Studium - Wie hend ihr das so gmacht?

lunapienalunapiena

141

bearbeitet 6. März, 21:36 in Plauderecke
Hallo ihr Liebe
Ich hole demnächst d‘Matura noh. Nur bin ich chli überforderet was ich denn spöter us dem mache söll 😅 ich bin eher e Planerin und drum mach ich mir etz scho en Stress will ich gern en Plan hett 😅🤦🏻‍♀️ ich interessier mich für seehr vieles weiss aber nöd wien ich „s‘Richtige“ söll wähle. Wie hend ihr das so gmacht? Hend ihr rein noch Interesse es Studium agfange oder hend ihr au z.B. noch Verdienstmöglichkeite nochher usgwählt?

Kommentare

  • Ig ha rein nach Inträsse usgwäut, ha aber z Glück gha das mini Wahl uf öppis gfaue isch woni gwüsst ha, das es de nächhär ou Steue git. Finde das isch scho wichtig zumal es rächt viu nöii Studiegäng git wo zwar sicjer mega spannend si ala Studium aber wos eifach chum Bedarf derfür git.
  • Ich würd au unbedingt öppis ussueche, wos sicher lüt sueched. Ich han Biologie studiert und han nacher no s Lehrdiplom fürd Gymilehrerin gmacht. Leider bruchts kei Bio-Lehrer... Han etz no es verchürzts Studium für Primarlehrerin gmacht. Die bruchts wenigstens😂
  • Ich ha au nach inträsse mini studiefächer gwählt. Plant hani nie gross, ich glaub das chöntsch bi vilne fächer gar nöd, de arbetsmärt veränderet sich ja au ständig... Jetzt häts mi ines tolls projekt verschlage, han aso au bitz glück gha. 😉
  • Danke für eui Antworte 🤗Ich han jo no es bitz ziit. Ich muess min schwerpunkt ebe etz scho festlegge 🙈
  • Han mi nur schnell agmeldet zum sege, dass i das mega cool finde! Machsch die brueflich oder die gymnasiali?
    I ha das studiert wo mir gfalle hät. Lohn isch mir glich gsi. Ned so gschiit gäll ;)
    Viel glück!
  • @Agathe ich wird die gymnasiali mache 😁 a de ISME in St.Galle 😊 goht 3.5 johr 😃 hmm ich weiss ebe nöd was gschieder isch es gitt viel wos den bereuet nöd au uf de lohn glueget z‘ha & drumm denn nomel es studium agfange 😆 & da willi verhindere 😃 obwohl mir de „spassfaktor“ au sehr wichtig isch 🤷🏻‍♀️ naja ich wirds gseh 🤗
  • Ich ha au noch interesse usgwählt...und has bisher no nie bereut...etz bini gad ide Mama-Ziit dh. Pause vom Studium, aber ich bi immerno devo überzügt das s wichtigste isch dases eim gfallt
  • ich ha au rein nach interesse usgwählt. bi aber damals au sehr jung und chli naiv gsi. im nochhinein ischs aber scho ok gsi und im jetzige bruef chunnts mr absolut z guet.
    es isch scho wichtig, dass es di voll packt, suscht wirds schwierig, das durezieh.
    e karriere chasch mit jedem studium mache, und au e wirtschaftsstudium isch kei garant uf e fette job/lohn, aber i würd scho sage, dass wirtschaft, jus, medizin die fächer sin, wo d die beste jobchancene hesch.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland