Einschlafstillen abgewöhnen

Hallo Liebi Mamis 🌼
Ich wird imne Monet wieder agfange schaffe...
Etzt isches eso das eusi Chliini (23Wuche) immer zum ischlafe gestillt wird.
Cha mier öbber Tipps geh wie ich ihre das schonend cha abgwöhne?
Ha scho versuchecht sie Tag dur im Wohnzimmer z stille und sie den is Bett z tue für ihre Mittagsschlaf... Funktioniert einigermasse, aber sie tued denn immer brüele 😢 und das möcht ich ja au ned😔
Vlt chönd ihr mir helfe?
Liebe Gruess💮🐞

Kommentare

  • Ig ha ds ischlafstiue mit Emene Wasserschoppe ersetzt aber da isch si 18 Mte gsi, für das isch dini no z Chli. ev wär kuschle mit Miuchschoppe e Lösig. Wettisch de ganz abstiue?
  • @sunshinemom nei eigentlich würi gern no wiiter stille
  • I cha dir nume mini Erfahrig zum Thema gäh:
    I schaffe hochprozentig dure Tag (machsch Du Nachtdienst dass müesstisch umdisponiere?), und i ha knapp 1,5 Jahr abpumpt und gschöppeled und am Abig hani no villll länger ischlafgstillt 🙈🙈🙈
  • Ich schaffe bi de Spitex und ha unregelmässigi Arbeitsziite... Me gisch schaff ich am Abig bis 21.30 Uhr... Und mitem abpumpe hani irgendwie ebe au ned eso Erfolg 😞 wenni abpumpe chund ned mal 50 ml.. Und für das pumpi fasch 20 Minute🤔

  • Oooh ja denn ischs sicher schwieriger izrichtä mit sottig arbeitsziitä 😌😢 mit was fürere Pumpi duesch? I ha sone Medela us de Apothek gha wo super funktioniert hett.... han aber au immer rueh gha und es foti vode chlinä debii gha.... das hett mir ghulfä.

    S abgewöhne vom stille zum ipfuse isch bi euis ca 1-2 Wuchä gange, han denn druf glueged dass sie mega müed isch scho, han ehre es gschichtli (oder au zwei) vorgläsä und sie denn am rugge gstreichled bis sie ipfused isch
  • Wenn ig di richtig verstande ha bringsch du die chlini wenn du schaffisch sowieso nid säuber i ds Bett. I däm Fau würd ig probiere ob die Person wo se denn i ds Bett bringt cha PuMi-schoppe gä, de chasch du stiue enn du ume bisch und dr Räschte vor Zyt abpumpe ohni Stress z ha wäge dr Mängi.
  • @massa2
    Ich ha au d Medela 👍 hüt isch etzt doch echli öbbis rächt cho bim Pumpe, ha aber fasch 45 Minute pumpet😅
    Das mitem Foti isch en gueti Idee. Probier ich sicher us👍
    Ich Han etzt no en Monet Ziit zum chli probiere Wegem Vorläse, singe usw.

    @sunshinemom das hani mer ebe au scho überleid mite PuMi a dene Abige wo ich ned ume bin (wird höchstens 2 mal ide Wuche sii) und denn tued sie denn de Papi is Bett...
    Heder halt bis etzt au no nie gmacht da ich sie ja ebe stille und sie ipfuuset.
    Muessi halt etzt de mal echli furt☺️😁😉

    Danke für euchi Tipps👍😘🌼💮
  • Ja klar, das mues ja güebt si 😉😂 Aber im Ärnscht, wenn dirs z erschte Mau probieret, de lueg würklech das du ganz wäg bisch, de geits garantiert besser.
    Viu Glück
  • Danke @Sunshinemom
    Bi gespannt wie de das funktioniert😉
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland