Windelfrei

Ängeli

Windelfrei
Mini tochter tuet sit 4täg jedes grosse gschäft 💩 is töpfli oder wc mache. sie chunt vo sich us & seit sie müess & bis jetz isch nüt meh(💩) id windle. ABER bisle tuet sie immer no id windle. Wie sölli wiiter vorgah? Warte bis sie vo sich us seit sie wot gar kei windle meh oder is töpfli/wc bisle oder eifach grad probiere mit weg lah?
Wo sie vorher ufgwacht isch simmer grad ufs töpfli, aber d‘windle isch scho voll bislet gsi (no warm also grad früsch) und ufem häfi isch wieder „nur“ 💩cho... 😄Ich wot sie überhaupt nöd stresse vorallem will sie mit em grosse gschäft vo sich us cho isch & s‘super klappt, au usswärts uf bsuech gester.

LaCrissa

https://convertkit.s3.amazonaws.com/assets/documents/29908/583346/trocken-werden-windelwissen.pdf
Ich habs selbst noch nicht probiert. Klingt aber für mich einleuchtend. Viel Erfolg! Und einen grossen teil habt ihr schon gschafft 💪🏻💪🏻💪🏻

ALOHA

Soo luschtig. Meischtens ischs ja immer umgekehrt🙊 ha ide krippe de kinde eich immer dwindle fürs grosse gschäft müsse ahzieh😅 de hend sie sich inen egge verzoge und de hani dwindle wider chöne abzieh🙊

Ich würsi mal fröge ober dwindle abzieh wend. Zeme go unterhösli poschte😍 und wenn sie das ned möcht würi nachli warte. Bald chunt de summer - perfekt zum troche werde😅👍🏻Es isch wie du seisch scho en riese schritt chunt sie immer und seit dass sie gaggi mache muess👌🏻 au bi bsuech - hammer👍🏻👍🏻

mamala

Mini tochter esch grad vor chorzem troche worde. Ich ha ere emmer dmöglichkeit gä, windle oder onderhose. Ond wo sie de emmer weniger onfäll gha hed hemer am täg konsequänt kei windle me agleid. Hed super klapped.

Ängeli

@ALOHA: ja ich liess ebe au immer das es umgekehrt isch 😄 Mir sind am fritig go unterhösli poste & den hämmers zäme gwäsche. Jetz muessi sie den d‘wösch go hole & zämelegge, den segi ihre mal lueg da sind dini schöne unterhösli. Und tuens glaub eifach in schrank & seg sie chöng mer säge wenn sies wet alegge ohni windle..? 🤷‍♀️😄 probieres mal so.@mamala: ja i wot ihre ebe au nüt ufzwinge. sie hät so freud wenn es 💩is töpfli/wc gaht & klatscht jedes mal 😂😂😂

ALOHA

Genau😍 oder wenn sies über dwindle wet ahzieh isch au guet. Haupsach sie het de kontakt zude unterhose😅 doof gseit aber isch eh tatsach😂Sooo herzig wie stolz dases sind. Und mer chans schnell alles kaputt mache. Drum findis super wetschere de druck ned mache😍 musch luege irgendwenn chunts den ruckzuck.

Mirj

min sohn isch sit 2 stuehlgang troche, nur de bisi hät er no id windle gmacht. im summer (2,5j) hät er dänn de chnopf uftue und au de bisi is wc gmacht. sit 1wuche isch er jetzt au znacht ohni windle. troche isch er scho länger gsi znacht, aber er hät no welle ahzieh. muesch neh ziit geh und mit wärmere temperature ischs trochewerde eifacher.😉 ich ha eifach immer wieder gfragt (meistens wänn ich ufs wc ha müse) ob er au es bisi mues mache.

Anni

Ich hans mit 2,5 meh oder weniger genau i dem file vo de crissa gmacht. es het wunderbar klappt au i de nacht. Er isch ines paar täg komplett trocke gsi. Klar er het kei windle me wele azieh. Also ich würds au nöd ufdringlich si. Aber wenn mer entscheidet zum jetz windelfrei z si würdis dure zeih. Er het es paar täg spöter mal denn churz en hänger gha. Döt heter eifach gmerkt das es hald au zit brucht immer ales uszieh, händwäsche und co.😏 aber ich da eifach stur blibe.
Di erste paar täg würdi kei unterhose azieh. Das git ihne nur s gfühl vo windle, wills öpis engs und ume hend. Also min sohn het me müeh gha mit unterhose. Hans darum am afang weg glah.

schildchrötlimel

Ihr habt so Glück. Mein 3.5 Jähriger will von Windelfrei nichts wissen 😡. Ich weiss dass Druck nichts nützt aber ich denke, er pisst und kackt aus reiner Bequemlichkeit in die Windeln!!! Und das macht mich wahnsinnig! Er könnte es nämlich - hat schon 3-4x auf dem Klo gepinkelt. Er findet einfach immer 10000 Ausreden, wieso er nicht auf die Toilette will! Bin mit meinem Latein am Ende. Belohnungssytem lässt ihn völlig kalt. Auch dass andere Kinder ihn in der KITA damit schon gestichelt haben, scheint ihn nicht zu stressen 🤷‍♂️🤷‍♂️🤷‍♂️. Was kann ich machen?

Sandra💕

@schildchrötlimel ich glaub, du muesch eifach abwarte. Mine (au 3.5j) isch vor kurzem trocke worde, innerhalb vo 2 wuche dag und nacht. Är hets sälber entschiede, ohni belohnig oder süscht was. Dränge und ständig froge bringts nid. Är wird das scho no meischtere. Ha bi mim chline dänggt, dä wird nie trocke, het ihn überhaupt nid interessiert. Bi richtig baff gsi, wo är eifach ufs wc klätteret isch und keini windle me het welle.