Tagesmutter Kosten Aargau?

Any

Was kostet ca 2 kind im Alter vo knapp 2 und 3 1/2 für 1 tag i de wuchä?
Für jeweils 8 stund.

Chan mir da öber öbe sege mit wasi rechnä mu?

Thea

Ich zahle pro Tag für es 8 monatigs Baby CHF 150 pro Tag (Kanton Züri), allerdings inere Chrippe und für 12h (also, so lang chönt ich sie deht la, machi aber nie). Ab 24Mt. wirds bi eus günstiger. Ich dänke, so um di 200 muesch scho rächne bi 2 Chind und 8h. Chans der aber au nöd gnau säge, chunt sicher au drufah, öbs binere Tagesmueter oder i de Chrippe lahsch.

Moonpie87

Tagesmueter isch dütlich günstiger als ä Kita. Suech dir eini bi Babysitting24.ch oder Care.com...meistens chasch au rede mitne über de Pris und sie sind flexiebler.

mischmiisch

Ech fende ned, das en Tagesmami unbedingt günstiger esch, ämu bi eus i de Umgäbig..
P.s. han au eini welle uf Babysitting24 welle sueche. Damit aber Nachrichte chansch verschicke und erhalte/läse, muesch es kostepflichtigs Abo löse, als Info.

Heart

Also es chont echli uf Tagesmuetter druf ah aber so zwüsche 15-25 fr ih de stund muesch scho rächne da ha ich derfahrig gmacht weiss ned obs günstiger wird wenn beidi schickisch aber ja muesch halt luege

CMND

Ich ha bis jetzt au e Tagesmueter gha. Han 10.-/ h und pro Kind zahlt. Exklusiv ässe. Wächsle jetzt i Kita der Zahl ich für min chlinere 95.- pro Tag und für de grösser 5.-/ h. Ässe Isch bim grosse natürlich zusätzlich. Er Isch so günstig will er scho in Kindergarte gat. Mir wohnet au im Kanton Aargau. Tagesmutter Isch halt vo de ziite her flexibler als Kita.

Salvador

hoi! das hanget im aargau ziemli stark vom iikomme ab, will d'tagesfamilie-organisatione (z.b. über kibesuisse oder e regionale verein) meischtens iikommens-abhängig verrechne. grob würd ich öppe mit 8 bis 12 stutz pro stund und chind rechne, aber frög am beschte direkt bi de organisation vor ort nache, die gänd der e genaui tabelle.

und no öppis wo viili vergässe: wennd öpert privat aastellsch statt über e organisation, denn bisch du arbeitgeberin und muesch ahv abrechne und sie unfallversichere. also nöd nur de stundeloh aaluege, sondern die sozialabgabe glich mitiiplane. mir hend das mit clino gregelt wos um die anmeldig gange isch, aber das chasch zur not au sälber bi de ausgleichskasse mache.