Zusammenziehen mit Partner

allyally

42

bearbeitet 22. Juni, 19:12 in Familie und Beziehung
Heii lütlis

Ich zieh in ca 3 wuche mit mim fründ zemme. Mir erwatet im oktober euses erste meitli, da druff freued mir eus au sehr. Aber es git halt wie immer einiges wo no chli problem bereitet.

Er het i so villem irgendiwe kei ahnig wie mer en huushalt füehrt oder so die kliinste ding wie wösch wäsche und so( er ish 24 und wohnt mitme kolleg ide wg)(und nei keis muttersöhnchen).

Aber mich neevt das mega will michi amel fröge wie das funktioniere söll wenn mir zemme wohned und 24/7 ufenand sind. Mer striited eh sho oft in letzter ziit weg jedem chliine krümel🙄Sorry fpr de langi text aber vlt het ja öpper erfahrig oder tipps was i maceh chönt/mir😉

Kommentare

  • Also mine isch au so gsi (er isch 21gsi womer zemme zoge sind) und er het vieles selber möse lerne...mir hend extrem gstritte die erste 6 mönet...wel er eifach kein plan vom lebe gha het...dh. Kei ahnig was für chöste ahhfallet im lebe zb. Kk, billag/serafe, versicherig etc.

    Ich han am ahhfang de gsamti huushalt gmacht...und ihm gseit er söll mir zueluege wie das goht...und nachme wiilii hanis nüme gmacht ;) und denn heter mal gmerkt das da gar nöd so easy isch wie er denkt het..💁‍♀️wo d zwilling uf d welt cho sind...hani fast alles allei gmacht...bis ich ihn mal 1 tag 8-17 Uhr allei dehei loh ha mit ihne (wohlgmerkt: ich ha ihm alles parat gleit - shoppe heter nurno möse ahhrüere, brei nurno wärme, windle, bodies etc. Isch alles griffbereit gsi) siit dem tag...versuecht er mir i allem z helfe 🤭klar...klappt nöd immer alles...aber wenn mer sich liebt und enand wertschätzt, denn chunnt das alles von allei..dörfet eifach beidi nöd ufgeh ;) vorallem ide hatte ziite
  • uiiii ☺️ das wird sehr schön sträng wärde. ech meine s‘zämeläbe und sich dadurch no besser könne lehre und denn churz druf no es baby wo üches läbe wird verändere.... glaube da wirsch ganz vel mösse läbe nach motto „esches das jetzt wärt sich ufzrege dröber oder lahnis lah si“.

    ech wönsche üch alles gueti, dass d‘liebi und d‘freud so öber alles hinwäg bringt, was dech chönti nerve. es ged sicher au einiges wo är anderst wörd mache und gärn anderst hätti. mer lehrt sich sache vo dehei a oder denn au vom erste eigete hushalt, verbesserigspozential esch ja emmer be beidne ome. ehr wärded das scho schaffe, hauptsach rede metenand - und ja.... de manne muess mer amigs klari awiesige gäh 😂

    heb en schöni restlichi schwangerschaft 🍀
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland