Kleinkind will nicht wickeln, aber auch nicht aufs Klo

MamaWurm

Üsi Tochter 26 Mönet will nid wickle, seid immer nei. Obwohl si vorher chund cho sege Bisigmacht,...

Bim WC sgliche. Si seid si müess ufs WC go Bisi mache, im Bad will si aber ner nid dHose abzieh u au nid ufs WC sitze.

Ha si au scho gfragt ob si ohni Windle well sii. Si het de ei freud u seid, kei Windle grossi Mäide.
Aber wenn si de bislet u aus über dBei lauft grennet sie mega. Ich erklär ihre de dass das nid schlimm isch, dass das cha passiere. Dass me bi Windle muess wickle u ohni Windle ufs WC gaht.
De will si ner wieder Windle alegge. 🤷‍♀️
Was machi fausch?
Kennt das öpper?

Ich will si nid zwinge ufs WC zgah. Au stroche werde het no ziit. Aber da si nid gern wicklet hani denkt das wer öpis. 🤷‍♀️

nanu14

Ich glaub das isch eifach grad s alter. Mine isch au öbe glich alt und wot nie wickle

sArA91

mine isch 2,5 jahr und genau s gliche bim wickle tuet er doof will ers nid will und wenn ich säge er dörf ufs häfeli hült er 🙈😳🤷🏻‍♀️

LoSo

Mini het au das alter.
Ich lahn si eifach wenn si ned wet Wickle ( usser bi Gaggi, aber das wot si freiwillig usenä 🙈)
Entweder gaht si irgendwenn ufs Wc und lauft den ohni Windle ume oder seid Mami früschi Windle.

Sunshinemom

Vilich wott si nume nid das du ihr hiufsch. Üsi wott säuber Hose abzieh und säuber uf ds WC stige. Hei iz e Hocker häre gsteut das si ufe ma.

potztuusig

En coole rosenrote WC-Sitz! Sie hätt en gfunde i de Landi. Und voilà!

MamaWurm

Si dörf selber Hose abzieh u alegge.
U si het es Schemeli vorem WC damit si selber druf u drab cha. Und ufem WC het si ihre grüen WC-Ring. 🤷‍♀️

Bi ächt ratlos 🤔

strawberry

Mini isch au 2.5 und genau s‘glich Problem. Sie isch mal es Zitli lang uf‘s WC jetzt wot sie wieder Windle a ha. Ich zieh ihre das a wo sie sich wohler fühlt. Spätestens im Summer wenn denn Chind sowieso weniger a händ chunt das glaub ich vo allei.

alexandraB

Also bi öis ischs bis jetz keis Thema gsi wäge windelfrei und öise Chli isch scho 3.5 jährig🙈Hüt isch Premiere und dr Junior scho dr ganz Tag ohni Windle😊Irgendwenn gots vo sälber👍🏻