Stillen - Ja oder nein?

sArA91

@ally Ich han beidi nid gstillt (nur s kolostrum Ahfangsmilch). Bim Sohn han ichs im Spital zwar probiert aber es hät sich nid schön ahgfühlt wenn öper an mine Brüst sugt 🙂🙈 ich han mich schlecht Gfühlt den hani abgstillt 🙂 und bi de tochter hanis gar nid probiert .. Min Ma liebts emel s Fläschli geh und es hät mir Zit gspart 🙂 Schoppechind werde au gross 🙂

sArA91

Saco87 schrieb: »

Bi chli schockiert über die Meiste do innä wie sie übers Stille dänkä und es scho im Vorus vertüüfle. Au wenn Schoppekind gsund werde isch doch dä Entscheid Mami zwerde au dämit cerbunde es Beschte für zKind zmache, also Stille. Das hät än Grund warum dNatur das sich so usdänkt hät. Pulvermilch git am Kind nöd anähernd die Nährstoffe mit, kei Antikörper usw. Ich stille voll und jo amigs ischs sträng wil er Brust au als Beruhigig brucht aber trotzdem gits nüt schönners, nätürlichers und gsünders. Finds eifach schad, dass so viel Fraue hützutag so dänkät und vorallem a sich a erster Stell und nöd as Kind. Jo Brüst verändere sich aber mä hät sich halt fürs Baby entschiede und do ghört halt au alles däzue.

@Saco87 Ah den sind Mamis wo nid stille wenn kei gueti Mamis und wenn nid z beste ?? mini Hebamme hät mir gseit wenns am mami nid guet goht den gohts am baby au nid guet .. mamis händ au Bedürfnis ..Also die im Spital und mini Hebame jo sogar s Umfeld häts verstande .. und wenn ich mich scheisse fühle bim stille sölls den jedesmol eh Qual sii???

und vertüfle tueni stille nid es isch natur und findes sehr schön wenns mamis git wos lieben 🙂
aber isch doch jedes mami anders🤨🙂🤗

Berry

Ich bin es Stillmami und han beidi Chind 15 Mönet gstillt. Während dä Stillziet isch es halt würklich sehr praktisch gsi, nöd viel mitnäh, aber mer isch au nöd frei gsi. Kein Abig für sich und s‘abstille isch für mich dä Horror gsi. Sie händ monatelang d‘Brust nöd vergässe, wil süscht kein Nuggi oder Schoppe gno händ. Mini Chind sind extrem if d‘Brust fixiert gsi. Es isch an sich eigentlich würklich e schöni Sach, ich han’s würklich gnosse. Aber au wenn me nöd stillt, verurteil ich als Stillmami niemmert. Alli Chind werdet gross. 😊

Shira

@Saco87, ih bi chli schlockiert öber din onnötige Post den de vertüfled alli Mamis wo zb au NED chönd stille au wenns wette us xig Grönd. Ich find stille au uh schön und praktisch und wörd mir wönsche sie wörded eifach laufe und funktioniere ohni drum zkämpfe müässe. Ih ha drei Erwachseni Söhn ond ha sie ned rechtig chöne stille ergo sie send mit PuMi gross worde ond weisch was? Sie send ih erem läbe vellecht 3x chrank gsi inkl schnuppe sprech sie send vel weniger chrank gsi wie mäng chind wo gstillt worde send. Also höred bitte met dere Sch.... uf vowäge nor MuMi segi gsond. Verwached mol us euchem traumland ond lönd d Mönschheit eifach eres Ding mache. Du seisch es Mami welli s beste för sis Chind/ sini Chinder. Bi der esch das denne wend demet tuesch stille bi anderne wenns chönd schöppele wills bim stille sech sehr gstresst fühled oder onwohl esch. Also bitte lass jedi Familie das so handhabe wie sies för sech rechtig empfindet. Es isch super wenn du das so för dich gsehsch aber schlüss NIE vo dech uf de räscht vo dr Wält will denn meinsch es nämli ned guet sondern tuesch nor so en hetztjaggtd ahzettle. Mer send doch alli Mamis wo s best för ere nochwochs wänd also müämer eus doch gägesitig onterstötze ond ned enand ahfeinde 😔.
Git gnue onnötige Chrieg wo wäge laplie ahgfange händ denn bruchts das nid au no onder de Müättere oder?
So jetzt allne es wonderschöns Weekend.

mariechäfer

@Saco87Finds chli schad das all wo schöppeled i ein topf gschmisse werded,i ha die ersti 3mönet kampfgstillt,immer offni brüst,3 brustentzündige und i has durdas as gar nünd agnehms empfunde,aber da mer vo usse ja so viel under druck gsetzt wird hanis dure zoge,ha de nach dene 3mönet uf schoppe gwechslet und all hend gseid i seg we en umkehrte händsche wieder happy und ja das hed sich denn au uf die chli usgwürkt gha...
Bim zweite hanis trotz allem au versuechd,dert heds aber nid mol mit hüetli klapped,ha denn die erste zwei wuche pumpt daser wenigstens de afang bechund,und siehe da er isch scho viel frûener entspannt…
Es mue für alli mamis selber stimme…

Sova

Also i finds au schad dass do öppert wo sich für ds stilla usspricht vo allna siita so aagriffa wird....also i läsa do nid usa dass sie öppert verurteilt wo nid stilla chan.....sie schriibt eifach nu was sie über ds thema stilla denkt....jo schoppachinder werden au gross und isch jo supper gits das aber es isch an fakt dass muattermilch ds besta für ds baby isch.

Ohana

I ha bir 1. Tochter UMBEDINGT wöuä stillä, i ha aber ä mega chnorz gha drmit und es het überhoupt nid klappet, mini tochter het z weni miuch becho und isch duurend unruhig/unzfridä gsi, ig mega gstresst wöus nid het klappet und mini tochter nid het zuägno... ds isch sonä tüüfuskreis gsi für mi dsi inä postnatali depression gheit bi... woni när abgstiut ha und gschöppelet ha isch ds soooo ä erliechterig für mi gsi!! Ä zfrideni Tochter wo när o guet het zuägno! Bim Sohn hani z stillä garnid ersch probiert, i ha zu beidnä ä sehr ängi bindig u si si praktisch niä chrank! U nechi chamä nä o dür z schöppälä gä! I chas o nüm ghörä " z bestä für chind isch stillä" ds stimmt eifach nid wöu z bestä fürnes chind si bezugspersonä wonim liebi, nechi, geborgäheit u sicherheit gäbä! So ds wär mis wort zum samstag 😁

Saco87

Nöd grad agriffe fühle...ich rede nöd vo Fraue wos versuecht händ oder Schmerze händ gha und was au immer. Ich rede vo dene wo vo Afang a dägege sind und es nödmol versuechet, das findi ztruurige a de Kommentare do innä! Jedem das Seine aber trotzdem bini halt schockiert...mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue ohni zversueche zBeschte grad striche, findi das eifach nöd ok.

Saco87

sabi81 schrieb: »

@saco87 mini chind, beides schoppechind hei sehr es guets immunsystem u si sehr sehr säute chrank🤷‍♀️🤦🏼‍♀️! U wes mi aus mami stresst, de stressts ou ds chind! D natur het no mängs anders vorgseh.. u me macht fortschritte ih vielne bereiche! Verurteilsch ou öber wo ä ks macht wege bel? Oder no schlimmer ä wunsch KS? Wü d natur ä natürlichi geburt vorgseht? genau so hardcore stillerinne maches dene wo am zwifle si zum verleide.... me isch doch kes schlechters mami nume wü me dr schoppe bevorzugt! Gloub da het niemer ds recht über öber so ga ds urteile! U mini chind stöh ih vilne sache ah erster stelle! Aber nid ih auem u scho gar nid um jede pris! Wes mir schlecht geit, wirds am chind nid besser ga!!! U ds het nüt drmit ztüä öb me sich für chind entschiede het u ds haut drzue ghört🤦🏼‍♀️

Wunschkaiserschnitt, jo au das findi am Kind gegeüber nöd fair und es git än Grund warum gwüssi Gynäkologe das nöd machet. Es isch für zKind wichtig uf natürlichem Weg chöne zcho und au fürs Mami....nur wil mir i de hütige Zit die Möglichkeite händ, heissts aber nöd dass me sie au mues nütze wenns kein medizinische Grund git...das isch mini Meinig und die dörf ich au ha. Ich find das eifach egoistisch. Meinsch ich ha kei Angst gha, Schmerze und bi 48 Stund i de Wehe gsi aber nie wäri uf die Idee cho scho im Vorfeld mi geg dNatur zentscheide. Ich dänk eifach wenn Fraue sich mol me dämit würde usenand setzte was Artgerecht isch und nöd ihri Entscheidige gege zArtgerechte mit de hütige moderne Welt entschuldige, würde sie au gwüssi Sache wo dNatur so denkt hät eher versto und sich viellicht überlegge dass es sin guete Grund hät!

Sova

@Saco87 👍

schildchrötlimel

@Saco87 u we mir grad debi si; e Frau ghört hidr de Chochhärd u söu ja NID ga schaffe.... schliesslich het sie es Chind wöue u söu sich drum kümmere!!!

🤦🏼‍♀️🤦🏼‍♀️🤦🏼‍♀️🤦🏼‍♀️

ally

@all
Ich bedanke mich für all euri kommentär. Mittlerwiile hani mich fürs stille metschiide, möchtis eifach usprobiere und uf mich zuecholah, wenns nöd klapped lueg ich wiiter.
Ps: ich ha nie sone hitzigi Diskussion welle afange, ich finde jede dörf sini meinig ha und au teile, aber immer in gwüssem mass. So und jetzt hend sich all wieder gern😉🤗

Saco87

schildchrötlimel schrieb: »

@Saco87 u we mir grad debi si; e Frau ghört hidr de Chochhärd u söu ja NID ga schaffe.... schliesslich het sie es Chind wöue u söu sich drum kümmere!!!

🤦🏼‍♀️🤦🏼‍♀️🤦🏼‍♀️🤦🏼‍♀️

Du häsch nüt verstande!

schildchrötlimel

Ou mou, abr ha di gröschti Müeh mit so Lüüt, wo anderi verurteile wo nid de gliche Meinig si.

Sova

sie verurteilt jo niamert.....das isch eifach ihri meinig...aber i finda au öpper wo für ds stilla und für ds natürlicha isch törf das säga.... schliasslich isch jo dfrog stilla jo oder nei.....

schildchrötlimel

Saco87 schrieb: »

Au wenn Schoppekind gsund werde isch doch dä Entscheid Mami zwerde au dämit cerbunde es Beschte für zKind zmache, also Stille.

U was isch de das für e Ussag...?

Tanja87

Fühled euch doch nid immer grad so Angriffe Liebi Fraue... Moderne Welt we immer all segid beinhaltet Meinigsfreiheit😏✌️

Sova

das isch ihri meinig.... und jeda törf sini meinig säga.... aso i verstohn das überhaupt nid als verurteilig.... sorry aber sobald iiirgendöppis chund vowega stilla isch ds besta oder so fühlend sich a teil eifach direkt agriffa.... es isch doch a tatsach. das hed doch nüd ds tua mit alli wo nid stillend sind schlechti müattara.... ds einta hed doch mim andara nüd ds tua....

Sova

genau danka Tanja87

Caramel

Saco87 schrieb: »

mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue ohni zversueche zBeschte grad striche, findi das eifach nöd ok.

Das isch ä Agriff und kei Meinig sorry. So Ussage sind weder Sachlich nu bringits ebis.

Saco87

Caramel schrieb: »

Saco87 schrieb: »

mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue ohni zversueche zBeschte grad striche, findi das eifach nöd ok.

Das isch ä Agriff und kei Meinig sorry. So Ussage sind weder Sachlich nu bringits ebis.

Wär läsä cha ich klar im Vorteil...ICH FINDE DAS NÖD OK...isch ä Meinig! Agriffe füehlt mä sich nur wenns au Agriffsflächi git, wenn mä mit dem wo mä macht im Reine isch, fühlt me sich au nöd agriffe 😉 ich wirde mim Kind uf jede Fall bibringe, zerst versueche bevor mä öbis nöd wot oder cha sägä mä häts nöd gärn und genau das findi chönd au Mamis mache...nöd im Vorfeld sägä NEI, zerst mol zBeschte versueche und denn cha mä immerno entscheide!

Caramel

@Saco87 ich ka sehr güät läse und us sage wiä „diä ob äs Kind ka us lässe obs uf dere Wält isch oder nit“ hent i dem Gspräch nix zsuche und soll dum nit stilliende Mamis äs schlächts gwisse mache und das isch wäder Sachlich nu ä Meinig.

Saco87

ally schrieb: »

@all
Ich bedanke mich für all euri kommentär. Mittlerwiile hani mich fürs stille metschiide, möchtis eifach usprobiere und uf mich zuecholah, wenns nöd klapped lueg ich wiiter.
Ps: ich ha nie sone hitzigi Diskussion welle afange, ich finde jede dörf sini meinig ha und au teile, aber immer in gwüssem mass. So und jetzt hend sich all wieder gern😉🤗

Das isch doch schö 👍 ich wünsch dir ä liebi Hebamme, wo dir bim Stille hilft und dir wenn nötig Geduld mitgit, uf äs guets Glingä und dass du zStille au so chasch gnüsse wie ich das due. Au üse Start isch nöd so easy gsi, astillhüetli wono nöd würkli cool ha gfunde aber nach paar Wuche Geduld und Üebig ischs jetzt prima und ich liebs 🤗 und wenns nöd klappt, häschs zmingst versuecht und das isch doch scho mol super 👌

Saco87

Caramel schrieb: »

@Saco87 ich ka sehr güät läse und us sage wiä „diä ob äs Kind ka us lässe obs uf dere Wält isch oder nit“ hent i dem Gspräch nix zsuche und soll dum nit stilliende Mamis äs schlächts gwisse mache und das isch wäder Sachlich nu ä Meinig.

Und wer entscheidet was do innä zsueche hät und was nöd? Du? 😂 Wohl eher nöd. Alles was ich schrib isch ä Tatsach und äs isch mini Meinig dass äs Kind sich das Läbä nöd hät usgsuecht und ich dere Meinig bi, dass mä dänn au das wo am Gsündischte isch sött zmingst versueche. Wenn du oder anderi säbi äs schlechts Gwüsse überchömet, sind ihr mit eurem Entscheid au nöd 100% im reine, suscht würds eu am Allerwertischtä verbi go 😉 so, und witers hani nöd däzue zsägä, es het kei Sinn mit Lüt wie dir zdiskutiere. Für da isch mir mini Zit zwertvoll.

Shira

@Saco87, wennt so wotsch, chamer au säge jede da inne het sechs s läbe sälber usgsuecht in dem jede versuecht het am schnällschte bim Ei zsie und sech denn wiiter entwickled bes mer ufd Wält cho isch 🤷‍♀️😂.
Du dafsch dini ameinig ha ganz klar aber du dafsch nid emne unsichere Mami an chopf schmeise das es es schlächts Mami esch nor will sie sech das Stille ned cha vorstelle ond eher öberleit erst gar ned z probiere. Sie het jo au gschrebe das sie nor schlächts ghört het dröberd. Denn esch doch klar esch sie so ihgstellt aber denn send mer ih dr Pflicht ere s schöne ufzeige vom stille ond ned ere vorwörf machä was sie denn selli sii wenn sis ned mol probiert. Finde das goht eifach nid. Das esch nid nätt. Wie gseit säge was du för die findsch esch ok ond dies rächt aber ned säge was sie för en schlächte Mänsch esch wenn sie das, jens ond desses ned so macht wie du das för dech rechtig findsch.

Saco87

Shira schrieb: »

@Saco87, wennt so wotsch, chamer au säge jede da inne het sechs s läbe sälber usgsuecht in dem jede versuecht het am schnällschte bim Ei zsie und sech denn wiiter entwickled bes mer ufd Wält cho isch 🤷‍♀️😂.
Du dafsch dini ameinig ha ganz klar aber du dafsch nid emne unsichere Mami an chopf schmeise das es es schlächts Mami esch nor will sie sech das Stille ned cha vorstelle ond eher öberleit erst gar ned z probiere. Sie het jo au gschrebe das sie nor schlächts ghört het dröberd. Denn esch doch klar esch sie so ihgstellt aber denn send mer ih dr Pflicht ere s schöne ufzeige vom stille ond ned ere vorwörf machä was sie denn selli sii wenn sis ned mol probiert. Finde das goht eifach nid. Das esch nid nätt. Wie gseit säge was du för die findsch esch ok ond dies rächt aber ned säge was sie för en schlächte Mänsch esch wenn sie das, jens ond desses ned so macht wie du das för dech rechtig findsch.

Wo hani gschribe: schlechte Mensch und schlech
ts Mami? Nirgends 🤭 das sind dini Wort wo du us minere Meinig use lisisch. Also bitte leg mir kei Wort is Mul wo ich nie brucht ha. Und usserdem het die gueti Dame sich jetzt fürs Stille entschiede trotz mine i dine Auge schlechte Kommentare 😉 und lis mol was ich ihre für das gwünscht ha! Dir chani empfäle das Buech Artgerecht mol zlese denn verstosch viellicht au warum ich säg ich fänds nöd guet im Vorfeld NEi zsägä und nöd mol wele zversueche...Stille isch so viel me als nur Nahrig, es isch Nöchi, Troscht, Rückbildig usw...! Also heb än guete Obe, und lo di vo Meinige nöd so lo stresse...git nur graui Hoor 🤭 und es wichtigste, intepretier nöd Wort wo öbert so nie hät gseit!

Caramel

@Saco87 isch bestimme da inne gar nix. So wiä du darf eu ich mini Sach der zua säge. Ich ha keis schlächts Gwisse, ab bem ziet punkt won ich für mich entschide ha nit stille und dä Wäg so zgah wiä ich es will und für zBeschte halte und mich nit lah la fremd bestimme is mir und miener Klie besser gange. Bereues sehr mir da nit treu bliebe zie. Das isch was ich miner Tochter wett mit gäh, blieb dich sälber und blieb dir immer treu!
Mit Gägewind muss meh immer rächne wen me ä Meinig vertritt, ich ka mit dem Umgah. Finde ä Sachliche diskusion ka beriecherend si aber ja gseht nit jede so.

Saco87

Caramel schrieb: »

@Saco87 isch bestimme da inne gar nix. So wiä du darf eu ich mini Sach der zua säge. Ich ha keis schlächts Gwisse, ab bem ziet punkt won ich für mich entschide ha nit stille und dä Wäg so zgah wiä ich es will und für zBeschte halte und mich nit lah la fremd bestimme is mir und miener Klie besser gange. Bereues sehr mir da nit treu bliebe zie. Das isch was ich miner Tochter wett mit gäh, blieb dich sälber und blieb dir immer treu!
Mit Gägewind muss meh immer rächne wen me ä Meinig vertritt, ich ka mit dem Umgah. Finde ä Sachliche diskusion ka beriecherend si aber ja gseht nit jede so.

Klar das dörfsch du...Gegewind isch au keis Problem. Aber du häsch mir Wort is Mul gleit wo ich nie ha gseit! Und Sache drus use glese wo ich so nie ha gschribe...und schö bisch mit dinere Entscheidig im reine, isch jo dHauptsach.

Caramel

Saco87 schrieb: »

mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue

Jetzt kumi nit drus, ich bi mit den Satz nit ganz diener Meinig, das äs Kind nit sälber entscheidet uf diä Wält zcho und der hesch du hite im 9:40 as 58 Bietrag gschriebe. Wiä ich gschriebe ha, isch das für mich nit Sachlich und isch kei Meinig. Ha dir absolut nix is Mul gleit... weiss aso nit was du meinsch.

Saco87

Caramel schrieb: »

Saco87 schrieb: »

mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue

Jetzt kumi nit drus, ich bi mit den Satz nit ganz diener Meinig, das äs Kind nit sälber entscheidet uf diä Wält zcho und der hesch du hite im 9:40 as 58 Bietrag gschriebe. Wiä ich gschriebe ha, isch das für mich nit Sachlich und isch kei Meinig. Ha dir absolut nix is Mul gleit... weiss aso nit was du meinsch.

Du häsch gschribe ich heig gseit mä isch äs schlechts Mami wenn me nöd wot stille...das hani gmeint häsch mir is Mul gleit wo ich so nie han gseit! Stoht gnau so im Text vo vorher.

Saco87

Caramel schrieb: »

Saco87 schrieb: »

mä wot doch zGündiste für sis Kind wo nöd selber cha entscheide obs überhaupt uf dere Welt het wele si und wenn denn Fraue

Jetzt kumi nit drus, ich bi mit den Satz nit ganz diener Meinig, das äs Kind nit sälber entscheidet uf diä Wält zcho und der hesch du hite im 9:40 as 58 Bietrag gschriebe. Wiä ich gschriebe ha, isch das für mich nit Sachlich und isch kei Meinig. Ha dir absolut nix is Mul gleit... weiss aso nit was du meinsch.

Oh sorry ha grad gseh dass bisch gar nöd du gsi mitem schlechte Mami😂 nimes dämfal zrug sorry!

hermine

Ich bin absolut de Meinig vode Fuchs. Ich hanmi bewusst dafege entschiede, da ich eifach min Körper wieder für mich ha welle ha, und da ich absolut ned gern gstillt ha. Probiert hanis scho aber nume im Spital. Denn hanimi so unwohl gfühlt dasi schnell abgstillt ha.

fuchs

Wösseder was? Es interessiert mich gar nid😂 so hardcore still mamis und sbeste fürs baby das und dieses, dass send eh ned die fraue met dene ich mich beschäftige. Chan au nüd met artgerecht und bedürfnisorientiert bibabu dings da afange.
Ich ben es moderns mami. Wo dfamilie uf ei linie setzt und niemerd bevorzuegt. Ich opfere mech für niemerd. Ich lebe mitemand und nid fürenand. Es werd aumol luut ubd ich sege oft nei. Er muess au mal hüle und warte wenine ned sofort ufe arm neme.
Und nei er het und werd nie mini brust als ergendwas anderes gseh als en teil vo mami erem körper wo au am mami ghört. Und nei ich han au nie nackt met mim kind gschmüselet wel das miiiiin körper esch und nur mine. Und nackt schmüsele ich nur met mim maa. Und wüsseder was?????!!!! Min sohn liebt mech geeenaauuuuu sooo fest wie ich ehn. Mer send es suuuuper team. Er esch selte krank. 1x fieber en 10 mönet und er gaht ed kita set er 6mönet alt esch.
Ubd mer gaaahts au suuuper.
Alli wo min sohn kennelehre send begeisteret vo ihm wie toll ubd pflegeliecht das er esch.
Ich sege somit nur dezue, jedes kind chan au ohni de gabzi erziehigs mischt und ohni dbrust (ich bezeichne brust ned als mist) glücklich und zfriede ufwachse

Ach ja und niemerd oackt er öffentlichkeit mini brüst eifach us😂
Mi sohn packt lieber en banane us ✌️ an out

schildchrötlimel

@fuchs you made my day 😎🤙🏻

sArA91

@fuchs 👍🏻guet gschriebe 🙂

fuchs

Obwohl min maa packt sie ab und zue eifach us 🤔🤔🤔 vll es defiziit wel er nie gstillt worde esch

lunapiena

fuchs schrieb: »

Obwohl min maa packt sie ab und zue eifach us 🤔🤔🤔 vll es defiziit wel er nie gstillt worde esch

@fuchs Died 😂😂😂

Saco87

Fuchs...i minä Auge bisch du eifach primitiv und me chani däzue nöd sägä...kindisch hoch 10 dini Reaktion, ich würd mi schämä! Zum Glück laufi dir nie übere Weg.

sArA91

was isch da dra primitiv??

fuchs

Alles easy leute. Da merkt mes gad. Sie chan nix met mer afange und ich nix met ere. Passt eich 🤷‍♀️



Ich glaub zwüsche eus send au einigi jahr alters unterschied🙈 hoffi jedefalls

Saco87

sArA91 schrieb: »

was isch da dra primitiv??

Ihri Worwahl, ihri Art...eigentli alles. Ich ha normal mini Meinig gseit, ha niemert agriffe oder mich lächerlich gmacht über öbert! Für mi hät das öbis mit Respekt zdue und äs gwüsses Niveau zha...was do innä wohl einige fählt. Ich gratuliere dir Fuchs dass du so äs super mega tolls moderns egoistisch Mami bisch, muesch jo wahnsinnig vo dir überzügt si dass du das do inä muesch schribe wie dir ALLI sägät was dür äs super Team ihr sind 😂 brichsch auä Bestätigung wie so einigi moderni Instagram Müettere wo ihres egoistische lächerliche Verhalte mit de moderne Welt entschuldige. Din Körper, warum bisch dänn überhaupt Schwanger gsi? Ebä es het für mi weder Hand no Fuess was du verzapfsch...es isch für mi untersti Schublade so öbis...

fuchs

Ich glaub do ine gsends einigi andersch, wie und was du gschrebe hesch.

Wel du seisch, du chasches ned verstah wenn mer so egoistisch sind und euses kind nid stille.
Und ich han gseit ich chan nix met so fraue afange.
Also hend mer doch beidi eifach eusi meinig gseit oder🤔 mer hend beidi er Ich Form gredet 🤷‍♀️ also werum due ich dene mich über öber lächerlich mache, wenn du ja anschinend au nur dini meinig seisch 😉Nöö ich bruche kei bestättigung. Ansunste hätti gstillt demit mer alli chöne säge wie toll ich bin.
Aber nei ich stah absolut zu mirer entscheidig 😉 und chan sehr guet net gegewind umga.

Und sry dasi rede wiemer dschnurre gwachst esch 😊 muess mi nid verstelle 🤪



Ah und werum i schwanger worde ben.... ich weiss ned wieni suscht es chind hätti sele becho 😂 ha schwanger sie schrecklich gfunde, aber esch nunmal de einzigi wäg mis fleisch und bluet zbecho

fuchs

Aber danke fürd unterhaltig hüt abe. Esch lustig und ziit vertriibend gsi. Jetzt muessi aber es bett, damiti es erholts mami für min sohn chan sie

hermine

@fuchs you made my day❤️

LoSo

liebi @ally

Findes toll hesch du dich fürs stille entschide und wetsch es probiere.
Lahn dir kei Druck mache vo niemertem.
wenns klappt isch guet, wenn ned au ok.

Finds schad lösed soo eifachi frage, settig diskusione us wome ned Sachlich und normal cha blibe.

Me esch keis schlächds Mami wen me ed stillt.
Und me esch au kei überfürsorglichs helikoptermami wenn me stillt.

Alles erwachsni Fraue da inne....sötme meine 🙄👏🏼👏🏼

massa2

@LoSo super gschriebe 👍@Saco87 hans Dir scho privat gschriebe, aber Du bechunsch etz vo mir gliich au no da e Lanze broche (für die wo diä Redewendig nöd kenned: i bi ganz bide Saco, i find sie hett differenziert und uf de Sach argumentiert) 🤷🏻‍♀️

schildchrötlimel

Lueget doch mau aui Kommentär a. Velech faut uf, dass keis Einzigs Schoppemami es Stillmami „verurteilt“ wöus tuet stille.

Uf dr Gägesiite tuet me jedoch immer unterem Deckmänteli „ICH säge ja NUR mini Meinig u schribe ja ir ICH-Form“ so Sache schribe wie:

- ICH finde, nid stille isch egoistisch

- ICH finde das unfair gägenüber vom Chind

- ICH finde es git nüt bessers aus Bruscht

- ICH finde jedes Mami söu stille

Etc etc

Eifach mau so aus Gedankeastoss 😏

fuchs

Und ich sege ned das jedes mami wo still es helikopter mami esch. Ich han nume vo hardcore stillerine gsproche wo weiss au ned wie lang stille 🤷‍♀️ ansunste han ich doch sicherlich nüüüüüüt aber überhaupt gaaaaar nüt gege stillendi mamis. Im gegeteil ich bewundere sie dafür, dass sie so ufoperigs bereit send

LoSo

fuchs schrieb: »

gsproche wo weiss au ned wie lang stille 🤷‍♀️ ansunste han ich doch sicherlich nüüüüüüt aber überhaupt gaaaaar nüt gege stillendi mamis. Im gegeteil ich bewundere sie dafür, dass sie so ufoperigs bereit send

Du widersprichsch dich gad sälber. EGAL wie lang dasme stillt ob 3Mönet oder 3Jahr,es gaht dich nüt ah!Scho nur das Wort hardcore stillerin 🙄 Es esch imfall Normalziitstille. Eso wie du au erwartisch das es di andere nüt agaht das du ned stillsch.

FAKT isch aber das stille s beschte und s gsündischte esch. Das xend vili shoppe Mamis als agriff was es aber ned esch.

LoSo

schildchrötlimel schrieb: »

ICH finde, nid stille isch egoistisch

- ICH finde das unfair gägenüber vom Chind

- ICH finde es git nüt bessers aus Bruscht

- ICH finde jedes Mami söu stille

Wenn me sich bewusst gege stille entscheidet den isch das au alles FAKT. Das bringt die entscheidig mit sich mit, hinter dem mussme stah.

Was aber ebe ned heisst das me es schlächds Mami isch, das het niiiie öpper xeid.
Me het hald anderi Prioeritäte. Das esch au völlig Ok.