Evian Wasser für Schoppen

Hallo liebi Mamis ☺️Bin momentan im Usland und da mir dem Leitigwasser für euse chlii da nöd traued zum de Schoppe zuebereite, hend mir jetzt Evian Wasser gno. Hend eus extra informiert gha, dass Evian au speziell für dzuebereitig vo Schoppe geignet isch wie suscht Babywasser. Jetzt zu minere Frag: sitt mer ihm jetzt das Wasser gäbed, macht er nurno 1 mal am Tag gross id Windle und sin Kot isch frühner immer so gelblich gsie und flüssiger (was au normal segi nach arzt.), jetzt isch er chli fester aber nöd hert und ganz brun.
Nimme ah das het mit em Wasser ztue, frag mich nur ob das nöd so guet isch 🤔 Suscht gahts ihm aber super, het au kei Buchweh oder Blähige.

Kommentare

  • Wiä alt isch de dis Chind, issts scho Brei? Chönnt ou ä däm liggä.
    I würd mer jitz nid z‘grossi Sorgä machä, solangs äm guet geit u gliich no regelmässig gaggelet.
  • Ha immer Evian gnu, weni underwägs gsi bi für dä Shoppe, eu i der Schwiez. Du wirsch nu mängs kommis💩 gseh. Wir hei vo Gälb über grün, schwarz blau alles ka. Eu Konsitenz isch all Arte gsi🙈
  • @Mary Lou er isch 10 Wuche alt ☺️ ja suscht gahts em guet het mich nur chli komisch tunkt 🙈

    @Caramel ja das isch klar, dass sich de immer verändere chan 😅 aber das isch ja jetzt erst sitt ich ihm evian gib 🤷🏽‍♀️
  • @sandra8, sinder a de wärmi i de ferie? S klima cha au d usscheidig verändere. Mit evian machsch sicher nüt falsch!
  • @Bella8 ja simer gsie, hans jetzt dihei aber wiiterhin mit evian ahgmacht zum luege obs am wätter glege het - aber da isches au so 🤷🏽‍♀️😅
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland