Kinder Name

Was hend ehr euchne Chind für Näme gäh und gitz eh Grund wieso sie de Name hend ??

Kommentare

  • Min mah chunt vo Kurdistan und natürlich hät er au en Kurdische Name welle 🤷 jedoch muess er au guet usspräche si da ide schwiiz und au schön tönä ... 🤔 da gits ned viel uswahl wo mir gfalle händ ... und ufs mal isch de Name Helin uftaucht 💕 er bedüted die geborgene und isch schön für es chlises frächs Mäitli oder au für eh fiiini Frau ... also fräch isch sie jetzt scho 🤗 er passt eifacht perfekt💕
  • Schön hed Au eh svhöni bedütig 😍👍
  • Mini 1. Tochter heisst Carolin min Fründ hed eh Name Met C Welle als Andenken ah sin verstorbene Kolleg und die 2. Tochter werd Alissia Raphaela heisse Alissia well ich Set minere Chindheit de Name ih mim Chopf ha han mal es Bäbi von mehr so genannt und keine weiss wie ich uf de Name cho be aber er begleitet mich Set den und Raphaela well min fründ Raphael heisst und er sich au hed welle verewige be ehrem Name.
  • Ich ha siamesischi Zwillingsmeitli (hend problemlos chönne trennt werde)...zudem hani als Thai immr Problem mit mim Name, daher hemmer beschlosse daser glich lang muess sii und öpis wo mer nöd falsch cha usspreche oder lese (Lina Tammy & Lisa Pinny)...so unterscheidet sie sich nur durch 1 Buechstabe jnd de 2. Name (Tammy wiiblichi form vom Papis Name und Pinny de Spitzname vo mir)
  • Au cooli Idee
  • @Pinny oh so eh cooli idee nur scho bi zwillinge aber da sie ja sogar zämme gsi sind isch es no spezieller ..
    Derfi froge wo sie de zämmegwachse gsi sind und wie isch es für dich als mami gsi ?
  • Min grosse heist Leon wird etzt 9 ni, hemmer usegsuecht will er churz und international und schön isch. Mittlerweile ghört mer ne sehr viel😅 und die Chliini heisst Liah Fey. Hemmer gluegt daser zum Leon passt. Hend au gern churzi Näme ide Hoffnig das sie weniger "versaut" werdid ☺️
  • @JennyHelin Me hets früehner usegnoh damit kei Organ zemmewachsed :) daher nur bide füessli...
    Es isch die absolut schlimmsti Schwangerschaft überhaupt gsi - uf emotionaler Basis: Bi allei gsi(kei familie oder fründe ide nöchi und de Ex im Militär)...d ärzt hend mer scho ide 13.Ssw gseit das mind. 1 Baby stirbt...wenn nöd beidi...gad vo de 13.ssw us nüm meh wie 5kg lupfe, all 2-3h mal anesitze (das chasch als Köchin vergesse)...dezue bini erst vor kurzem in Behandlig gsi wege schwere Depressione....

    😅🙈also mini Schwangerschaft isch absolut scheisse gsi...aber mini 2 Meitle sinds absolut Beste i mim lebe ❤️
  • Oh Gott so eh Schwangerschaft wünschi niemertem aber Es freut mii das es beidi geschafft hend und jetzt eh glücklichi Chindheit chöne ha
  • @Pinny ❤❤❤❤❤ du bisch so starch ❤❤❤❤❤ wünsch euch nur sbeschti 💕 frauen Power 💕
  • @Heart & @JennyHelin danke ❤️

    Jahh deswege hani angst devor nomol schwanger z werde 🙈schiiints ischs so, dass wennme siamesischi gha het...denn gits ziemli sicher nomol meh wie 1...und 4 kinder oder mehh 🙈findi chli z viel...3 fändi guet...aber chamer sich leider nöd ussueche...
  • @Pinny wie alt si de jetzt die 2i ❤ ?

    Ja sust wenn der wunsch da isch den chasch es ja de wenn en liebe Mah hesch nomal probiere 💕 vorallem mitem Thai tempramänt 👌🤣 bringsch de sicher nomal 2i anä
  • @JennyHelin
    Mini kliine werdet mitti November 2-jährig🙈also en liebe Maa heti scho...🤣aber es isch no chlii z früeh (mach dir e PN - isch chli z privat)
  • unsere heissen Jaro und Moya. und unser drittes Wunder ist zurzeit noch namenlos. falls ihr einen passenden vorschlag hättet? 😉
  • Eusi 1. Heisst michelle miriam ich ha mini bäbies früher immer michelle gnennt dä name isch blibe
    Die 2. Heisst salome franziska de klang vo salome het mir sehr guet gfalle
    Euse gross heisst yannick julian yannick well de uf anhib allne gfalle het und julian hend mädels bestumme und euses nästhäckchen heisst silas aramis well me das fast nirgens hört.

Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland