Hat jemand lange geübt?

Hallo zusammen
Ich bin nicht schwanger, trotzdem nehmen mich eure Erfahrungen wunder. Wir üben nun seit bald 2 Jahren leider erfolglos. Bei uns ist alles ok. Trotzdem klappt es nicht. Ich würde nun gerne von euch wissen, bei wem hat es länger gedauert bis es geklappt hat? Was habt ihr unternommen? Habt ihr irgendwelche Tipps? Habt ihr nun trotzdem mehrere Kinder? Freue mich über jede Geschichte die mir Mut machen könnte.
Liebe Grüsse
Minggi

Kommentare

  • Hallo @minggi meine Schwester hatte es so ähnlich. Sie hat dann ihr 1. Kind mit Befruchtung bekommen und beim zweiten weil sie sich überhaupt keine Gedanken mehr gemacht hat, wurde sie so schwanger und das unmittelbar nach der Entbindung 😂 stresst du dich zu sehr? Ernährst du dich gesund? Rauchst du nicht? Alles Sachen die vielleicht helfen. Bist du schon mal in eine Kinderwunschklinik gegangen? Da kann man auch hin ohne gleich über künstliche Befruchtung zu reden. Die können da einem oft besser helfen als der Gynäkologe.
  • Hallo Moonpie87

    Danke für deine Antwort. Wir sind nichtraucher und leben eigentlich recht gesund. Waren schon in der Kinderwunschklinik. Alles getestet ohne Ergebniss. Ebenfalls schon ein Zyklus mit Hormonspritzen gemacht... erfolglos. Der nächste Schritt wäre eine Insemination. Für das bin ich aber irgendwie noch nicht bereit. Wir sind beide auch beim Kinesiologen um psychische Blockaden aufzulösen... im Moment sind wir aber irgendwie einfach nur ratlos, enttäuscht, traurig, verzweifelt...
  • @minggi oh ich denke ich kann dich gut verstehen, es macht einem traurig. Bei euch scheint alles zu stimmen 🙄 ich hoffe für euch es klappt auf welchem Weg auch immer und wenn es die Insemination ist, weisst du es ist nicht einfach aber einfacher als ständig zu bangen und immer wieder enttäuscht zu werden. Habt ihr die Möglichkeit eine längere Zeit zu reisen? Oft ist man da so abgelenkt dass es klappt. Ich denke viel mehr als ihr gemacht habt, geht fast nicht. Meine Schwester fand die Insemination nicht so witzig, man muss sich wirklich bewusst sein das man diesen Schritt gehen möchte aber sie sagt auch, wenn es dann klappt fragst du dich warum du so lange damit gewartet hast...es lohnt sich allemal. Vielleicht nimmt dir das ein wenig die Zweifel, Angst oder welche Emotion du auch hast 😊🍀🍀
  • Hallo, hast du denn einen sehr unregelmässigen Zyklus? Kennst du das AVA Armband? Das hat schon bei vielen geholfen, gerade wenn der Zyklus nicht so genau ist oder auch weil viele die fruchtbaren Tage gar nicht (er)kennen.
  • Hallo wtpooh
    Nein meim Zyklus ist sehr regelmässig immer zw. 26-29 tagen. Das Ava Armband habe ich nu seit ca 6 Zyklen. Intressant zu sehen wieder körper funktioniert. Jedoch finde ich ist es eher kontraproduktiv was das entspannt sein angeht🙈
  • Hallo @minggiMeine Schwägerin ist auch in der gleichen Situation wie du, sie probiert es mit der Homöopathie. Sie ist dadurch viel ruhiger und gelassener geworden. (Schwanger ist sie leider NOCH nicht)
    Ich empfehle immer Frauenmantel Urtinktur und Mönchspfeffer. (Ich bin überzeugt dass es mir geholfen hat. Hatte ein Windei und einen frühen Abgang.) weiss auch von Kolleginnen das ihnen die Urtinktur geholfen hat. Wünsche dir von Herzen noch viel Geduld und gib die Hoffnung nicht auf.
  • Wen vom körper her aues ok isch, seit mi fa de liegts ah zwenig sex... mach mau 1 zyklus ab em 5-6 zyklustag au 2-3 tag sex ds ha! Bis sicher 3-4 tag nachem ES.. meistens liegt ds problem darin, dass me zum fausche zytpunkt duet.. osteo oder akupunkt chönnt ou häufe vorallem zum luege öb blockade ihe lws hesch! Gloub bim 6 oder 7 lendewirbel söts keni blockade ha süsch wirsch ou nid schwanger! Wen de ufem stuhl hocksch, bei müglichst nid verchrüze sondern eher offe da hocke.. süsch gisch am körper ds gfühl vo zue mache.. si aues so chlini sächeli wo u viu chöi bewürke!
  • Hoi @minggi, oje die Situation ist echt mühsam... bei uns hat es auch erst nach über einem Jahr funktioniert. Hormonspritze hatten nichts gebracht, erst bei der Hormonpumpe (GnrH), welche alle 90 Minuten spritzt. Habt ihr das schon versucht? Bei uns hat dies sofort funktioniert...!
  • Hallo @minggi
    Ich kenne die Situation au es bizeli.... Mir hends 1 Jahr Probiert und es het eifach nöd klappt... Den hani min FA gwechselt (die het immer gseit seg alles guet) und bin zunere andere gange. Die het den en abstrich gmacht und het den zu mir gmeint, dass mini Scheideflora sehr übersürt segi und Spermium dur das nöd chan überlebe... Sie het mir den so Vaginalzäpfli geh die ich 1 Wuche lang jede Abig han müese ine tue zum Flora wieder neutralisiere und tadaa genau i dem Monet bini Schwanger worde 😊... chan ab und zue nur a öppis ganz chlinem ligge au wenn de FA meint seg alles guet sust....

  • Hallo zusammen

    Vielen Dank für eure vielen Ratschläge. Leider wieder ein erfolgloser Monat vorbei.... Mönchspfeffer weiss ich nicht ob ich das probieren sollte wenn doch mit meinem Zyklus alles stimmt. Oder hat dies jemand gemacht obwohl alles OK war? An zu wenig Sex kann es nicht liegen, wir üben fleissig und dank Ava auch ziemlich genau. Dem FA wechseln weiss ich nicht ob das etwas bringt, habe ja mit der Kiwuklinik schon 2 Meinungen. Ich habe mich nun fürs Kinderwunschcoaching angemeldet, sie macht mich zwar nicht schwanger, hilft mir aber hoffentlich besser damit umzugehen :(
  • Es git ou so gleitmittel wo helfe optimali bedingige für d sperma herstelle! Zudem würdi eifach ab dr zwöite zyklushäufti frouemantel tee trinke, ds hilft bir ihnistig! Mönchspfeffer isch es zwöi schnidigs schwärt, es cha ou de ES verhindere! Hesch de scho mau mit tempi messe versuchet? Auso hesch ä hochlag ihr zwöite helfti wo lenger wie 10 tag isch?
  • Frauemantel hani scho testet. Gleitmittel chönnti nu usprobiere. Ja tempi missi immer umd hochlag isch immer optimal...
  • Warum machet ihr nid no es paar zykle mit hormontherapie? Mir sind au dank denä 2x schwanger worde. Bim erschte mol hets aber 3 versüech brucht.
  • Hm das mit dene Hormontherapie bini chli unschlüssig, wenn keis problem vorliegt isch d chancä nid grösser weder normal. Ich dänk mr würdet den grad zur insemination gah. Mit aber fast enere stund ahfahrtswäg isch das alles sehr müehsam... hm mal luägä sind im momänt sehr unschlüssig und eig nime würklich motiviert...
  • Hi Minggi
    Mir hei für s'erschtä Ching 2.5 Jahr brucht. Mi Zyklus isch ä katastrophä gsi u Spermaqualität vo mim Ma ou nid top. Ig ha mi scho drmit abgfundä dass mir chinderlos blibä und mi uf angers konzentriert. U plötzlich hani gmerkt dass ig schwanger bi. Bim zwöitä wider äs Jahr brucht. Wider genau glich. Ha mi drmit abgfundä dass es bi eim Ching blibt. Churz druf abä wider schwanger. Bi beidnä uf ganz natürlichi Art.
    Drückä euch fest Dümä dasses gli klappet.
  • Het öper vo eu Erfahrig mit Künstliche Befruchtig? I han e Fründin wo scho 3 erfolglosi Versüech gha het und sie wür sich gern ustusche.
  • Hallo Minggi
    I ha au unbedingt welle schwanger werde und hami recht druf verstieft,klappe hets nöd welle. Denn hät mir e Homöopathin Pulsatilla Globuli vo Similasan empfohle. Und genau i däm Zyklus wonis serst Mol gnoh ha häts gad klapped. Bi zwar i dem Zyklus au no allgemein entspanntee gsi und ha nomel gfeschted und afach sLäbe wiedermol gnosse aber i bi überzoge devo dass diä Chügeli mitgholfe hend. Vilicht helfeds dir au. Und so Eisprungurintests hani au mol no gmacht. Diä hend mir afach no e guets Gfühl geh wili gwüsst ha etz chönnts klappe wili de Eisprung ha. Do wos klapped hät hani aber dä nöd gmacht.
  • Mit hend au 2 Jahre probiert. Denn hani Mönchspfeffer igno. Findsch ide Apothek. Und bi im erste zyklus schwanger worde
  • Mir hend 5johr gwarte uf erste schlussendlich noch x insemiatione und am schlüss künstlich hets klappet🙏 mer hend noxh zwei johr mit hormon also insemination ahgfange drum seg ich emel wartet nôd zlang es wird nid besser leider😩
  • Das wichtigste ist,gib einfach nicht auf.
    Wir mussten auch einen etwas anderen Weg gehen und sind dann in Alicante gelandet.Bei uns war es aber klar,es liegt an mir. Aber egal.Unser kleines Wunder ist heute 4Monate alt. Brauchten aber mehrere Anläufe.
  • Was isch i der Kiwu-Teschtet worde? Hesch z.B. ä Lapraskopie gmacht, sind Eileiter durch lässig usw.
    Schliässe mich der Minifee a, wartet nit zlang, hent mit allem fascht 6Jahr ka und bereuhes das nit schnäller gwissi schritt gmacht ha. Schluss und endlich isch es wurscht was für ä Wäg nur Ziel isch wichtig.
  • Spermiogramm isch gmacht wordä. Bluettests bi mier und bim partner. Diversi Ultraschalls usw. Eileiterdurchlässigkeit isch ai gmacht wordä. Lapraskopie nid, isch ja en OP und bis jetzt hets kei grund gäh das z machä...
  • Hat man bei euch eine ursache gefunden oder war auch alles ok?
  • Mir isch 4 Jahr gseit worde bi ihne isch alles güät, ha den Klinik gwächslet. Diä hent gseit ohni Lapro meche wir kei Behandlig und was isch führe cho Endo. Endo ka dä Ufbau vo der Schlimmhut hemme oder eu das än Innistig ka statt finde usw.
  • Hm ojee... verunsicheret mich jetzt scho. Eig vertruwt mä ja dä Klinik und dä Ärzt das sii wüsset was sii machet und säget. Cha mich mim gedanke irgendwiä nu nid ahfründe künstlich eppis z machä... aber dänkä das miär den das im frischä jahr wärdet startä mit inseminatione. Im momänt brüchemer glaib wieder mal chli ziit für üsi beziähig...
  • I han au alles müesse mache und etlichi zyklus abwarte u luege was got bis de ursach gfunde worde isch. Es brucht eifach eeextrem viel ziit u Geduld. Und jo i bereues au uf ei art das mer zlang a dere inseminatione umedoktoret hend und nid selber entschiede hend sonder zfest uf ärzt glose🤦‍♀️
    Und vo wege künstlich also insemination isch überhaupt nix künstlich ussert das Spermie nid dur gebärmuetter müend sondern nart vor Ei gsetzt werdet😬 aber jo schlussendlich mues es jede für sich selber entscheide😊
  • @minggi bi eus isch eigentlich au alles guet gsi und es het ja nöd klappet. D hormon hend ihri impuls nöd richtig gschickt, vermuetli e folg vo de Pille... aber ebe mit dere behandlig wie obe erwähnt, hets den sofort klappet. Chasch es ja mal im kiwu oder im coaching aspreche... viel erfolg wiiterhin!
  • @minggi vowo bisch du? I ha nö lang möse üebe ca e Johr. Bin denn mol zunere Häx gange 🤣 und sihe da äs häd grad im nöchste Zyklus ihgschlage. 😅
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland