Unterbinden während KS

schildchrötlimel

Liess sich hier jemand während dem KS unterbinden und könnte die Erfahrung teilen? Ich habe den Termin im April (während geplantem KS). Wie siehts dann im Nachhinein mit der Regelblutung aus? Und sonst irgendwelche Veränderungen?

Gänseblümchen

Ou da lisi gärn mit, i wet mi nachem ks o gad la unterbinde.

Manaya

Weshalb nicht der Mann? Anscheinend wäre das mit viel weniger Risiko verbunden..

schildchrötlimel

@Manaya da ich aus medizinischen Gründen sowieso einen Kaiserschnitt machen muss, haben wir uns zu diesem Schritt entschieden (während dem KS). Würde ich normal gebären, hätte sich mein Mann unterbinden lassen.

schildchrötlimel

Niemand sonst der sich hat unterbinden lassen? 🧐

Principessa

Ich wirds au mache... ha bis etz nur guts ghört. Machs au bim Ks

Tara

I werdes au grad bim ks macha.
Wenns so grad goht findis eifacher als wenn dr ma no extra ga muass.

Anni

Hets denn kei Nachwürkige? Hormonell und so?

schildchrötlimel

@Anni nei wöu es wird ja eigentli „nur“ abklemmt (i nimme Gebärmuetter nid use, wirde au witerhin mini Täg becho)

Anni

Ah cool. ja demm bütet sich das bimeme ks würklich grad a.

Principessa

Ich ha gb welle useneh machets aber nöd bim ks

schildchrötlimel

@Principessa darf i frage wieso? Auso wieso sie komplett hesch wöue entfärne?

Rizzitella

Do lesi au gärn nochli met. Han jo 3 KS gha. Sie hend mech 10 Minute vorem KS gfrogt öbi mech wet loh onderbende loh 🙈

nanu14

Weiss ja ned, evtl zuefall aber ich kenne 3 fraue wo nachher trotzdem no schwanger worde sind. Nach de geburt segi alles no sehr guet durchblueted und darum segis schins ned so sicher wie susch. Han aber kei eigeni erfahrig demit

schildchrötlimel

@nanu14 ächt??? Ha‘s iz grad mim Maa gseit u iz isch er entschiede, sich au no lah z‘unterbinde (Doppelt genäht hält besser 🙈)

Principessa

@schildchrötlimel willi scho jensti buch ops gah ha und immer wieder müssti gah und ohni Gbm das nüme müssti. Ich wirds de es zitli nachem Ks mache.
Aber unterbinde wirdi au.

Pinny

schildchrötlimel schrieb: »

@nanu14 ächt??? Ha‘s iz grad mim Maa gseit u iz isch er entschiede, sich au no lah z‘unterbinde (Doppelt genäht hält besser 🙈)

Mini eltere hend sich au beidi unterbinde loh...aber wies halt so isch...nüüt isch 100%....s isch e 0,01 % chance no do gsi...und bi mine eltere isch denn au das ihhtrette sie hend denn no es büebli becho ) Darum hani etz no es 11 jahre jüngeres Brüederli

Denn hani no es kollege Ehepäärli..die hend das nur bi ihm gmacht...wel das ja eifacher isch....aber denn ischs bi ihm zemmegwachse und sie isch schwanger worde...denn hends riiise chrach becho...wel er gmeint het sie het ihn betroge - bis sie sich hend scheide loh...nach de geburt hends denn en dna test gmacht und es isch sis gsi...denn sinds zum arzt und hend gfrögt wie denn das mögli isch...da het de arzt bim kolleg glueget und denn hends gseh dases wieder zemmegwachse isch...

Ich selber ha au wele e unterbindig mache, aber ich ha leider nöd dörfe...me muess 35gi sii...

schildchrötlimel

@Pinny auso vom Auter här, hani grüens Liecht (37). I dänke, es Rescht-Risiko gits immer. Pille isch nid sicher, Kondom chöi platze etc. Mir hoffe iz eifach, dass es bi mim Maa & mir wird verhebe 🙏🏻

Pinny

schildchrötlimel schrieb: »

@Pinny auso vom Auter här, hani grüens Liecht (37). I dänke, es Rescht-Risiko gits immer. Pille isch nid sicher, Kondom chöi platze etc. Mir hoffe iz eifach, dass es bi mim Maa & mir wird verhebe 🙏🏻

ohh guet, da heti au gern gha ich ha ebe Zwilling becho im ALter vo 26gi und ich bi mir immerno ziemli sicher dasi keis meh wet...und wenn mer ebe d unterbindig gad während em ks macht...ischs eifach und me muess nöd extra nomol cho für en OP wo d KK wahrschindli nöd übernimmt..min Maa het sich au nöd dörfe...au er muess mind. 35gi sii...

jahh da klappt scho-isch ja glich nur e chliini chance

malguggn

gits de es gsetzlichs mindestalter vo 35i fürd unterbindig? oder entscheide das d ärzt?

Pinny

malguggn schrieb: »

gits de es gsetzlichs mindestalter vo 35i fürd unterbindig? oder entscheide das d ärzt?

weiss nöd obs s gsetz git defür- ha mi denn z fest gärgeret drüber dasmer beidi nöd hend dörfe...aber isch ned nur 1 arzt gsi wo mir gseit hend das goht erst ab 35...ich bi i 4 verschiedene spitäler gsi plus FA und die hend mer alli gseit...nei! das dörfets uf kein fall...ich seg no viel z jung - wel ich ja nie wüsse cha obi denn mit 30gi nöd doch nomol eis will....sie hend mer sogar gseit...ja wa isch wenn d Zwilling sterbet? oder wenn sie en neue Partner hend und de wet denn no chind? -.- denoch hani mi so richtig gnervt dasis eifach sii loh ha...min Maa isch denn auno zu sim arzt und de het denn au gseit nei...
min Maa het denn no bitz dumm tue dh. er het usgruefe und gseit sie söllets eifach mache...er wölli da jo...denn hends ihm gseit...sie würdets mache, wenn...er zum psycholog goht und s paar tests macht (damits was ide hand hend wenner denn in 5 jahr chunnt und hässig isch weler doch no es chind wet...) und wege mögliche depressione und suizid....

Da hets ihm denn au usghängt und denn heters eifach loh...also ich ha au kei kollegin wo das het dörfe vor 35gi (mini kollegine sind alli i mim alter zwüschet 25 und 30)

schildchrötlimel

Gwüssi Ärzt näme sich eifach zu sehr als „Götter“ u das isch schad. Im Ändeffekt isch es öie Körper u öii Entscheidig.

Auso i muess glich CHF 700.— säuber zahle (während em KS) u d‘Vasektomie vom Maa müesse mir au säuber übernäh. Aber es rendiert sich glich wenni usrächne, dass i velech no 10 Jahr u meh müessti mit Pille o.Ä. verhüete (muessme ja au säuber zahle)

Sova

Ok komisch mina ma heds macha loh und isch aber nonid 35gi 🤷🏻‍♀️

nanu14

Teils ärzt macheds scho ab 30i oder glaub bi 3 chind duruf. Bi mir würdetses nämli au ned mache🤷🏼‍♀️ aber ja, ich meine ganz unrecht hends ned. Ich bin 27i, min FA seit blöd gseit heti nomal fast 20 jahr ziit zum nomal chinde becho, mer weiss nie was bis denn isch

Principessa

Es chund au drufa wieviel kind das mer het wie sicher das mer isch nöd umbedingt ufs alter und ufs ort wo mer wohnt kollegin zb hets mit 25ci gmacht und kei problem ga

malguggn

okay, intressant... danke für euchi antworte.

L O R Y

Ich han mich unterbinde loh währendem ks. Also ich merke kei unterschied was d‘mens betrifft

schildchrötlimel

@L O R Y het sich de süsch öpis verändert?

L O R Y

@schildchrötlimel nei gar nünt merke absolut kei unterschied zu vorher

schildchrötlimel

@L O R Y usser dass iz ohni Hormontablette odr Rägeschirm chasch Härzle 😉