Abfall Windeln

Wie machet ihr das mit dä Windlä? Än Windeleimer woti nöd (viel zviel Plastikmüll) so lang min Sohn gstillt wird ghei ich dWindle so in Abfall, es stinkt nöd. Aber was wenn er Fleisch isst? Chlini Windelsäckli? Das isch jo aber au alles Plastik 🤔 für jedi Windle 1 Säckli 😱

Kommentare

  • Ech ha eifach en abfallsack of em balkon gha ond de d windle drii do
  • Und im Summer? Das stinkt doch denn oder nöd?
  • Sind äbe nie of em balkon do mir es huus hend sind mir immer im garte...aber nochbere vo üs hends of em fenstersims
  • mier rüereds ganz normal in chübel 🤷🏽‍♀️ 2 windelchind. 1 mal ide wuche wird er gleert. Stinkt nie bi eus 🤷🏽‍♀️
  • Also mir händ en wildeleimer ... aber ich due de nue zue dreie also de sack .. weiss ned wie ich das genau chan erkläre ... er stinkt ned und somit bruchi immer i 1 wuche nur ein sack 🤷‍♀️ das gat jetzt na ..
  • Wennd möll wotsch so vel wie mögli vermuede muesch of stoffwindle wächsle (wie mer das händ) oder grad abhalte.
    Windeleimer chasch au eifach en chline möllsack inne tue ohni zuesätzlichi säck. Schmöckt den au chli aber ned so schlemm.
  • Ich nüme dr 💩immer usä und spüels ins wc abe. Das hilft sehr
  • Ha mich agmolde für ä Berotig wägä Stoffis. Abhalte hani versuecht 🙄
  • Mer hend en eimer. Send eus aber am öberlegge bim 2. uf stoffwendle zwächsle. @Shira chasch du mer di empfällige gä?
  • @Moonpie87 👍🏼. Am ahfang muesch die vermuetli zerscht doreteschte welles System zo eu passt. Vermuetli het euchi berateri au es Probeset zor verfüägig. Weiss es choschtet weder gäld. Aber so chamer sech super dorezeste bevor mer en ladig windle poschtet ond nachher merkt mer esch onzfrede dr mit. Ih has so gmacht unds super gfonde.
  • Cha dir ou Stoffwindle empfähle.
  • Mir hei Popolini gha und si sehr zfride gsi dermit.
  • Hät sich bis jetzt für Berotig kein Mensch gmolde 😏
  • Mer händ d Windelmanufsktur und send au sehr zfriede.
    Send halt Fäschttäg ond sost muesch nomol schriebe oder ahlüte.
  • Üsi het ab jährig praktisch nur no 💩 ufem Häfi gmacht. Eifach früech afa drufsetze und süsch geit ou e normale Ghüdersach mit Dechu wo me dusse lat.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland