Durchschlafen👶🏼😴

Hallo liebi mamis 🤗
Ab wenn hend eui chind durregschlafe 🙈 viellicht händ ihr au irgendwelchi tipps zum thema.
Muess amigs bis zu 7mal ufstah ih de nacht, zerrt mengisch scho ah de nerve für de tag, wie sind ihr mit de schlaflose nächt klar cho? 😴 Lg

Kommentare

  • Min sohn esch jetzt 3 1/2 ond hed villicht öpe 10 mol dörepfuused....das ech nid moss ufstoh schloft är i sim bett wo grad a mim stoht...gloube anderst wär ech es Zombie 🧟‍♀️
  • @sandra8 wie alt isch dis Kind? Bis 4 Jöhrig seit me ischs eigentli normal das äs Kind nöd dureschloft, es git Kind wo das machet aber es isch eher weniger. Es ligt i de Natur vom Kind und viel Mamis flunkeret au bitz was das Thema a goht 🙄😂 gits dMöglichkeit im gliche Zimmer zschlofä? Mini wird pro Nacht ca 7x gstillt, immer Phasewis mol me mol weniger. Aber er schloft bi mir, so ischs überhaupt nöd müehsam 😊 mache alles im Halbschlof.
  • Also bi üs isches grad s gägeteil, üsi isch jetzt 3 mönet alt und schlaft sitem 2 monet 10-12 Stund dure, ich weck sie de glich willi immer angst ha das dass scho grad chli viel isch und so lang ohni flüssigkeit, vorallem will sie e schlächti trinkerin isch.
    Aber d ärzt meinet trotzdem jedesmal söll sie so lang la schlafe und nur am Tag lah trinke.....
  • Also mini isch es ahfängerbaby( jetzt de 10mönät )
    Und schlaft sit sie 3 mönät alt isch durrä ... vorher isch sie 1x ide Nacht cho ...
    Aber wehe wenn sie am Zahne isch de bin ichs mer gar ned gwöhnt wenn sie de ide nacht paar mal wach wird 🤣
  • Min chliine mah isch 5mönet und er het eifach so en unruhige schlaf, wo mer ih de ferie im süde gsie sind het er hammer gschlafe aber isch au seinzige mal gsie 😂 und halt au de tag durre will er nie schlafe er wehrt sich brutal degege 🙈 chönt ja was verpasse 😂was für ein selber au nöd grad eifacher macht zum chli zur rueh cho 😴 ja di lieben kleinen, mal luege wie langs bi eus durred bis er durre schlaft oder mer wenigstens chli meh zur rueh chömed ih de nacht☺️
  • Ech han zwoi ganz hartnäckigi Exemplar (gha). Bis zo 10 x uf i de Nacht. Be mim Sohn heds nach 2.5 Jahr afah bessere und be de Tochter jetzt met 18 Mönet (also ech muess emmer no uf be ehre, aber nömme 10 x)
  • Soo unterschiedlich die chline 😍💕 aber da isch de bescht Job uf der Wält 💟
  • Eusi wird bald 9 Monet und sie chund au 1-3x ide Nacht. Oft brucht sie nur d Nöchi und pfuuset de wieder. Mängisch weiss ich ned mal me wenn, wie viel und warum sie ide Nacht chund😂🤷‍♀️ passiert so oft im Halbschlaf dasis am Morge nümm cha säge 😅 sie isch au bi eus am schlafe👍
  • Unsi glai isch 4 Monet alt und sie het eigendli immer guet gschloofe und ha nume ei mol miesse uf in dr nacht. Jez het sie e phase ka wo sie alli 3h ko isch und aktuell muessi zwar wieder nume 1x ufstoh, drfyr bini denn teilwyys 2h wach will sie nym schloofe will. Duregschloofe het sie bis jez 2x, het mi gfreut abr isch glaub eifach e glückssach gsy😉
    Ich bi mol gspannt wie lang dass es so unkonstant isch und hoff dass es wieder zum normale zrugg goht wie am afang.

    Am Daag will sie so guet wie nyd me schloofe... und isch dementsprechend „guet“ gluunt🙄🤪
  • Mine isch 3 Mönet und het scho mit 2 Wuche 6 stund gschlofe. Jetzt schloft er mengisch scho 7.
    Ich denke dasses Glück isch. Aber es isch sicher förderlich, am Obig ruhigi Atmosphäre, warte mit is Bett goh bis es schloft, aber vorher nomol richtig viel stille, denn is Beistellbett und sobalds ufwacht ( vo Vorteil wennt en liechte Schlof hesch ) sofort im liege stille, denn schlofts grad wieder ih.
    Und de Tag dure beschäftige, dasses denn au müed isch ide Nacht 😁😁😁 Irgendwenn isch de Schlof stärker!

    Eimol hani en gschöppelet über d Nacht, zum mol luege wies so isch. 😇 Bis i de Schoppe gmacht gha han isch er hellwach gsi, und isch denn immer wieder ufgwacht, er het wohl gmeint es isch jetz Tag will i ufgstande bin und ihn useglupft han etc... Respekt a alli Müetere wo das jedi Nacht müend..... 🤯
  • Die euter het mit 8 wuche scho düregschlofä die chliner ou mit 3mönet
    Die grösser isch sit de geburt vor chline ir nacht wach bi de id osteo.. het super guufe!! D hebamme het gseit gha si heig sehr säute so ching 🤷🏼‍♀️
  • Ich ha zwei Kind de erscht hät mit 5Wuche und de chliner hät mit eis. Ich glaub viel mache Chamer da nöd. Isch jedes anderscht. Kopf hoch.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland