Negative Gefühle während der Schwangerschaft

nala89

Hallo zusammen

Ich lese hier so oft Beiträge von Frauen, die sich unzählige Gedanke über die Schwangerschaft und ihr ungeborenes Baby machen und sich Fragen stellen, die für mich nicht annähernd relevant sind! Ich will das nicht werten! Im Gegenteil...ich frage mich, warum ich diese Gefühle nicht habe, diese Fürsorglichkeit, diese unendlichen Glücksgefühle!? Ich habe eine starke Endometriose (Grad III) und wurde trotzdem nach zwei Jahren Kinderwunsch nach der 1. Insemination schwanger! Wir haben uns natürlich riesig gefreut darüber. Aber die Freude hielt nicht lange. Übelkeit, erbrechen, kopfschmerzen, halt das was jede Schwangere in der Frühschwangerschaft plagt! Jetzt bin ich in der 17. ssw und fühle mich immer noch nicht besser! Ich fühle mich nicht wohl in meiner Haut! Ich hasse es, wenn man mir auf den Bauch schaut während dem Einkaufen, oder ich bei jedem Gespräch auf meine Schwangerschaft reduziert werde! Ganz ehrlich...es nervt mich! Und ich kann es irgendwie nicht geniessen! Kennt das jemand? Ändert sich das irgendwann? Was habt ihr dagegen unternommen?

Pinny

💁‍♀️richtigi Glücksgfühl hani erst 5 Täg noch de Geburt vo mine Kind gha...iha zwar fast kei Übelkeit gha (eigentli nur wenni scharf oder Fisch gesse ha)...aber sus isch d Schwangerschaft nöd schön gsi 😅me isch ständig müed, cha nurno hässlichi Umstandskleider ahhzieh, me het rugge und wade schmerze, me wird nüm ahhgstellt (obwohls kein hinderigsgrund sii sött - ischs aber), d lüüt tönd eim ständig komisch ahhluege und hinderm rugge flüstere (guet bi mir isch das immerno, wel alli meinet dasi erst 18ni worde bi - debi bini scho bald 28gi 🤦‍♀️)...alli meinet sie dörfet de buuch striichle als wäret mer im Zoo (das machets au bi mine Kind im Kinderwage - hets mer au scho eini eifach wele usm Kinderwage neh)...🤣ahh und denn gits natürli no d fründe wo eim denn ahhfanget meide oder bemitleide wel mer fett worde isch und im lebe kei ziit meh het für sich 💁‍♀️nurno für d kind 😅debi sind Kinder so was schönes 🥰würd alles nomol gnau so mache ❤️lieb mini 2 Babys so fest!

🥂mach dir kei sorg spötistens wenns baby da isch 😉denn hesch die grösst freud

nala89

😂😂😂 Du redsch mer us de Seel! Aber es beruhigt mi z ghöre das du fie gfühl trotzdem no becho hesch und nüt wördsch ändere! Es isch wörkli so das eim all bemitleide und eim under d nase hebe wie beschwerlich das es no wird und das mer no vel fetter wird! 🙈

Joelle

Ich ha i de gsamte schwangerachaft chum gfühl zu minere chline ufbaut gha... Ich ha wie nöd gwüsst wer ich da liebe chönt... Ab ihrem erste atemzug ischs den um mich gscheh gsi... S git nüt grössers und schöners als dini eigete chind❤️ ich hans eifach müsse ide arme ha... Im buch hanis wie z wenig realisiert was da passiert, obwohl ichs natürlich theoretisch gwüsst gha han und au trittli etc gspürt.. Aber es het sich es stuck wiiit immer fremd und komisch agfühlt gha... Aber wie gseit bi mir het sich das ab de sekunde wosi ufde welt gsi isch um 180grad dreht💕 ab den ischsi s kostbarste tollste und s grösste glück für mich gsi💞

fuchs

Han au erst glücksgfühl gha bem erste schrei. Und ich hass ghasst schwanger dsi, aber so richtig. Han au bes e die 18ssw jede tag kotzet und vo dene a het mer alles weh da. Mer hend ne sogar 2 wuche früehner müesse hole weli eifach nüme möge han.
Au jetzt esches sehr astrengend für mich, obeohl er es essy baby iscg, aner ich liebene wieni no nie ebis gliebt han

schildchrötlimel

Kann Dir nachempfinden; halt bisschen aus anderen Beweggründen. Bei uns war kein 2tes Kind geplant; unverhofft kommt oft.... war echt ein Schock und ich brauchte lange, um mich damit anzufreunden. Die Schwangerschaft selber fand ich sehr „untoll“ (war schon beim 1. Mal gar nicht gerne schwanger). Ich versuchte dann doch, „positiv“ zu bleiben weil ich denke, dass das Ungeborene die negativen Gedanken spürt 😥. Vielleicht kannst Du Deine negativen Gefühle irgendwo bei irgendwem deponieren? Ich wünsche es Dir und Deinem Baby ❤️.

LoSo

oh ich han jez 2 schwangerschafts gha und chas immer nani nachevollzie wime sind Buuch stolz chan zeige und 9 Mönet duur happy si.
Ich han keis einzigs Foti woni schwanger xi ben, han mi nur dick und rund und unförmig gfühlt.
Au gspührt hanis ned gad mega gern, eher als unagnehm empfunde. 🤭

Han 2 Chind und lieb die über alles!
Wime sich fühlt ide Ss het nüt demit z due ob mes Chind liebt.

Was degeg unterna?
Ghofft das die 9 Mönet gli verbi gönd 🤣🤣

Sandra💕

Ich ha das in dr erschte SS nie chönne nochvollzieh, warum me nid gärn schwanger isch. Jetzt in dr zweite scho... bi scho no gärn schwanger, aber ich chas verstoh, wenns öbber nid gärn isch. All die bräschte sit am afang.... eifach müehsam😬

Bella8

Ech ha au nie zo dene Schwangere ghört wo sich öber alles informiert ond gwösst hend. I de erschte Schwangerschaft hani keis buech ect gläse, min FA hed mer gseid was wichtig esch wäg em Esse ect. ... Ha au chuum es foto vo mer woni schwanger bin gsi... Ond ech ha mer au chumm so viel Gedanke gmacht. All Andere rondherum hend sich so viel Gedanke gmacht ond mich alles mögliche gfrogt. 🤷🏼‍♀️I de 2. ond 3. Schwangerschaft hani so es APP gha mit de Wochene, das hani aber eigentlich nome gha damit ech ha chönne säge wie wiit ech be. 🙈😄Aber au ech ha all mini kids vo de erschte sekonde a gliebt! 🥰

LoSo

Bella8 schrieb: »

das hani aber eigentlich nome gha damit ech ha chönne säge wie wiit ech be. 🙈😄

min Maa het amigs besser gwüsst i welere wuche ech ben als ich sälber 🤣🤣

Caramel

Bi eu nit gärn schwanger gsi, has doof gfunde und ha ständig angscht ka, ebis könnt si. Ha eu niä ä grosse Buch ka, Foto gits nur eis einzigs. Wo sie den uf Wält cho isch, den hets für mich Agfange, Mami si mit Lieb und Seel. Schwanger isch nur dä Wäg zum Glück gsi meh nit.

Noali

Ig ha dürdie ganz Schwangerschaft kes Glücksgefühl ka. Genau zgägeteil. Üebelkeite und sorge dassig ke beziehig zum baby wirde ufboue. Ha sogar depressione während dr Schwangerschaft ka. Hüt isch die chlini 4 mönet und ig bi die glücklechsti. Hät nie dänkt das mr so ne bindig cha ufboue. Alles het sich ganz natürlich greglet ka wo sie gebore nisch..
Jedi het e ganz e individuelli Schwangerschaft.. aber es chunnt alles wieder guet ❣

Lauritaa

ältere

LillyFee

Ich has ghasst schwanger z sii
meh isch fett, muess uf vil verzichte und all erwartet das meh sett glicklich si.
au das all erwartet dass meh angst het, het mi gnärvt. ich ha nie angst kah und ha volls vertraue in mis chind kah.

han nit wie d meiste beschriebe bim erste schrei di hammer glückgfühl kah und nei ha kei depression kah, aber nach dene geburte bin ich so fertig gsi ich han mich zerst miesse erhole.
han mis chind müässe kenne lerne und erst später han ich di unendlichi liebi zu mine chind chönne lerne 🥰🥰🥰🥰

snowangel

Es würd mich mega interessiere wies dir hüt gaht @nala89

michellebabe

Es ist normal, dass du dich so fühlst, besonders mit deiner Endometriose. Es ist okay, nicht die gleichen Gefühle wie andere zu haben. Rede offen darüber und konzentriere dich auf Dinge, die dir Freude bereiten.