Geschenke Weihnachten und Geburtstag?

JennyHelin

Mini chli wird im Januar 1 😥 wie die ziit gaht ..
Aber zerscht chömed na dwiehnachte.. also was schänkt mer 🤷‍♀️ bin so anere Toniebox am dänke ... sie liebt musik aber bin mir ned sicher ... was händ ihr euch so gwünscht für das alter ? Dfamilie isch gross und jede frogt was sie na brucht oder wott 🤷‍♀️🤔

stärn

Euse sohn werd im dezember jährig ond stelled eus die glich frog. Hend jezt ide famili gseid daser nüd brucht. Är hed am meischte freud a eusem hackhouzchessu 😊 i und us rume. 🙈 Mer hend gseid sie seled doch verbie cho cho chueche ässe ond wenn mer öbbis onderem johr chönd bruche düend mer das gärn denne säge. Öbbis schänke das er öbbis hed wöu mer das haut macht fende mer persöndlech ned so das, aber das esch eusi meinig. Ziit esch ehh s beschte gschänk.

Tanja87

Mier sammmlid eifach Geld für en Veloahänger👍 eifach für die wo unbedingt öbbis möchtid schenke😉

livjona

- Bobby Car
- Schaukelpferd
- Motorikspielzeug
- Lauflernwagen
- Musik/Klangbücher
- Stapelturm aus Karton
- Holz Musikinstrumente
- 3 in 1 Scooter/Trotti
- Bäbi/Puppe klein
- Duplo

Moonpie87

Lernturm die si no tüür aber super 👍

Snuggles

Mini isch au erstgrad 1 worde und s beliebtischte gschänk isch definitiv d tonibox, stellt sie am morge als ersts selbständig ih und au wenn mer haichömed isch das s erste wosi macht also bi eus het sichs glohnt. Aja und wimmelbücher, duplo und es Xylophon het sie no übercho wo sie freud dra het.
Und seg am beste das bitte niemert söll plüschtier mitbringe🙈 bi ihrem geburi und vode kollegin de bueb hend sooo viel plüschtier wieder übercho wo nur im egge lieged😅😂

JennyHelin

Also sicher Toniebox muess häre 👌🤣 und en Bobbycar ( wird vom götti na personalisiert ) und wasi na gfunde ha isch BabyEinstein Piano ... isch us Holz und mer chans rächt lang benutze ... später lernt mer demit farbe...

mischmiisch

Üsi het under anderem au es Bäbi ufe erste Geburtstag becho und sie liebt es. Sie duets schätzele, geht kössli und schleikt es überall mit. Sogar füettere wett sie es mit ihrem Löffeli oder bietet im Baby söscht z'Ässe ah 😅
Stofftierli interessiere sie deför gleich Null.