Milchmenge steigern

halloechen

Habt ihr Tipps, wie ich die Milchmenge steigern kann? Ich pumpe ab und lege 2x am Tag an. Doch langsam braucht meine Tochter mehr Milch wie ich habe.
Was für Tipps habt ihr? Stilltee mag ich nicht.

JennyHelin

Rivella hät bi mir megga gwürkt ..

halloechen

Ah scho. Denn probieri das mol.
Wieviel me hets ge bi dir?

Miette

Anschinend soll ovo no hälfe & alkoholfriis bier (träber & malz)😂. Bi aktuell nu schwanger, chas also nit bestätige obs funktioniert 😊

mischmiisch

bockshornkleekapseln helft au 😊

halloechen

Danke. Chasch mir sege um wieviel?

Moonpie87

Alles was du a Nahrig nimsch het kei Ifluss druf (dMilch wird vo dim Blzet produziert) ...das isch wüsseschaftlich bewiese ussert Bockshornkleekaplse aber die cha me nöd eifach so nä, viel reagiere allergisch druf. Mit Vorsicht also! Milchmängi erhöhe chasch vorallem mit Stille, Stille und no me Stille. Es git immer Phasene wo dis Kind mol me und mol weniger Milch brucht. Am beschte isch denn vermehrts alegge und im Normalfall produziert din Körper nach ca 3 Tag me Milch. Abpumpe isch nöd so effektiv wie Stille, wenn du aber nöd me als 2x chasch stille, sötsch sicher all 2 Std abpumpe um dini Milchmängi zerhöhe 😊

Moonpie87

*Bluet

mischmiisch

Also bi de Bockshornkleekaplse weissi ned, wie vell Milch es geht. Hans nie gnoh. Aber allgemein chan ech mich de Moonpie87 ahschlüsse. Je meh ah de Brust trunke wird oder du abpumsch, desto meh Milch wird produziert.

SHAYENNE

Kei Stress. Mach dir kei Druck, nimms so wies isch. Gönn dir öpis guets. De Chopf spielt e grossi Rolle bim stille.
Und guet ässe/viel Kohlehydrate. De Körper brucht zum Milch bilde viel Energie. Mini Hebamme het mir dazumal gseit 7x Ässe am Tag 🙈 Stillchuegle isch zB öpis guets 😉

LoSo

stille stille stille und namal stille. ✌🏼👍🏼

Füxli

nomel a stimm für so viel wie möglich stille.
i trink Rivella abr musch sRote neh und wen alkoholfreis Bier nöd magsch den chan i als gheim tip Bschorle empfehle. musch in da Landi luege isch vo da Appezellerbrauerei. isch s öpfel bire getränk mit Malz dine. null alkohol und mega fain 🤤 hani in da schwangerschaft entdeckt und liebs

Thea

Bi mir hät au nur so oft wie möglich stille ghulfe. Und ich han alles gmacht: Stilltee, Rivella, Bockshornklee etc.

halloechen

Danke. Jo i pumpe all 2h ab momentan. Stille got nöd so guet us best. Gründ.