Keine Windeln im Bett 😳

MamaWurm

Da üsi Muus sich ir letzte Täg nüme gern het la wickle, hani agfange si la entscheide ob si windle will alegge oder nid.
Si het am Tag afe 2x keini ane gha, u wos e Unglück geh het, het si wieder Windle welle. Ha ihre immer erklärt dass si ohni Windle de ufs WC söll süsch gits nassi Hose. Ha ihre aber au gseid wenns passiert isch, dass das nid tragisch isch und dass es snöchst mau sicher besser klappet.

Jetzt het si hüt Abe kei Windle welle für is Bett (Familiebett). 😳 Bi gspannt u au chli ufgregt 🙈Cha das klappe? Vo hüt uf morn?
Ich ha si nid welle überrede und ihre ihres selbstvertraue neh.

mrspfeffer

Mini isch damals au sofort au nachts troche gsi und isch noni ganz 2 gsi.. mir hend ide Apothek so Unterlage vo Tena gholt wos au im Spital nach de Geburt unter eus Fraue legged wills extrem suugfähig sind (Tena Bed Plus oder Super).

MamaWurm

So ca 3.30 ir Nacht het si e Schoppe Milch welle. Ha si gfragt ob si uf sWC well oder Windle möcht. Si het beides nid welle. Chum het si usdrunke gha, isch si ufgschreckt u het afa grenne: nass putze

Armi Muus. Ha si tröstet u ihre nomau erklärt, dass wenn me KEI Windle will de ufs WC muess wills süsch nassi Hose git. Ha ihre aber au gseid dass es nid schlimm isch und dass si das de scho no lernt.