Juli Babys 2019

bearbeitet 26. Februar, 14:40 in Geburtskalender
♥️ Chömed doch id Gruppe wenn o dir im Juli es Schätzi erwartet. ♥️

Kommentare

  • ice13ice13

    7

    bearbeitet 26. Februar, 14:20
    I bin au do 🤗
  • i bi o do, bi aber ehrlech, finge das app iz o nid so toll
  • i finge ds local app viu asprächender, wirde däm treu blibe. hie hets mi wunger gno u ha mou wöue inegüggsle. aber we de aui mou fertig gläschteret hei, wird hie öpe o nid viu loufe, für das isches eifach o fautsch ufbout.
    finges z.b. doof, cha mä iz i dere gruppe keni themene ufdue. u das aui chöi mitläse.
  • I findes recht unübersichtlich...
  • Wirde auä o nid aktiv hie si....
  • Sali zämme, ich bi au do👋🏻
  • Hallo bi au do😉
  • Ig ha ou im Juli😊
  • 🙋🏼‍♀️ bi au im Juli 😊
  • Hallo zäme. Isch überhoubt no öbber da hie? 🤔
  • Joo ich bi do🙋🏼‍♀️
  • meh schtiui ab und zue mitläserin. aber ir juli gruppe ufem local app louft viu 😉
  • 🙋‍♀️ ich ebefalls
  • Hallo mamis. Unddörft der scho aui kuschle? 🥰🥰
  • Jo syyt am fritig 12.7, deerfe mir kzschele. Hyt deerfe mir haime go😊
  • Oh so schön, gratuliere 🥰🥰
  • Dangge scheen! Mir gniesses dehaime sehr🥰🥰
  • Mir sind leider no am Warte, hoffe sie chunnt chlii früehner 🙈
  • Oh je, wen währ de der ET?
  • mir si o sit geschter am kuschle
  • @Stöpseli scho erst am 29.7, leider ;-) habe hoffe das sue früehner chunnt bi dere Hitz ;-) und bi euch?
  • Oh schöön gratuliere!!
  • Bi üs isch der planti KS am 25.7 😍
  • @Stö;pseli Uhh das goht jo au nym so lang bi dir!!
  • Ja i bi meega froh, ma langsam ächt nüm 😂🙈😍
  • Das glaubi dir!!
  • Hoi mamis. Wie geits euch so mit eune babys? 😍
  • Sali @Stöpseli, uns gohts sowyyt guet. Jez wos nym so heiss isch macht sie au mol bitz meh trinkpause und ich ka doch au mol bitz was mache🙈
    Mi Maa isch jez no dehai, är goht abr am mändig wieder go schaffe und denn bini s erste mol dr ganz daag elai mit dr glaine😱
  • Uhu🤗 Eus geids ganz guet. Lauft geng öpis... Dr Marlon isch ganz en zfriedne o die zwöi Schwöschterli sind u härzig zu ihm. 🥰
  • O Dir Stöpseli?
  • Bi üs geits ou guet, bi sit am mäntig dahei, und sit am zistig allei mit zwöine kind. Geit erstunlecher wis sehr guet. Di chlini isch e mega schatz, und der gross hiuft scho jetzt sehr guet mit. Bi mir isch eifach no d KS narbe wo chlei weh macht. Aber aues easy 😊
  • bi au da 👋🏼 (Syb bi local family😉) ha das app erscht hüt entdeckt & kuhl hets da au gliichi lüt wie bi local...
    @ jeaninne: bi ab morn au ellei mit mi e jungs...morn chunt aber mis mami mal no 😅 de grossi het eifach afa mega toibele das isch chli müehsam 🥴 aber de maël machts eigentli u guet, hüt het er chli e schreiphase gha am nami und nöd wele schlafe - aber sus isch er en zfridne 😊
  • @MissLoquita jooo irgendwie gani bitz bammel. Do mini glai teils e sehr grosses hungergfyhl het und denn eifach permanent will trinke...

    Das mitem schloofe kenni.. unsi findet schloofe am daag au überbewertet🙄

    @Stö;pseli ich spür mini KS narbe au immerno und ha in de 1. wuuche täglich d schmerzmedis gno ka.
  • @Stöpseli gratuliere au no gaanz häärzlich :-)
  • @Jeaninne wie isch gange hüt? bi mir u guet, mis mami isch uf di halb 11 cho drum hani denn morn richtig de Tag...
  • @MissLoquita jooo ganz ok. Sie isch eifach sehr quengelig gsy und het nyd wirggli gschloofe. Ab de 4ri het sie denn gschloofe und zwüsche dure trunke. Natürli denn wenn dr papi haime ko isch🙈

    Aaaabr trotzdem hanis gschafft ins dorf go ikaufe💪🏻💪🏻 ohni gschrei und so😂
  • Wie geits euch so?
  • Sowyyt guet!
    Unsi muus isch sehr aktiv und bruucht eifach viel ufmerksamkeit. Es isch ihre sehr schnell langwilig. Sie het jez au e gaaanz komischi wuuche ka wo sie no ahänglicher gsy isch wie sust.
    Jez mien mir denn am fritig no zunere kinderorthopädin, will die einti hüft nyd ganz im glenk dine isch😔😔😔

    Und dir @Stöpseli?
  • Bi üs wirds vo tag zu tag chlei besser, si het do iri täg wo si fasch nur am ume gränne isch und me cha mache was me wot und es nützt nüt 😒. Aber när guts ou anderi täg wo si sehr fiu schlafft oder ume luegt 😊. Und ir nacht, isch si z beste bebe wo me sech cha vor stelle, da si jetzt scho die 3 nacht in volge düre gschlaffe het 😍. Aber im grosse u ganze isch aues guet bi üs 😍😍😍😍
  • Hallo mamis. Wie geits euch so mit eine juli babys? 😍
  • Sali, uns gohts sowyyt guet. Und bi dir??
  • Üs geits ou so wit guet. Isch eifach rächt a strängend mit zwöine kind. Aber es geit 😊
  • Jo das glaubi dir. Ich ha nume eini und das längt aktuell🙈🤪
  • Hallo zäme. Wie geits nech so. Het vo euch scho öbber mit brei a gfange?
  • Isch grad bitz astrengend... sie will am nomidaag nyd recht schloofe und isch dementsprechend mied am oobe und goht eeeeewigs bis sie endli igschloofe isch.. und wie ischs bi dir?

    Darf me scho mit brei starte?! Ich ha gmaint erst so ab 4 monet?🤔
  • Bi üs isch im momänt aues chlei z fiu, da mi ma sehr fiu schaffet und sehr greizt isch. Der gross wo mit em papi wet löle, und de nid geit. Und die chline wo nur treit wot wärde. Eh ja hoode geit gli besser. Me darf mi 3 mönet u 2 wuche starte het mini hebamme mer gseit 😊
  • Also ich würd warte bis sie zeiche git das sie au wott ...den händ mir ahgfange ...so mit 4mönät isch das gsi .. jedoch hät sie kei gmüess wele ässe also hani ihre getreide geh ... den häts au witer guet klappet mitem stuhle
  • Den nachher witer mit gmüess ... jetzt isst sie alles und vo eus mit ..( 9 mönät ) also ich ha nie ufs alter glueged 🤣 au ndd was uf de gläsli staht ... ich ha das geh wo sie gern hät ... lieber chli gröber als ganz fiiin püriert .. also sie hät mit 6 mönät au glässli gässe wo ab 8 mönät sind und jetzt isst sie vom tisch mit
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland