Gewalt im Kreißsal

Hed das öper gluegt letschte Mittwoch bi stern TV?
Was haltid ihr devo?

Kommentare

  • Has gseh und has sälber erläbt und sehr müäh ka das nacher zverarbeite. Würd vieles andersch mache und würd mir stark uberlege ä Duola mit znäh. Find sehr wichtig das me sich sehr güät Informiert und eu dä Ehemänner genau seit was me will und was nit. Damit sie eu kennit für einem Istah, ha Sturmwehe ka, daher fascht nit kenne rede. Bi froh gsi het er für mich mal gseit nei, löhnt sie jetzt la mache.
    Wichtigs Thema und sett beachtet wärde.
  • Wir haben eine Konferenz dazu gemacht wo Judith Raunig über Traumpräventation und die Geburt spricht, davor und danach. Sehr umfassender und interessanter Vortrag.

    https://www.babyacademy.at/vortrag/6-traumapraevention-vor-und-nach-der-geburt.html
  • Has leider ned gseh. Weis au ned ob ichs wott gseh...
    Mir hend bide erste Geburt so öpis erlebt und min Maa het müse anestah und dene erkläre das wens mich jetzt nomal alanged, er handgrifflich wird. Zum Glück! Sie hend den endli igwilliget zum KS. 5 Stund Presswehe und nach 2 hemer eigentlich scho gseit me machi en Ks.nur heds den Schichtwechsel geh und die hend gfunde sie bringed das Chind uf büüge und breche ufd Welt. Wos den gege min Wille hend welle mit Zange, Glogge ect. afa üebe hets min Maa verjagt. Und nomal: zum Glück! will ich weiss ned obs min Sohn sust gschaft heti. Ich han mich nüme chöne wehre will ich meh wegtrette gsi bin als awesend.
    Ich würd nur mit eme ganz vertraute Mensch gebähre wo genau dini Wünsch kennt.
    Bide zweite geburt hani Sturmwehe gha und deswege gar nüm chöne schwätze. Wobi ich dete es ganz tolls Spitalteam zur siite gha han. Aber wen ich min Maa ned debi gha heti wärs ufem KS usegloffe. Ich het mich ned getraut ohni Ihn normal gebäre. 🙄
  • Ui nei😳 muss das glaub no luege.
  • Ach du meine güte.😳😳😳😳 das isch ja krass.

    Hend ihr aber ned dhebamme debii gha? Und oiie frauearzt?😳 mini fraueärztin isch sooo genial und hebamme lerni erscht na kenne. Aber die isch immer ah minere siite und dfraueärztin chunt ide schlussphase und isch den für mich zueständig.
  • Ich ha än Hebamme da ka, leider is sie nit so nätt gsi. Ha zgfühl ka heig ihre dä Abig kaputt gmacht. Ersch wo de dä Arzt ko isch, dä het den Ruh dri bracht und ich bi den eu ruhiger worde.
    Ha mal gseit, ha Schmärze, den bini a gschnützt worde, selle nit so tua. Sie halt so und für PDA sige zwiet. Durch dass das eu Sturmwehe ka ha, hani nit kenne reagiere. Mine Ma isch den eu klie Luter worde, wo jetzt da diä Alternativ sache si, wo so hoch globt worde sind.
    Daher würd ich negscht mal ä Duola, mit näh und eu Geburtsvorbereitig. Isch eifach eu nit nur klie ume schnuffe aber jedem das seine.
  • ui 😳😳
  • Ich has au gseh und bin sehr erstuhnt dröber. Ih ha vier spontangeburte mit foif babys gha und bi keinere hani mi nid ufghobe Gfühlt und ha mi sicher gfühlt. Ja bi zweine händs mer en dammschnitt gmacht de händs ahkönded gha aber da esch mer egal gsi und ja bi de letschte geburt hani ufd d ahmäldig gschrebe heigi gern en wassergeburt und den hani einisch gseit ih möcht es schmerzmittel. Den hets gheisse tüäg ne leid aber das mit em wasser und em schmerzmittel giechi nömä und met drei presswehe spöter esch sie da gsi.
    Ih ha das zom Glöck nie erläbt.
    Ok vellecht aber au nor vellecht gits en momänt wo ih nid so extrem ahglueged ha wo en anderi frau weder finded das goht gar ned. Chan durchus mögli sii.

    Ja tüänd eu informiere euchi wönsch was er wänd und was ned wiiters geh. Schriebeds au grad ufd ahmäldig druf und informiered die person wo eu in chreissaal begleitet. ABER gönd jo ned scho mit Angscht dr vo gwalt z erfahre in Chreissaal.
  • @Shira Bis froh hesch nie so öpis müse erlebe. Bide zweite hani au kei Schmerzmedis meh becho wills scho zwiit gsi isch. Au hends müse en Dammschnitt mache. Aber das isch völlig ok und gits halt. Han bim zweite au es ganz tolls Spital Team gha. Aber so öpis wie bim erste wünsch ich niemertem.
  • @ALOHA hesch den du e Beleghebamme? Und dini Ärztin schaft im Spital?
    Ich han bim zweite Glück gha het mini Hebamme gad Dienst gha. Da bini au super begleitet worde trotz Sturzgeburt und schlimme Verletzige. Han es super Team gha dete. Aber ebe entweder het mer Glück oder Pech. Bi so viel geburte wos git sind glaub so Sache wie ich erlebt han üsserst selte. Die meiste würd ich jetzt mal sege hend gueti geburte. 😊 Me ghört hald leider meh schlechte will Lüüt meh drübert reded.
  • Has leider au nit gseh aber ich bi selber fast uf därzt los im spital well eifach e mangel an Kommunikation do gsi isch und ich mich extrem im stich glo gfühlt ha und au nit ernst gno worde bi
  • Ich ha vo 4 geburte eini als stressfrei erlebt das isch trurig aber es kunnt öfters vor als me denkt
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum