Antibotika in der 39. SSW

ZehraZehra

1

bearbeitet 10. August, 07:57 in Allgemeine Themen
Liebi Mamis mal eh frag hät irgendöper au müssä ih dä 39ssw no Antibotika neh ? Nimmt mich eifach wunder danke für eus Antwortä.

Kommentare

  • Ech ha au müesse neh. Es esch zwor i de 36ssw gsi.
  • Dörfi froge us wellem Grund ?
  • Ha en Lungenentzündung gha.
    Es esch alles guet cho ond em chline esch es au guet gange ond ha nüt gmerkt bi ihm vom AB.
    Was sind dini bedänke?
  • Also isch ebe so sie hend en verdacht das ich Blaseenzüdig han isch aber nanig klärt will s resultat nanig cho isch. Ich söt also eifach mal präventiv Antibotika neh ich han aber überhaupt keis brenne wender no schmerze oder schuscht öbis. Ich finds eifach chlie doof das ich das eifach mal söll neh will eh Blaseenzüdig bringt mer au guet mit viel trinke weg was meinsch du ? 🙈 han jetzt au nur no 10 täg bis zum ET
  • Wie sinds de uf de verdacht cho? Gar kei beschwerde ond no keis Resultat...?! Ond wenn hends denn s resultat?
    Sorry för die froge. Aber söscht channi der kei Antwort gäh uf dini frog...
  • Keis problem ich han Blut im Urin gha aber kei beschwerde keis brenne nünt ! Genau s resultat hets au nöd sie hend nach minerä Nachfrag gseit das gaht 4 Täg. Also uh komisch alles. Das Blut im Urin kann ja au was anders sie nöd ?
  • Also ich schaff ide Pfleg.. Und mier hend bi Verdacht uf Cystitis (Blaseentzündig) immer en Comburtest (Schnelltest mit Teststreife) gmacht womer sofort gseh hed ob en Blaseentzündig vorhande isch... Die Teststreife hed mini FA au gha, jede Arzt hed die🤔
  • Hoi Tanja87

    Das isch nöd gmacht wordä es hät gheisse sie münd eh Kultur uf baue weiss au nöd was das genau söll heisse 🙈
  • 🤔🤔 Speziell...

    Damit wends luege was für en Keim es isch... Aber hends ned so es weisses streifli i dim Urin wo abgeh hesch tünklet? Was hesch für es Antibiotika über cho und i welere dosierig?
  • a5d44f20-bbb5-11e9-a245-697edbbb6dc2.jpeg nei würklich nöd ich hans ufjedefall nöd mitbecho. Wo ich ahglütä han hets eifach gheisse ja ich söll verbie cho han den nomal Urin abgeh und den het sie en ultraschall vo dä nierä gmacht. Deht isch aber nünt uffällig gzieh und ich han au keis brenne oder so also alles normal mir das Blut im Urin was eimal gzieh isch was sie den verahlasst hät das ich das Antibotikum söll neh.
  • Genau Tanja87, finds au chli speziell das kei schnelltest gmacht worde esch...
    ech be au us de pfleg ond be de meinig mer darf de ärzt vertraue ond wenn sie es medi verordne nimm ech das. D Ärzt wenn eim no hälfe ond ned schade.
    Aber i dim fall Zehra findis scho chli speziell.
    Ech cha ond wott dir ned zue oder abrote vom AB. Das muesch du entscheide ond uf dich lose.
    Aber wie du scho gschriebe hesch cha mer en blosenentzündig au ohni AB behandle. Ond es esch jo scho gluegt worde öb d niere ok sind...
    Ganz gueti Besserig, lueg guet zo dir/euch ond alles gueti förd geburt! 🍀
    Frauenmantel
  • Hesch vilicht d Möglichkeit s inere andere Praxis no go zeige oder mit ere Hebamme zrede? I würd offe säge dases dir nid wohl isch bi dere Sach und dir halt sorge ums baby machsch. Das cha dr niemer verüble, und es got jo nid drum, dass du em Arzt grundsätzlich nid würdsch vertraue. I find dis eigene Buchgfühl isch do au sehr wichtig ❤️
  • Das isch ja e rächti Antibiotika Bombe 🤔 sie hend wahrschinli I'm Bluet erhöti Entzündigswert gseh u d uf Grund vo dem s Antibiotika, chas mer grad nur so erklähre... Bin kei Arzt. Wür au wie scho erwähnt wenn möglich en 2. Meinig ihole👍
  • Oh nei das dönt ja nöd guet aber @Tanja87 simd Entzündigswert im Urin gseh oder müsstets für das Blut abneh ?
  • Sorry🤦‍♀️
    Will der kei Angst mache😔
    Aber es isch rächt hoch dosiert für das du kei Konkrete Befund hesch... Hends der ned no Bluet gnoh?
    Also eifach will Bluet im Urin hesch, isch Diagnose vonere Blaseentzündig gestellt worde?
    🤔🤔🤔

  • @Bella8 @FrauenmantelDanke au für eues schriebä ♥️ ich wird ganz sicher am Mändig mini Frauärztin ah lütä und sie bitte das nomal z kontrollierä. Es isch wie ihr seged ich bin kein Arzt und möcht au nöd über dene Stah han grundsätzlich es grosses Vertraue id Ärzt. Nur isch das ganz sehr schnell abgwickelt wordä und mir nöd würklich richtig uskunft geh wordä. Dezu kunnt no das Medikament ja würklich nöd gaht öbis isch wo mer ih dä 39ssw no gern nimmt also alles chlie sehr komisch für mich. Ich find au das ich eh gwüssi Verantwortig für mis Baby han und nöd eifach Präventiv wies mir gseit wordä isch Antibotika schluck. Klar wenn jetzt wie @Tanja87 seit Enzüdigswert hoch sind wird ich sie ohni zögerä neh und wird das Telefonisch nomal abkläre das sötets mir ja könnä sege. Am mändig wird ich den zu minerä Ärztin gha und das alles nomal bestätige lah. Ich frog mich aber echt wieso mir den nimmer gseit het das mini Enzündigwert hoch sind sondern immer voner Blaseenzüdig gredet wordä isch. 🥴 alles chlie komisch aber danke für eui Hilf.
  • Chönnt mer vorstelle, das sie ufgrund vom Bluet im Urin und de erhöhte Entzündigswert im Bluet uf de Verdacht vode Blaseentzündig cho sind...
    Toi toi toi🌼💮
    Ganz gueti Besserig und en tolli Geburt wünschid dier🥰
  • @Tanja87
    Keis problem hät mich gad schockiert will ja höchi Entüdigswert bim Baby zu Hirnschäde führä kann. Genau das hät mich ja den au verunsichert ich nimm nöd so es höchs antibotikum für eh Blaseenzündig das isch nöd nötig. 🥴 meinsch ich söl ahlütä und nach mini Enzüdigswert frögä? Aber ebe sie hend kei Blut abgno nur Urin und das eimal und dä hends deht nanig Analysiert.
  • 🤔 Ich wür alüte und säge sie sellid nomal din Urin teste und en Bluet entnahm mache... Schilderisch ihne dini Bedänke und Sorge👍
  • Hoi @Zehra
    Wie gahds dier?
    Hesch am FA chönne alüte?
    Liebs Grüessli 💮🌼
  • @Tanja87 danke Tanja87 mir gahtz sowyt guet. Ja zum Glück sie het mich no könnä irgendwo innä quetschä. 🙈 bin ja gspannt han chlie schiss das sie schimpft das ichs nöd gno han.
  • Ah sehr guet👍
    Muesch doch ned ha😔 wenn ihre alles erklärsch verstaht sie das ganz bestimmt. Zudem isches din Körper und dis Baby.... Wenn kes guets Gfühl hesch s Antibiotika zneh und s ned machsch isch es ja dier überlah🤔
  • Liebi @Zehra
    Und was hed sie usegfunde☺️?
    Sorry fürs ständige Nachefrage😁
  • Liebi @Tanja87Soory hans eigentlich gester no wellä schriebä aber es isch so viel los gzieh 🙈. Sie het Urin und Blut gno beides super überhaupt kei ahzeiche uf eh Blaseenzüdig oder Erhöti Enzündigswert. Sie isch schockiert gzieh das mir so was gehend obwohl ich Gsund bin ich bin so froh hend ihr mir gholfä und das ich uf mis gfühl glosed han isch scho nöd ganz okay vo dene und wird sie den mit dä resultat mal ahspreche. Fraueärztin isch ufjedefall mega stolz gzieh das ichs nöd gno han und zu ihrä cho bin. 🙈
  • Super gmacht ❤️👍👏💪💃dis baby dankts dir ☺️
    Echt unglaublich so öpis und es zeigt halt efach wieder, wie wichtig dases isch dass mir glich mitdänke und nid efach blind druf lose was e arzt seit!
  • Liebi @Zehra
    Bi froh isch alles guet und das du und dis Baby gsund und munter sind🥰👍
    Hesch demfall alles richtig gmacht👏
    Wünsche dier alles Gueti für die restliche Ss und bevorstehendi Geburt und en wunderschöni kennelern- und Kuschelziit😍
    Liebe Gruess Tanja🌼💮


Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland