr die Geburtstagsfeier meiner Tochter. Weiss nun gar nicht ob ich meine Tomate nun auch noch ersetzen möchte...
  • @schildchrötlimel wir hent eis ka, mieni Tochter het eu Ă€ TĂŒbingerschine ka. Da het sie sich nit kenne bewege, da het ĂŒs ebis bracht. Sobald diĂ€ wĂ€g gsi isch, het nix meh bracht, wĂŒrd eu sĂ€ge brucht nit im Normalfall.
  • @Stöpseli i ha i 4 wuche termin
  • Mini Chli (2.5mt) het ebe hine rĂ€chts e Abflachig. U cha ersch i 2 Wuche i Cranio (Osteo 0 Chance, aues usbuechet 😬). Di vor Cranio het mir gschribe, i söus doch vorĂŒbergehend mit dem Babydom probiere đŸ€·â€â™€ïž. WĂ€ge de Chöschte: wĂŒrd eh eis Occasion chaufe.
  • @susu jep isch debii 😊
  • @LoSo i hĂ€t eis selle chaufe.. mini tochter treit ez en helm... klar si het d verformig au wĂ€g de geburt aber e teil esch wĂ€gen ligge dĂ€nki
  • @Stöpseli ich ha in 2 wuuche ET😄
  • Hallo ZĂ€ma
    Chön ir mir evt a marka odr linie vo babypuppa mit zuabehör vo kleidli und puppawaga usw empfehla wo guat isch oder ir guati erfahriga gmacht hen? I kenn mi gar ned us und möcht irgend a linie ha wo ma den immer widr was dazua chaufa cha.
  • @schildchrötlimel mer hĂ€nd es chĂŒssi vode zewi. Get schön nache und s esch uu schnell besser worde (esch aber ned sooooo flach gsi) 😊
  • Rosa, gar nid. Sie tĂŒend immer wenn sie mĂŒesse chleider wĂ€chsle alles uf eis bigeli und es chlĂ€mmerli dra mit ihrem name. Z'gliche a de garderobe mit de schueh und jagge. Klappet tiptop 👍
  • @vico sisch ebĂ€ vorgschriebe 😬 aber ha vergesse fröge wie das die andere so machet..
  • @LoSo mer heis chössi vo simonatal, ond total zfriede, bruche jetz ke helm, för öis es geld absolut wĂ€rt gsi.
  • @vico sisch ebĂ€ vorgschriebe 😬 aber ha vergesse fröge wie das die andere so machet..
  • Caramel schrieb: »
    hent eis ka, mieni Tochter het eu Ă€ TĂŒbingerschine ka. Da het sie sich nit kenne bewege, da het ĂŒs ebis bracht. Sobald diĂ€ wĂ€g gsi isch, het nix meh bracht, wĂŒrd eu sĂ€ge brucht nit im Normalfall.

    dörfi frag inwiefern das es öpis brachd het, also fĂŒr was hend ers bruchd? Mer hend au e schine gha und chan mers gad ned vorstelle fĂŒr was den s chĂŒssi? đŸ€”
  • susu schrieb: »
    hÀt eis selle chaufe.. mini tochter treit ez en helm... klar si het d verformig au wÀg de geburt aber e teil esch wÀgen ligge dÀnki

    Ich dĂ€nkes wens vo geburt esch, chasch ja eh ned gross öpis machĂ€ ? đŸ€” Usser hald trage und wenig rĂŒggelag... Ech han hald zwe Buuch/siiteschlöfer, vo dem het kenni das Problem ned gross 🙈🙈
  • rosa. schrieb: »
    Wie dönd ihr dkleider woner ide kita lönd aschriebe? Ha leider all zÀtteli weg gschnitte, wills er nöd vertreit.

    @rosa. i ha uf stickerKid bstellt. Die sind super und chasches selber gstalteđŸ˜đŸ„°
  • @Stöpseli ich ha i 3 wuchĂ€ de Termin 😊
  • Bi dene wos BB im Elterebett schloft: Wie mached ihr das? Üsi chli wird ez immer beweglicher das heisst am morge lit sie zumteil quer dinne..mun partner het huere schiss dass er uf sie lit und will dass mer sie mi t em stiillkĂŒssi chli umrandet. Aber i find das stillkĂŒssi so gross und han sgfĂŒhl ha gar nĂŒm viel platz den (bime 1.80 bett 🙈)
  • @schaai ich hans stillkĂŒssi genau so gno znd umrandet und han ihn usse ligge gha miteme usfallschutz, das isch tip top gange👍 hĂ€nd gnueg platz gha
  • @corina chum grad nöd drus..aso mir hend sie so
  • @schaai es git so bettschutzgitter f5a46fa0-9372-11e9-88c3-29c76ceba4d8.jpeg
    Mini hebamme het mer dozmol bim erst kind gseit, me söts nit ida mitti vom bett ha, wegs de ĂŒberhitzig.
    Mir hÀnd de es so es bettschutzgitter kauft und as bett hera gmacht, so het di chli am ra d gschlofa ohni gfohr vom usakeia, und i nebet ihre(also i ida mitti)
  • @Luna85
    oh nei so was willi nöd..das ghöri ez serste mol mit de ĂŒberhotzig..denn isch aso im.summet 10 x gföhrlicher wennds im.kiwa hesch..
    aber wenni sie am rand ha kanni sie grad so guet is bistellbettli tue..i finds ebe gad schön dass sie ide mitti isch und nöd nebed eim eltereteil..
  • D'hebamme hĂ€t eifach gmeint ka wil jo beidi elterateil hitz abgebed, chönn sich ida mitta haöd recht eĂ€rmi staua.
    Und i ha si so liaber bi mir ade sita ka, well min ma schloft so tĂŒf und fest, de hets nit gmerkt wener im schlof uf di kli druf wĂ€r.
  • Ih ha ah de osse site es BrĂ€t he gmacht ond s Baby zwösche mir und em brĂ€t gleit gha.
  • @schaai miar hend neb z Bett(1.60m) z Gitterbett kah mit dr Siitawand weg. Isch so ideal gsi zum stilla und kei Angst mĂŒassa ha wegem ussaflĂŒga. Weiss nit, ob das a Option isch.
Diese Diskussion wurde geschlossen.

Social Media & Apps

Registrieren im Forum