Trauma-Geburt

allyally

52

bearbeitet 22. Oktober, 07:52 in Geburt
Liebe fraue

Wie hend ihr euri geburt gha? Und wenns e schlimmi/strengi gsi ish, hender kes probelm gha für e nögst kind uf d welt z bringe?
Ich han e relativ ischniidendi geburt gha, ha sehr angst es zweits mal so öppis müSse erlebe, het aber gern 3 kind 🧒

Kommentare

  • Hoi @ally
    Mini ersti Geburt isch wahnsinnig streng, lang und intensiv gsi. Ich Han mier denn au vor de 2. Geburt wahnsinnig Sorge gmacht dases wieder eso wird laufe. Han richtig Angst gha. Ha das aber vorgängig immer wieder bi de Hebamme und de Gyni agsproche und Gspröch gfüehrt, wo mer denn d Angst chli gnoh hed... Es isch sicher ned eifach nachdem mer so en Traumatischi Geburt gha hed völlig glasse drahi z gah.. Aber die zweiti isch denn sehr guet und schnell gange (30 Minute im Spital gsi). Red über dini Ängst, das wird der zumindest es bitz helfe. Vlt hed der es anders Mami no besser Tipps😉👍
  • Liebi Ally
    Bi de erschte Geburt hani 17h gha,dank PDA au guet erträglich gsi. Es hett nie azriche für komplikatione hä. Denn wo min Bueb endlichvuf de welt gsi isch, hettmer e chlini schürfig a sim chopf gseh, danach sind diversi untersüech gloffe und min bueb het ufd neo müesse willer e schädelfraktur gha het. Han sehr lang demit kämpfe gha und mir det gschwore dasi bim nöchschte chind en ks mache wird! 2jahr spöter hani mi namal ganz intensiv mit dem thema beschäftigt und für mich entschiede ich wotts namal natürlich probiere, da mir kein arzt het chöne sege a was dases glege isch und das das sehr selte isch. Han sogar min FA gwechslet da sie unbedingt en KS het welle mache. Au deswege da ich mis Becki mittels MRI han ussmesse lah han unds luut mässige a einere stell minim eng segi. Han den mitem neue FA und allne andere Beteiligte mitteilt, das wenns nur es chlises azeiche vo komplikatione gäb,dasmer den en ks machi. Schlussendlich isch alles anders cho🤪
    Han nach ET 10 zwungernemasse müesse ileite willi nach 24h nachem blasesprung kei wehe übercho han. (Das woni eigentlich uf kein fall han welle) zuesätzlich no ungeplant imene andere spital wills geplante zudem ziitpunkt volle gsi isch🙈
    Aber schlussendlich isch alles super gloffe und nach nur 1h heftige wehe isch euse 2ti bueb gsund und munter ufd welt cho. Het nöd besser chöne laufe😊
    Sorry isch chli lang worde, aber wott demit nur sege nichts isch unmöglich und meistens bim 2te eifacher/schneller.
    Du wirsch scho din weg finde
  • Mir hets ghulfe, d Geburt nomal mitere Hebamme us dem Spital 1:1 duredsgah und mir la ds erkläre warum die Geburt so verloffe isch. Bir zweite hani denn so glich entschide uf natürlichem Wäg ds probiere und ha i mim Dossier vermerkt gha, dases grad ä KS söll gä wenn Komplikatione ufträtte. Würd dir sones Gspräch sehr ads Härz lege. Mir hets ghulfe mit dr schwierige und lange Geburt abzschliesse. Ds zweite isch de 5 Stund nach Blasesprung da gsi.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland