Kinderwunschklinik

Hallo zusammen. Kann jemand eine gute Kinderwunschklinik empfehlen? Oder hat jemand irgendwo schlechte Erfahrungen gemacht? Bin mir nicht sicher ob wir jetzt gut aufgehoben sind...

Kommentare

  • Vo wo bisch den? Fraueklinik Luzern, kanni gar nit empfähle. Was git der den zGfühl nit güät ufhobe zi?
  • Sind im St. Anna gsi. Hm weiss nid. Ha mr irgendwie meh unterstützig erhofft....
  • St. Anna kenni sälber nit, kenne wo gsi sind und eu mit Erfolg. Bin Züri gsi bim Dr. Fehr. Was möchits den zwenig? Oder möchits nit diä Behandlig wo ihr üch vorgstellt hent?
  • Hm weiss nid vilicht hani mr das ai chli anderst vorgstellt. Bi eus isch alles ok. Trotzdem gahts siit 2 jahr nid. Bi mr nid sicher ob diä würkli alles testet hend. Chan doch nid sii. Dasme grad den zunere iscis sett wenn doch alles ok isch...
  • Ich bin zerst in Zollikon ZH gsie und hami nöd wohl gfühlt. Dän bini uf Pfäffike SZ und det hanis super gfunde und es hät dete dän au klappet☺️
  • Darfi fregä was ihr i dene zwei Jahr alles gmacht hent? Und was teschtet hent? Vieli kanni klie wieter hälfe, hent 6 Jahr ka bis zum Glück. Kasch mer eu per PN, went möchtisch.
  • Ech be au ned zfrede gsi mit de Fraueklinik z‘Lozärn. Hend denn is St. Anna gwächslet & be seeeehr zfrede gsi. Ide Fraueklinik besch eifach nor en Nummere gsi & im St. Anna han ech mehr sehr ufghobe gfühlt. Bi üs heds au kei Grond gäh, weroms ned klappet hed. Hend de en IVF gha met 3 Kryos. Alli neg. bis uf de letscht Versuech, denn aber grad weder verlore. Ha denn de Wächsel is St. Anna gmacht. Weder stimuliert för en IVF. Ha aber dämol ned guet ufd Hormon reagiert. Es hend sech nor 2 Eizelle bildet. Hend de spontan ufene Insemination gwächslet & siehe da: VOLLTRÄFFER!!! Üsi Zwilling send jetzt grad 4-jährig worde 🥰🥰
  • Oh wow gratuliere ganz Härzlich zu euerne Wunder. Das isch ja grossartig. Hm ich bin mr eifach unschlüssig was wiiter. Verstah fasch nid das alles Ok sett sii. Und IVF isch mitemne 100% job sehr närväufriibend. Irgendwie hani chli ghofft sii presentieret mr es problem und e Lösig... bi im momänt sehr unschlüssig wie wiiter...
  • Cha dech so guet verstoh... hätt damals au ghofft gha, sie fendet öpis use... s‘andere esch eifach so schwär z‘akzeptiere, gäll. Besch au bi de dr. steimann?
    Ha emmer grad Termine öbercho am Morge am Sebni/Viertelab & so han echs guet chönne met de Arbet veriibare.

    Sie hed mer dazomol au grotet nomol en IVF zmache, wells ned gwösst hend, a was dass es liit.

    Hend ehr de scho Sache gmacht? IUI‘s? Etc.?
  • Ja irgendwie scho mega schwär. Ja bi bidr steinmann aber ai scho bidr peyer gsi. Nei usser hormonspritze und sex nach plan hemer nu niid usprobiert. Bi üch isch d insemination erfolgriich gsi, macht mr chli muet das doch mal z probiere. Ich schaff äbä im schichtbetrieb und muess zum teil am 6.00 afeh schaffe. Isch chli blöd. De Maa muss ja bide insemiation den ai mitcho, chame das es bizeli plane? We isch die behandlig so? Unagnähm?
  • Chorz mine ganzi Wäg:
    Zerscht es paar Mol Hormon & denn GV noch Plan. Denn met Hormon & Eisprong uslöse, GV noch Plan. Denn 4x Inseminatione (3 wärdid jo vo de KK zahlt, die 4. hend mer eifach gmacht, well d‘Vorussetzige eifach emmer so guet gsi send).
    Denn Wächsel id KIWU-Klinik vo de Fraueklinik. Det 1 IVF met äbe 3 Kryos.

    Denn Wächsel is St. Anna. Stimuliert för en IVF, denn aber Abbruch & en Insemination gmacht & äbe: Vollträffer.

    Wie‘s esch met Schicht schaffe, weiss i halt ned. Muesch emol froge, sie chönd der secher säge, wie‘s organisierbar esch.
    D‘IUI-Behandlig esch praktisch gliich wie söscht met Hormon. Muesch au sprötze, aber met wenig Hormon. Es darf sech jo nor 1-max. 2 Eizelle bilde. Ond am Tag vo de Insemination muess jo denn de Maa s‘Sperma liefere. Je nochdem wie wiit wäg vo de Klinik du wohnsch, cha mers au dehei abgäh & de id Klinik bringe. Nochhär werd denn s‘Sperma mittels eme Katheter id Gebärmuetter gsprötzt. Esch öberhaupt ned schmärzhaft & en chorzi Sach.

    Binere IVF/ICSI muesch meh Hormon sprötze & wenn gnueg Eizelle gwachse send, muess mer die punktiere. Das esch es bitzli onagnähm, aber ech be liecht sediert gsi. Nochhär merkt mer eifach es zieh im buuch. De Transfer esch de weder gliich wie bi de Insemination. Macht gar nüd weh.

    Wieso empfiehlt sie euch en ICSI, wenn ehr nonig emol en Insemination gmacht hend?
  • Hallo alle miteinader :)
    Ich bin neu hier, mein Mann und ich sind erst vor ein paar Monaten in die Schweiz gezogen. Unsere Tochter ist jetzt 9 Monate alt. Wir haben allerdings auch etwas gebraucht. Nach 4 Jahren basteln sind wir verzweifelt ins Kinderwunschzentrum Wien gegangen. Dort hat man festgestellt, dass sich meine Gebärmutterschleimhaut nicht genügend aufbaut und ich wurde mit Hormonen behandelt. Danach hat es im 4. Zyklus auch geklappt und wir sind überhappy. :) Wir überlegen allerdings stark, ob wir nicht gleich noch ein kleines Geschwisterchen machen wollen. Nun bräuchte ich aber auch eine gute Klinik bei uns in der Nähe (wir wohnen bei Vevey). Mir wäre es auch lieb, wenn die Klinik so wie meine letzte auf natürliche Schwangerschaft spezialisiert wäre. Es müsste einfach getestet werden, ob sich meine Hormone durch die Schwangerschaft verändert haben oder ich wieder Unterstützung bräuchte, um meine Gebärmutterschleimhaut aufzubauen.
  • Ich chönnt dir schüsch no fertisuisse in olte empfähle 👍
  • 360°Kinderwunsch in Züri, hend super Erfahrige gmacht dete!:-) 👪
  • @Sturzi hallo i bin us Graubünda und fühl mi überhaupt nit wohl do in Chur im Kinderwunsch Zentrum. Dia Klinik in Zollikon ZH isch das dia 360grad Kinderwunsch Zenrtum? I han zwar niemert wo mich a Kilinik empfehla kann, aber was ich so glesa han wär sie guat. Kasch du mier me dazua säga? Oder isch öpert do wo mier a Kilnik empfehla kann in der nöchi Graubünda?
  • Vo 360° hani leider nöd viel guets glese bi de Bewertige 😅
  • Ich kenn die Klinik ned.. ich selber bin mit mim Maa idä Admira Kinderwunschpraxis in Winterthur.. euse Sohn isch mit Hilf vodäne Entstande und aktuell simmer wegme Gschwüsterti det in Behandlig.. mir hend eus vo Afang a det sehr wohl gfühlt und chönd sie mit guetem gwüsse wieterempfehle..
  • Kennt öber d Kinderwunschklinik Fiore in St.Gallen und cha mir brichtä?
  • bossiibossii

    2

    bearbeitet 18. Juni, 21:39
    ich cha ebefalls Fertisuisse in Olten empfehle. Ha eigeni erfahrige gmacht & bi eus hets grad bim erste mal klappet!
    Bi fertisuisse ischs super gsi, sie hend sich zit gnoh bim gspröch und termine het mer sich echt ahpasst. De arzt esch einisch extra eh stund früehner cho demit ich ah dem tag ha chöne goh (normali arbeitszite sind voll gsi be ehm).
  • Hallo zäme
    Ech cha d Kinderwunschklinik in Feldkirch sehr empfähle. Üse Sohn esch dank de Hilf (ICSI)vo ene entstande ond inzwösche bald 4i. Esch es super guets Team chlises Team.
  • I bi au no eini für d FertiSuisse in Olte. Send letscht Johr in Behandlig gse ( ICSI) und es hed grad bim 1x klapped. Üse Sohn esch jetzt 7Mt. 😊
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum