September 2020 💗💜💙

Ich han hüt Morge positiv testet. Es Wiehnachtsgschänkli. Es isch euses zweite. Weiss es sust au scho öper?🥰
Gugguseli
getaggt:
«1

Kommentare

  • 👆🏻 bi üs isch es au z zweite ☺️
  • Willkomme 🤗😍. Bin grad am Überlegge, wänn ich zum Arzt söll. Am Ahfang gseht mer ja eh no fast nix 😊 Letscht Mal bini ahfangs 7. SSW s erst Mal gange.
  • das hani mir au schu überleit, aber i han denn denkt i lüte eifach mol noch neujohr a und luege was si seit. somit hani das eifach vertagt 🙈
  • Mach ich au so! 🙈😅
  • Hoi zäme👋Ich han am Fritig ou chöne positiv teste 😊Bi üs esches s erste💞
    annirichti
  • Gratuliere! wia gohts eu so in dene erste Wuche?
    mir gohts eigentlich recht guet, bis jetzt nid schlecht nur ab und zua chli trümlig. defür hani angst vor allem mögliche, geburt, nümme 100% für mini grösser chöne do zi usw. 😖🙈
  • Gratuliere Nici!

    Mir gahts guet, mir isch nöd schlächt, ha nur ab und zue es Zieh. D Brüst sind au scho chli grösser.
    Ide erste SS ischs mer ab de Wuche 7 schlächt gsi, bis Wuche 13.. mal luege, öbs da mal glich oder andersch isch 😁
  • Danke Lorina. Mir isch scho vorem Test biz unwohl gsi und vo Tag zu Tag werds chli schlimmer, vell müed und blose drückt ou durend🙈
  • Gratuliere euch zwöi ou zum positive Test🥰ich wünsch eu en guete Rutsch is 2020🍀
  • Gliichfalls, en guete Rutsch! 😍
  • Update: sit hüt s erst Mal chli Übelkeit. 😊 Chli früener als bi minere Tochter.
  • ohh, hoffe es wird nud all zu schlimm.

    wenn hen ihr vorussichtlich ET?
    bi mir isches de 1.9 noch minere Rechnig.
  • Bi mir de 2.9. Chönt aber au de 3. oder de 4.9. sii. Bin nöd ganz sicher, wenn ich min Eisprung gha han. 🤔
  • Hoffe ou es wird nit auzu schlimm mit der Übelkeit. Bi mir konnt sie bis jetzt hauptsächlich zobe cho grüezi säge🤢Nach minere Rächnig isch min ET am 4.9 a üsem Hochzytstag 🙂🙃
  • Das isch ja schön! Ich han defür de Eisprung entweder a eusem Hochzitstag oder am Verlobigstag gha 🤗
  • Da isch doch ou schön! Vo mir es chlises Update: Übelkeit höt s ersti mol scho am halbi zähni am morge🤢hend ihr scho en 1. Termin gmacht? E ha mine am nöchste Fritig 🥰😍
  • Uhh.. das isch doof mit de Übelkeit. Bi mir wiiterhin eher am Abig.. mal luege, wies no wird.
    Ich han no kein Termin, lüte denn nögst Wuche mal ah. 🤗 Ich hoffe, ich bechum eine Mitti Januar. Denn sötti ide 7./8. Wuche sii.
  • ohh jeh ihr arme, hoffe das mit de Übelkeit wird nid allzu schlimm. bi mir isch es bis jetzt ganz ok. immer mal wieder ganz es bizli, aber no nia fest und au nid Tageszit abhängig. I han gad hüt en Termin abgmacht am 22.1. denn wer 8+1. bin mega gspannt.
  • I chome dene grad i die 7 Woche wenn i de US han. Kenned ihr es guets App wo mir Läbensmittel chan prüefe ob mir si nit sell ässe. I bin so unsicher und mir liest jo mega viel drüber im Internet. Bin aber bis jetzt nit fündig wurde App-technisch.
  • Hallo zäme 😃 i han gester ändli au positiv derfe teste und bi so happy. ET isch um de 12.9.. Bi eus isch es s‘zweite Wunder 😍 .
    Gratuliere eu allne au zur SS 🥰
  • Herzliche Glückwunsch und willkomme! 😍🥰@Nici Ich han keis App gha. Chan der aber chli Sache ufzelle (ich han amigs min Frauearzt gfrögt, wenn ich nöd sicher gsi bin).

    -kei Fleisch wo roh isch, nur pökled, nur gräucheret (d.h. kei Salami, Bündnerfleisch, Rohschinke, Mettwurst etc).
    -Läberli oder Läberwurst nur in Masse (also kochet), wills sehr vill Vitamin A hät
    -kei Weichchäs
    -Rohmilchchäs dörfsch, aber nur Härtchäs (also z.B. Gruyere)
    -kei Früschmilch und grundsätzlich au kei Ufstrich oder Saucene mit Früschmilch - sött also immer mind. UHT si
    -kei Austere, rohe Fisch, Kaviar, Lachs (wie bim Fleisch, gräucheret langed nöd, es mues kochet sii)
    -Gmües, Frücht etc. immer sehr guet wäsche (ich han z.B. kei abpackte Salat kauft, will de vorgschnitte isch und da chönd Bakterie entstah - Salmonelle, Listerie, Campylobacter)
    -kei rohs Ei (Vorsicht also bi Dessert, wo mit rohem Ei gmacht sind z.B. Mousse au Chocolat, anderi Creme mit Ei etc.) - Eier han ich meistens härt koched oder s Spiegelei ide Pfanne vo zwei Siite ahbrötlet
    -nöd z vill Tonics und Bitters (wägem Chinin, s Baby cha devo abhängig werde)

    Das isch ungefähr s wichtigst (näbe Alkohol, Zigarette usw.).
    Ich chan der aber säge, dass ich z.B. ab und zue was gässe han, was mer nöd dörf, z.B. mal e Mousse mit ganz früsch gleite Eier (nie z.B. Weichchäs, willd Bakterie wo schaded immer ide Rinde sind). Mer dörf sich nöd verruckt mache lah. S meiste sind au Empfehlige - ich kenn vill Fraue, wo ab und zue mal was gässe händ, wos nöd hetted sölle. Und es isch nüt passiert. Mer döf also nöd i Panik verfalle 😊
  • Herzlich Willkomme Schmuusi und herzliche Glückwunsch zur SS🥰

    @Thea Merci viel viel mol für die usführlich Antwort😊👍
  • Danke eu vielmal 🥰
  • Mini Übelkeit isch mittlerwiile de ganzi Tag 🥳😔
  • da* 🙈
  • ohhh je, bi mir isch es mega unterschidlich fu de zite här, aber wenn i immer wieder was esse gohts ganz guet.
  • Hoi zäme. I klink mi do us. Han am Mittwoch leider en FG gah und üses chline Wunder verlore😢i wünsch eu ide witere SS alles gueti und händ Sorg 🍀🙏🥰
  • Ohh jee, du armi. 😢 i wünsche dir, dass es ganz schnell wieder klappt und ihr bald es wunder erwarte dörfen 🥰
  • Das tuet mir sehr leid! Alles Gueti und ich drucke d Düme, dass es grad wieder klappt! 💜
  • Hallo zäme. Ben ganz neu be üch und han en positive Test am 8.1 i de Händ gha - s‘1x überhaupt.
    Azeichen hani ebe so gar kei, ussert dassi dopplet Hunger han; vellech aber au weli ufghört ha rauchen.
    Ich hoff s’isch somit alles OK - werdes gseh am 16.1, den hani de ersti Untersuech.
  • 😍 ich ha hüt morge positiv teschtet! es wird euses lang ersehnte 3. wunder 🥰
  • Herzliche Glückwunsch *sporty* und Mirj! Willkomme 💗😊
  • Gratuliere eu beidne au ganz herzlich 🥰 !
    Wänn hend ihr eue ersti untersuech? I han erst am 3.2., bi so gspannt druf 😍
  • danke und glichfalls!🥰 ich het am 27. en termin für d‘jahreskontrolle, die wird wohl wegfalle🤗
  • Hallo mitenand, ich han gester derfe Positiv teste🥰 Et söt lut App am 24.09. sie! Freu mich au debi zsii!😄🥰
  • Gratulierä üch allne au! 🥰 .. ha di erst Untersuechig scho gha, aber gseht nanig viel, daher hani nxt Wuche namal en Termin zum gnau luegen resp. bestimme wie wiit ich effektiv ben.

    Hend ehr Azeichen? Ich merk nix ..
  • min erste termin wird am 13.2 sii. ahzeiche hani bereits mit brust spanne und liechti übelkeit. kännes vo de erste beide ss det hani au ab de 5ssw bis zum 6 & 8mt übelkeit & erbräche gha😅
  • Mirj wenn isch dem diin errechnete ET? ❤️ und wow, s‘3te Wunder! :)

    Ich bin gem. Ärztin eher ide 7ssw zw.-ziitlich als i de 8te. Wet nüt ufbeschwöre, aber ha kei Beschwerde bes jez .. isch‘ja scho schön, aber da ich na nie schwanger gsi be machi mer halt immer en Kopf eb alles guet isch welli kei Azeichen ha.
  • wird um de 26.9 sii, aber bis jetzt hät de FA immer de termin hindere gschobe😊gnüsses solang nöd meh merksch! ich hoffe mini übelkeit bliebt wie sie bis jetzt isch, schwach und nur churz am morge🤞🏻
  • Hallo zäme, i verlohn eu. bin hüt bim FA gsi und de ET isch uf e 26.8 apasst worde 😉. wünsche eu witerhin alles guata und a guati ss.
  • #nici das tut mir leid für euch und wünsche euch ganz viel Kraft..haben unseren Schatz am 06.01.20 verloren...ET wäre der 06.09. gewesen
  • @Thea, @Lorina danke vellmol für üchi wünsch. @G-alaxy Danke ou Dir für dini wünsch und es tuet mir ou leid für üch und wünsche üch ou ganz vell Kraft und dass es gli wieder klappet🙏
  • Ich wünsch allne wo ehres Wunder verlohre hend ganz viel Kraft! ❤️ ..

    Mer hend hüt en Untersuech gha & de ET isch nach hindere verschobe wurde uf de 14.9 .. krass aber dass mer scho s‘Härzli gseht schlah! Freu mi uf de 1sti US ide 12ssw den 😊 und hoff s‘bliibt alles so positiv.
  • Hallo 😃Sind do usse nu anderi wärdendi Müettere wo eres Chend im Septämber 2020 erwarted? Wör mech freue wenn ech mech chli met üch chönnt ustusche ond vo üchne Erfahrige dörf profitiere 🙃
  • fraue wie gahts eu? ich ha de erst US gha, alles so wiit in ordnig🤗
  • Mir gahts besser. Han ez immer mal wieder en Tag, wo mer nöd schlächt isch. Ich han de 1. US au gha, alles i.O. sowiit. Bin ez ide 12. SSW und han scho gli de 1. Trimestertest 🥰
  • Hallo Zäme 😃Ech be o en septämber-kandidatin 😂 bes etzt hani no keni beschwärde gha ond de FA-Termin esch am mänteg - be so gspannt druf 😍
    annirichti
  • Willkomme 🥰 Isch alles guet gange bim FA? @Marame
  • Ja es hed alles guet usgseh gha - es esch wahnsinn wie vell mer schu cha erkenne obwohl z‘Baby grad mou Walnussgrössi hed 😱😍
  • Ich tue mi usem Chat abmelden .. han hüt erfahre dass miin chli Schatz z’schwach gsi isch zum läbe 😔 ..
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum