Schreibaby?

Hallo mittanand!
I fanga a verzwiifla... vor 6 wucha isch üsari Tochter uf d Welt ko. Sie isch perfekt und i liaba sie überalles! Am Afang hani nüt gmerkt, will as isch no usako das sie an Reflux liidet. Dr Reflux hemmer unterdessa unter kontrolla, sie kriagt medis und as isch würklich besser.
Nur das ewiga geschreie, das hört eifach nit uf... sie isch nia zfrida, entweder sie schloft, oder sie schreit.
Hani würklich as Schreibaby?
Wia sind euri babys mit 6 wucha? Wach und zfrida?
Schreibaby, wia lang got das?
I bin eifach würklich sooo müad 😔

Kommentare

  • oh jo es isch asträngen wenns sie durend schreie, be öisere grosse het de osteophat wunder gwerkt.
    und be de chline, eschs ou so gsi, dass sie eifach immet gschraue het, wenn sie wach gsi esch, bes mer usegfunde hend, dass sie be de geburt schlüsselbei broche het, eschs de scho bal guet zämegwachse gsi.
  • Mir hend zwar nöd direkt es Schreibaby gha. Aber üsi hät viel Kollike gha und au viel brüeled wenn sie wach gsi isch und au am Obig die Brüelphase. Aber ide Nacht hät sie lustigerwies so schön gschlofe. I ha sie viel ide Trage gha oder im Wägeli und bi use da hät mega gholfe. Oder wa üs au mega gholfe hät isch sPuckä hend sonen Pucksack vo Ergobaby gha mit dem chasch sBaby au is Bett tue. Und wa ganz wichtig isch dass dir chasch e Uszit neh wenn sie schloft oder wenn de Papi luege cha. Wenns nur e halb Stund isch. Es wird würkli besser. Mit ca 3 Mönet isches bi üs würkli immer weniger worde.
  • Liebi Irol
    Verstah dich uh guet das fast verzwieflisch und dich eifach erhole willsch nach sonere strenge ziit.
    Ganz genau beurteile chanis nöd da mini kei beschwerde wie reflux,kolike oder suscht öpis gha het.aber chan mich no gnau erinnere das mini chli au zwüsched 5-8 wuche e mega schwirigi ziit gha het mit viel brüele,quengle und schlecht schlafe.det isch mini hebamme viel zu euis cho und het den gmeint seg en entwickligsschub und das baby ab dem alter viel me wahrnemed und zum verarbeite heged dases so mit 8wuche würdi bessere und ich sie i dere ziit öfters söll ad bruscht neh,es isch denn au thatsächlich ab 8 wuche besser worde.
    Oder chan evt en osteopat helfe und luege ob sie suscht öpis plaget.
    Hoffe es gaht dim töchterli bald besser und dass du dich chli chasch erhole, isch e strengi ziit am afang bis sich alles chli ipendlet.wünsch dir viel chraft und hoffendlich chli erholsame schlaf🍀🍀
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland