Erfahrig mit Himmbeerblätter-& Frauemanteltee

Nicii

Hallo mitenand
Han grad im Internet gläse, dass mer ide erschte helfti vom Zyklus söll Himbeerblättertee und ide zweite helfti söll Frauemanteltee trinke, das hilft bim schwanger werde. Himbeerblättertee sött au de Zyklus normalisiere, wie isch das aber wenn mer en normale Zyklus hät, chamer das glich trinke? Und wie sind eui Erfahrige mit dene beide Tee?

Danke für euii Antworte☺️Liebe Gruess

Summer2018

Wänd en normale zyklus häsch würdis lah. Ich hans leider gmacht und min Zyklus isch dänn mega unregelmäßig worde (statt schön immer 27 Täg hani alles zwüschet 24 und 30 Täg gha). Däzue ane hani mega schmierbluetige becho vor und nach de mens.

Claudia_yali

Has probiert ka, wil i sehr unregelmässigi und teils au langi zykle ka han. Ha denn aber vom himbeerblättertee mega chopfweh übercho (schiins e bekannti nebewirkig dävo) und drum wieder ghört.

Frauenmantel

Bi mir hets damals i dem monet woni das gmacht ha klappt,aber i weis natürlich nid obs weg dem isch gsi.