Eileiterschwangerschaft

Hallo zämme, ich han e Eileiterschwangerschaft kah un bi operiert worde, me het zum Glück de Eileiter chönne drin loh. Ha wölle Froge ob ihr au so öppis erlebt heit und den doch drnoch guet schwanger worde sid, es isch mini 5. Schwangerschaft gseh ha leider alli sehr früeh in der SS verlore kah. Ha no keini Kind und wünsch mir aber sehr, hoff ihr chönnet mir muet mache...

Kommentare

  • Hallo Lindeli
    Es tuet mer sehr leid das du da au no hesch mösse döre mache.
    I haa am 19.01.18 au mösse operiere wegere Eileiterschwangerschaft. Au i ha vor de Eileiterschwangerschaft scho sicher 1 Fehlgeburt kaa. Bi mer hends de Eileiter use gnoh. Isch bi mer aber eh nöd drufah cho well bi dem Eileiter binere Buchspiegelig usecho isch das de nöd durchgängig isch. Hüt wössemer das er eifach nöd zu 100% durchgängig gsii isch. Drum bini noche eigentlich froh gsii ischer weg gsii. I haa denn 3 Mönet mösse Pause mache ond noche hani wieder mit Hormonsprötze agfange(ha ebe au no es PCO Syndrom). Leider het sich bi mine Eierstöck absulut nünt tue und so hemer de Zyklus noch 14 abbroche. Nu irgendwie hani noch witere 14 Täg s‘Gfühl kaa irgendöpis isch andersch als sös. Haa en Tescht gmacht und bi fascht vom Stüheli keit wo de positiv gsii isch. Am 15.01.19 (also gad es Johr noch de Eileiterschwangerschaft) isch min Sohn uf d‘Welt cho und mer döred hüt sin Geburtstag fiere😊und dezue chunt no das i im Juli wenn alles guet chunt mis zweite Wunder darf i d‘Arme schlüsse.
    I wünsch mer vo ❤️ das du noch allem was du döre gmacht hesch au dörfsch so es Wunder erlebe!!
  • Wow 😍 liebi Pheobee danke vielmol das mir dini gschicht verzellt hesch das git mir grad widr Kraft! D‘ärzt hend mir au gseit ich söll mind. 3 mönet warte und das mache mir jetzt 😊
  • Ich han vor 1 1/2 jahr e eileiterschwangerschaft gha und bi de operation de eilleiter chöne drinelah. Mir hend den nach de OP solang verhüetet wie frauärztin gseit hed und nachher grad bim erstenal wieder schwanger worde. OP isch öbe afang august gsi und endi sept/afang okt öbe bini schwanger worde
  • Ich han au im November müese operiere mit erhalt fu de Eileitere. Sind aktuell no am Hibble bin aber sehr zueversichtlich.😊
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum