Kaiserschnitt - Ja oder Nei?

bearbeitet 1. September, 23:25 in Geburt
Mich würd mol euri meinig zum Thema kaiserschnitt interessiere
Es git hüt zu tag anschienend ganz viel wo das wünsche was meine dir dezue?
«1

Kommentare

  • Ich wür mir nie eine wünsche um uf e spontani Geburt verzichte oder willmer evtl angscht devo chönt ha. Mer weiss ja gar nonig was uf ein zue chunt. Ich chans absolut verstah wenn medizinischi gründ vorliege, wie z.B BEL ( obwohl evtl au e spontangeburt möglich wer jedoch wird mer hützutags zwenig unterstützt bi so sache oder zwenig informiert) Chans au verstah wemmer bi voragange Geburte Komplikatione gha het wie. Z.B schwere Dammriss oder so.
    Chan nur vo mir rede. Bi de erschte Geburt het mis Baby e zimmli übli Komplikation gha wo sehr sehr selte isch und niemert het e antwort druf gha. Hab den lang demit kämpfe gha und gseit bimene 2 gits en KS. Nach 2k han mi aber namal demit befasst und han uf kein fall es KS welle. Han sogar is Geburtshuus welle☺️
    Da het min Maa aber nöd mitgspielt.
    Wers nach mim erschte FA gange hetti en KS müesse mache, han den de FA gwechselt und er hett mich voll unterstützt egal wie ich mich entschiede het. Han e 2 spontan Geburt dörfe erlebe was wunderschön gsi isch und keinerlei Komplikatione. Han mängisch chli sgfühl urvertraui id frau isch chli verlore gange, het aber sicher au mängisch mit de infos und beratig vo de ärzt ztue, vieli devo und voralem jungi ärzt kenne sich nöd gnueg us mit spontangeburte und wähled für sich de sichersti wäg
  • @crazymum was meinsch den du dezue☺️
  • Ich ha 4 geburte ka
    1. wie im bilderbuech die ganz schwangerschaft und die ganz geburt am errechnete termin perfekt

    Die 2. Isch e sturz geburt gsi senkwehe presswehe geburt inner 3 stund 3 wuche zfrühe aber normal geburt.

    Bim 3. Habi e wuche virhher dwehe igleitet und ha nach 48 std normal gebore
    Und denn isch de klei ko 2wuche spitalufenthalt und denn e notkaiserschnitt

    Also ich ka die fraue nit verstoh wo sich sowas wünsche spontan geburt duet werend de geburt weh und isch astrengend aber sobald das hämpfeli glück do isch isch alles vergässe
    bim kaiserschnitt spüri jetzt nach 9 monat amigs no e zwicke und gfühl hani au keins me rund um dnarbe
  • Drum wenn nit e notfall ks nötig iscj denn unbedingt spontan gebäre liebi fraue ihr verpasset soviel es git nüt schöners als e spontan Geburt
  • I ha bim erste e not ks gha, das ufz mau het pressiert, und da ha ig när sehr psychisch drunder glitte, und ha mer gschwore des nie me so müesse z erläbe. Und jetzt bim zwöite hets e plante ks gä, und für mi z schönste wo i je erläbt ha. I ha eifach gfunde mini psyche isch mer wichtiger aus e normali geburt. Darum mies me immer aues gse, und nid nur ah die het e plante ks. Filech ou luege wiso?
  • @Stöpseli voll bei Dir. Auch ich hatte einen Not-KS und ich hab mir geschworen, nie mehr normal zu gebären. Hab mich bei der 2. SS von Anfang an für den KS entschieden und hatte die volle Unterstützung meiner FÄ.

    Der KS war ein schönes Erlebnis und nach dem Eingriff wurde mir von den Ärzten mitgeteilt, dass es die beste Entscheidung war. Meine alte Narbe war am Reissen und bei einer normalen Geburt wäre es „bös“ ausgegangen.

    Bei solch heiklen Themen sollte man nicht pauschalisieren. Jede Frau hat das Recht selber zu bestimmen, wie sie gebären möchte. Und wenn eine Frau sich aus Angst vor einer normalen Geburt für einen geplanten KS entscheidet, dann stimmt das so für sie und ist zu akzeptieren.

    Sind halt Themen, die schwierig sind, wie z.B. Stillen oder Schoppen.

    Hauptsache für die Mutter stimmts, dann ist es auch für das Baby ok.

    Carpe Diem 🌸
  • @schildchrötlimel Stimme dir voll zu das jedes mami söll und dörf selber entscheide und das mache wo für ein richtig isch. Mit angscht mein ich meh dasmer angscht vor de mögliche schmerze bi de geburt het und en ks in betracht ziit,zum nöd dur die evtl lange stunde vo schmerze dure muess. Kenn au privat lüüt wo en KS gmacht hend wills chind am ET nöd cho isch und sie kei geduld meh gha hend. Für all die wo en psychischi Belastig sprich es Trauma vo de erschte Geburt gha hend spricht für en wunsch KS au für mich gar nüt degege.
  • Ich ha au nie vomene notfall gredet ha au e notfall ks ka aber us miner erfahrig wo beides kenne glernt het würd ich abrote wens normal möglich isch.
    Klar isches jedem sini eigeni entscheidig goht au nit drum anderi defür zverzurteile.
    Aber wie susha gschriebe het wird eifach zwenig ufklärt.
    E frau wo nonie e geburt erläbt het weiss jo no gar nit uf was si sich iloht wenn e frau e schlächti erfahrig gmacht het egal ob spontan geburt oder ks wot si bim negste mol dases andersch isch isch jo au klar.
    Ich bi eifach däre meinig das s'natürliche für muetter und kind gsünder isch solang keini problem uftrette oder me öbis anders erläbt het. Ich ha au vor allne geburte angst ka aber das isch für mi persönlich kei grund füre ks. Das wieder um heisst aber uf kei fall dasi das verurteil aber verstoh muessis au nit aber genau dodefür gits die plattform zum sich ustusche und wenn sich öber debi agriffe fühlt hetter nit verstande dases en ustusch vo meinige isch und jede do het e anderi meinig und das isch au guet so sunst wär das ganze überflüssig mit däre plattform 😉
  • Ich ha 2 sekundäri KS ka. Han mir e spontani Geburt sehr gwünscht & au 2x probiert.
    Die erst isch 40h gange und e absoluti Horror Geburt gsi. Die zweit han ich noch 15h Wehe abbroche will min Muettermund nöd ufgange isch!
    Es isch beidi mol weg Fetale Makrosomie nöd gange. Min Sohn isch 4.5kg & 59cm gsi & mini Tochter 4.38kg & 56cm. Ich selber bin 1.58m & 53kg.
    Sie wäret beidi im Geburtskanal stecke bliebe will nöd de Chopf sondern ihri Schultere stecke bliebe wäret!
    Ich han sehr starch glitte weg dem & han mich nöd als Frau gfühlt will min Körper nöd fähig gsi isch zum mini Chind ufd Welt bringe.
    Im Nochhinein bini etz doch froh hani nöd spontan gebore 🤷🏻‍♀️ mini Vagina isch intakt und nöd verunstaltet & min Beckebode hett au nöd so fest gliedet dass ich en etz wieder uf stand kinderlos han willen regelmässig trainiere & kontrolliere loh.
  • *Sie wäret stecke bliebe will ihri Schultere de grössti Teil am Körper gsi sind & nöd ihren Chopf.
    So etz stimmts 😅
  • @lunapiena genau das isch sone fall woni komplett noch vollziehe ka das me e ks macht do spielt dnatur nit mit denn isches au gsünder für muetter und kind und vorallem notwändig das me das macht.
    Und wenn no e 3. Kind Würd ko wär das jo au vollkomme noch volziehebar wemer vo afang a seit direkt plante ks
  • Ich ha im spital e jungi frau im zimmer ka , fit keini problem in de schwangerschaft baby gsund muetter gsund alles normal si het aber druf blangt e ks zmache well si angst vor de schmerze ka het si het ihre ks griegt und hets nochher bereut well si no viel stärkeri schmerze ka het und vorallem nit nur e paar stund sondern wo ich ustrete bi het si kum ufstoh könne mir hend am gliche tag gebore. Ob ks oder spontan geburt es ka überall komplikatione ge.
  • Ja mir wönd zu 100% keis meh. Aber falls es 3. wür geh gitts wieder en KS. Will s‘Baby isch bestimmt 5kg schwer 😂😂 mir hend aber d‘Ärzt sowieso grote zum keis meh becho 😊
  • Ich bi froh hani bi minere erste sone erliche und harte arzt ka
    Er het mir dazumals gseit: Si sind jung fit und ihrem baby gohts guet si hend e baby welle und do ghört das dezue e notks isch schnell gmacht wenns denn nötig isch. Sie wärde mir dankbar si und das isch au so
    Ich bi froh hani 3 normali geburte dörfe erlebe und jedi isch andersch gsi
  • Ich han en Not KS gha.
    Nächst mal machi direkt eine.
    Han probiert natürlich gebäre wili mi bequatsche lah han. Aber nächst mal machi Termin. Han gwüsst das natürlich gebäre nüt für mich isch
  • Da ich gebes zue👋🏿👋🏿👋🏿 ich han en gwünschte und plante ks gha, weli angst um mini Vagina gha han 🤷‍♀️Klar send 3-4 wuche nachem ks asträngend, aber werkli schmerzhaft esches doch ned gsi und alles esch no heile 🤷‍♀️
    Aber ich han au ned gstillt weli demit nix afange chan.
    Mini schwögerin seit au, esch doch so wechtig, me fühlt sech so stark ubd als rechtigi frau wenn me das gschafft het. Ich bechume dene nur en lachafall, wenn me en geburt brucht um sich als richtigi frau zfühle okaaaay ja denn viel spass. Ich bruches ned.

    Ah ja min sohn und ich hend sehr en engi bindig ohni geburt und ohni stille ✌️
  • Ich bin genauu de Fuchs ihri Meinig. Au was stille abelangt. Hani au ned wills nix ish für mich.
    Und bindig zu min Kind isch eifach traumhaft tfotz ks und keh stille
  • Vilicht bini do au eifach alte schule für mi ghört das dezue wehe, schmerze und denn die freut wens baby do isch.
    Allesdings muessi sage ich ha e voll narkose ka bim ks und ha mi sohn nachem ufwache go sueche müesse e stund lang.
    Für mi isches de horror gsi.
    Bi brüellend ind narkose versetzt worde und woni wach worde bi kei kind ume si hend selber zerst nit gwüsst woner jetzt isch.
    Mini info vorem ks isch gsi: ihres kind het keini herztön me ks wird sofort vorbereitet und das in de 26 ssw.

    @fuchs nach 3 normale geburte isch mini vagina au no intakt glaub das kunnt uf Gen druf a
    Aber muess sage sehr amüsant gschriebe! 😂👍! wichtig isch immer das me hinter dem stoht was me macht.

  • fuchs schrieb: »

    Mini schwögerin seit au, esch doch so wechtig, me fühlt sech so stark ubd als rechtigi frau wenn me das gschafft het. Ich bechume dene nur en lachafall, wenn me en geburt brucht um sich als richtigi frau zfühle okaaaay ja denn viel spass. Ich bruches ned.

    Ab so lüht mueni amigs au numme lache. Die müend en KS nur schlecht rede damit sie sich besser fühlet 🙈Ich ha das Gfühl vom Versege nur weg Usserstehende ka. Mittlerwiele gibi kein Wert meh druf uf Meinige vo anderne und weiss dass e natürlichi Geburt nöd zwingend muess sieh dass mer es guets Mami isch 😊
  • Ja also lunapiena be der esches doch absolut verständlich das en ks hesch müesse mache. Dini kind sind ja rieeeesig gsi, das du dech überhaupt getraut hesch, das bewundere ich
  • Das het sowiso nüt mit guet oder schlechts mami ztue find das frech wenn das öber seit mich nimmts eifach wunder was für beweggründ anderi mamis ka hend füre ks well ich 3 normali geburte ka ha und denn e ks was mir persönlich sehr zuegsetzt het und ich vodem her nit noch vollziehe ka wie me sich das wünsche ka

    Es isch wirklich interessant über die unterschiedlich erfahrige zlese.
    Danke für die offeheit isch wirklich toll 😁👏
  • @fuchs so hammer😂 findes cool heschs eifach so gmacht wies hesch welle 😁

    Isch bi mir leider ned so gsi.. ha so angst gha vor de geburt, hätt so gärn e KS gmacht. Ha mi aber ned trout, well mer jo erwartet, dass natürlich gebore wird, wenn alles intakt isch..
    Drom hani natürlich gebore, was für mich s allerschlimmste gsi isch woni jeh erläbt ha. Ned nume d geburt selber isch horror gsi, au nachher, die schmerze.. s esch so lang gange bes sech undeume alles wider chli ,,normalisiert“ het.

    Bim zweite Baby würd für mich somit nume na en plante KS in Frag cho.

    Am Schluss ischs eigentlich egal wie eusi Babys ufd Welt chömed, hauptsach sie sind gsund🥰
  • @fuchs bim erste hett mers ger nöd erwartet dass er so en Mocke isch😭 meh hett en uf 3.2kg & 50cm gschätzt! Drum bini überhaupt so ad Geburt 🙈 & bi de 2. Geburt hani mi chli überschnorre loh zums nomel versueche. Ich denke dass isch au de Grund gsi wieso dass ich nöd ufgange bin trotz regelmässige & starche Wehe.

    @crazymum jo es gitt unheimlich viel frechi Mamis. E Meinig dörfmer ha & au usspreche aber es chunnt druffa wie mer die überebringt & obs beleidigend isch 😅
  • Ach weisch ich han au viel kommentär müesse alose, sogar min maa het bitzli gstichlet. Aber ich ben emmer zu minere entscheidig gstande und am schluss esches ja min körper und da het mer niemer dri zrede :-)
  • @lunapiena das isch scho so und ich muess sage bi extrem erstunt wieviel fürsprecher dases git aber genau darum gits jo die plattform zum sich ustusche denn jedes mami het e anderi erfahrig gmacht.
    Schön zgseh dases au sgegeteil vo mir git wo findet normali geburt isch schlimm gsi negst mol lieber ks.
  • @jara darfi froge was de denn erläbt hesch dases für dich sone negativ ischniedens erläbnis gsi isch?
  • @fuchs find das cool das de so devo überzügt bisch und hinter dinere entscheidig stohsch egal wer was gseit het finde das verdient e grossi portion respekt.
  • Leben und leben lassen. Schlussendlich muss jeder diese Entscheidung selbst treffen. Ich hatte einen geplanten KS (wegen BEL) und danach hat es lange gedauert bis die Narbe verheilt ist. Die 2. Geburt fing spontan an und ich verfluchte mich, dass ich keinen KS wollte (während den Wehen), endete danach aber wieder in einem KS. Das einzige was ich nicht nachvollziehen kann, sind Frauen, die das Geburtserlebnis über die Gesundheit ihres Kindes stellen, z.B. alleine in den Wald gebären gehen.
  • Gits das??? 😳
    Das isch verantwortigslos me ka jo nie sage wie geburt verlauft. Mindistens e Hebamme sött awesend si.
    Das kanni also au nit verstoh
  • Jep, das gibts. Kann man dann auch auf youtube bestaunen. Oder eben (geplante) Hausgeburten ohne Hebamme. Eine Bekannte von mir hat ihr Kind auch alleine bei sich bekommen.
  • Ich han nach minere erste über 20 sündige mit Wehemittel, PDA wo ned klappet hed und Suugglogge - Geburt, extrem Respekt vor de zweite Geburt gha und mier immer gseid ich wett denn en KS. Has aber de glich ned gmacht und s "Glück" denn gha vonere überstürzt Geburt, sprich 8.40 Tel in Spital, 9.20 uf de Abteilig, 9.40 Uhr isch sie uf de Welt gsi😏 vom eine "extrem" is andere. Was etzt agnehmer gsi isch chani ned mol säge🤷‍♀️ bi aber froh hani kein KS gmacht.

    Psychichisch belastend chan jedi Geburt sii, egal ob KS oder spontan Gebäre. Ich find au es sell jedi Frau selber entscheide was für sie stimmt.
    Verwütsche mich aber au ab und zue wieder wenni über gwüssi Gründ muess de Kopf schüttle🙄🤭
  • Jede wie er will aber nit wens baby gfördet wird das isch e no Go
    Huusgeburt isch sicher mega schön aber au nur mit lüüt vom fach es ka immer öbis passiere au wenn me e perfekti schwangerschaft ka het
  • @tanja87 han bi minere erste 17h gha mit pda und wehemittel.
    Bi de 2 hani müesse ileite willi en blasensprung gha han und nach 24h immer no kei wehe gha han
    Nach nur 1h isch alles scho verbie gsi. Für mich isch psychisch die erschti Geburt mega belastbar gsi, will min bueb e rechti komplikation gmacht het. So unterschiedlich chans sie😉
  • @susha ja isch scho spannend wie verschiede die Geburte sind und mer cha sich irgendwie no so guet welle druf Vorbereite, es chund doch meistens anders☺️
    Aber hoffe ihr sind all gsund und munter🌺
  • @tanja87 ja mir sind zum glück alli gsund. Er het sich vollkomme erholt devo und jetzt isches so als wer nie öpis gsi. Danke
  • @susha das freut mich😍
  • Eben, ich finde ein Wunschkaiserschnitt aus keinem Grund verwerflich, denn sie gefährden das Kindswohl nicht. Und von dem Standpunkt her, finde ich es absolut in Ordnung
  • je nachdem wie die wunde heilt kas problem bi witere schwangerschafte ge hätt ich no e kinderwunsch hätti zum bispiel jetzt problem nachem ks.
    Aber das sage einem därzt nit im vorhinein
  • Das ist doch genau der springende Punkt. Das Übel unserer Gesellschaft. Man wird kritisiert, überwacht, verglichen etc. Permanent dieser Druck, Alles richtig zu machen um in diese Gesellschaft zu passen.

    Wieso nicht einfach akzeptieren und aufhören zu Vergleichen oder Verbessern zu wollen?

    Jeder Schwangeren ist doch frei überlassen, ob sie eine Normalgeburt oder einen KS möchte, ob sie im Spital, Geburtshaus, Zuhause, im Wald, am Strand, in den Bergen, begleitet oder alleine entbinden will.

    Egal, ob man/frau nach Montesori, Old-School, Freestyle oder wie auch immer die Kinder erziehen will.

    Egal, ob das Baby die Brust oder den Schoppen bekommt.

    Egal, ob man/frau Stoffwindeln, keine Windeln, Wegwerfwindeln verwendet.

    Ich wünsche mir eine Zeit zurück (Zeit meiner Eltern z.B.), wo es diesen Druck nicht gab.

    Leben und leben lassen ☮️
  • Das isch scho immer so gsi au zu de ziit vo dine elter nur isch Thematik andersch gsi, dört isch no um scheidige um eleierziehendi müetter gstritte worde. No früher isches e unehelichs kind gsi de gsellschftlich druck gits scho sits mensche git.
    Ich schwimm au gern mol gege de strom aber e bits mensche verstand sött me scho besitze wenn me e baby ind dwelt setzt.
    Ich glaube nit dases e kind git wo seit danke mami das nit im spital gsi bisch zum gebäre und jetzt gstorbe bisch und mich elei zrugg lo hesch nur well dir wichtiger gsi isch es andersch zmache oder es git sicher au kei muetter wo stolz druf isch wenn si sowas macht wenns kind stecke blibt und stirbt.
    Läbe und läbe lo ja aber mit hirn bitte und nit sone glück liechtfertig ufs spiel setzte do kanni ganz klar sage nei findi scheisse und dodezue stohni au.
    Vor e paar johr isch do in basel e neugebornigs baby vorem junkhüsli im winter erfrore well dmuetter gmeint het si muess usem spital mitem kind und denn über dstross dört ine und hets baby eifach dusse lo das het nüt me mit muetterliebi und läbe und läbe lo ztue.
    Mit aller liebi peace und blüemli gits sache die macht me nit und irgendwo im nirgendwo go gebäre goht für mi unter sgliche wie die junkie muetter wo ihres kind sterbe lo het für droge
  • Ich finds sehr interessant wases alles für beweggründ gitt. Mir wür nie in sinn cho e person schlecht mache nur will sie en gwünschte KS gha het. Und au ich find mehr lebet inere welt mit zviel Vorurteil. Aber nichts destotrotz isch das es Forum womer Meinige chan ustusche, und nur will das mini Meinig isch, heisst das no lang nöd das ich e anderi nöd wür akzeptiere. Genau das machts doch spannend sofern mer alli fründlich und respektvoll zunenand sind✌
  • Het irgendwer öber schlecht gmacht wägeme ks?
  • Ich bin so eini wo sech e KS gwünscht hed. Mis Bebe hed mer no petz ghulfe bi de Entscheidig ond isch bes 2 Täg vor KS BEL gse.
    Ich han bi mim Diplom uf de Gyni gschafet ond han bi 3 KS ond 2 normal Geburte dörfe debi si. Ab den isch bi mer klar gse, wenn i mal darf es Chind uf dWält bringe, den met KS. Für mich hed das immer so gstumme ond hät mer nüd anders gwünscht.
    Ech be froh, chan hüt zu Tag jedi Frau sälber entscheide was för eim stimmt.
  • finde so pauschal-ussage vo wäge ä spontani geburts seigi s schönste überhaupt und mer verpassi süscht öpis rächt schwirig. nei, für mi ischs nüt schöns gsi und nei, i hetti nüt verpasst ohni. die zweit geburt git ä ks mit unterbindig. söll jede entscheide, wies für ihn stimmt. s erläbts sowiso jede andersch.
  • Das isch mis persönliche empfinde und mini geburte sind au nit alli liecht gsi. Aber das gfühl wo de nachere geburt hesch kasch nit miteme ks vergliche ich ha vor freut ghült bi jedem einzelne wos verbi gsi isch und ich bi so happy gsi, nachem ks het mir das gfühl gfehlt ich bi vo de narkose wach worde und ha müesse mi kind go sueche im erste moment hani nit mol gwüsst ob alles guet glofe isch oder obs nit überlebt het.
    Das gfühl kanni guet idüschle gege 48 std wehe.
    Freut mi natürlich au das soviel de ks positiv erläbt hend. Hauptsach isch immer das skind und mami das ganze guet überstönd.
  • I ha mini Tochter spontan chönnä uf d‘Wält bringä u äs isch happig gsii. I ha 3 Tag lang immer wieder Wehe kha, nüm gschlafä. De im Spital hani ä PDA verlangt u ab den isch äs ringer gangä, ha mi no chli chönnä erholä u Chraft tankä u wo de Presswehe losgangä si, ischs ufzmal schnäll gangä. I bi so erliechteret, überglücklich u ou chli stolz uf mi gsii.
    I bi froh ischs natürlich gangä, für mi wär ä Kaiserschnitt numä in Frag cho, wes medizinisch notwendig gsii wär.
    Das isch eifach das was ig für mi persönlich ha wellä.
    Was anderi machä isch ihres Ding u i verurteilä niemerd.
    Wichtig isch eifach ds Wohl vom Chind
  • Plante KS gha mitm 1. CHIND ufgrund BEL. Huet nach 3.5 Moenet bini froh hets so müsse sie und d Narbe isch fast nuem ume und so guet gheilt. D Schmerze schnell eweg und e tolli Geburt erlebt 😎
  • Ich han au vor glück ghület woner usegno worde esch und de erst schrei abgla hät. Crazymum du hesch enere usnahme situation en ks gha und da esch wie en notkaiserschnitt ned zvergliche.
    Bem plante got alles langsam, humorvoll und vorsichtug vo statte. Ich han so es super team gha und en meeeeega lustige Anästhesischt. Hätti min sohn direkt uf brust becho, aber habe den lieber mim maa gä, welimi no so unsicher gfühlt han.
    Womer de de kreislauf versagt hät bem zämmenähie het de Anästhesischt sofort igriffe und mer was gä ubd die gabzi ziit met mer gredet. Er esch de sogar 2 tag später na verbii cho ubd het eus em zimmer bsuecht :-)
    Händ werkli es meeega team gha ubd schöner hättimers ned chöne vorstelle.
    „Ich han“ lachend und ubd fröhlich min sohn ufd welt bracht und ohni schnerze und geschrei 😂😂😂 so hanimer das emmer vorgstellt und gwünscht
  • @fuchs findi schö. Ich ha ebe au ufgrund bel e plante KS gha und wunderschoeni Geburt erlebt...mit vielne nette Gsichter wo mi ufgstellt hend willi Angst gha ha und trotz minre Angst het alles schö klappet. Ich ha eifach drunder glitte will ich Sie ned richtig z Gsicht becho ha aber da isch au mitm Baby Blues alles zeme cho 😐
  • Ja schad hend sie sie der ned rechtig zeigt. Wenns am baby guet gaht söttisis eigentöich immer direkt zum bonding gä 🤷‍♀️🤷‍♀️🤷‍♀️
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland