Erbrechen nach MM

ally

Liebe fraue

Mini chlii muus erbrichg immer nach 10 minute nachem stille alles wieder. Imne rechte strahl...

Was chan s problem si?
Mir leged si extra scho uf d siiite aber trzdm😬

igeli

Oo ally ich lise gern mit es gaht mer glich mumi bricht sie sofort und d pumi ohaltet sie ohni problem😳

Juli88

Dummi frog, aber Görpsle duet sii? 😌
Also i ha gmerkt, dass mini eher Erbricht, wenn sie ned rechtig het chöne Görpsle oder ich nachene grad neumeds here muess und sie ned no bizli in Rueh chan liege.
Mini Hebamme het au no gseit, dass es mängisch nach meh usgseht, als es effektiv isch. Solang sie trotzdem guet zuenimmt, muess mer sich ned gross Sorge mache.

igeli

Also be mir görpst si wie e grossi🙈🙈

LoSo

mini het au immer erbroche und zwar richtig vil.
Plaged sis den?
Wenn si ke schmerze debi het und sis ned gross stört und si natürli normal zuenimmt würi nüt mache 🤷🏽‍♀️

Ech han minere amigs es nuschii agleid als ganzkörper abdekig 🤣

ally

Nai si het na nie görpsled, aber au vorher nie erbroche. D hebi meint görpsle söll si nur nachem shoppe

SHAYENNE

Mir händ immer Görpsli gmacht und voll gstillt. Eifach das kei Luft im Buch isch wo sie den chönti plage. Nöd nur bim Schoppe schluckets Luft mit. S’Chind erst nach 20 min ablege oder de Oberkörper erhöhe bim ablege. Oder sie het z’viel trunke das sie erbricht