Erste Kontrolle beim FA?

linskyylinskyy

36

bearbeitet 5. April, 16:16 in Schwangerschaft
Ich bin hüt ide Wuche 5+2. Ich han afangs Wuche de ersti positivi Test ide Hand gha und han denn direkt e minere FA aglüte. Han jetzt ersch en Termin becho Endi April. (Wuche 7+6). Jetzt bini chli verwirrt und wür mich uf euchi Bricht freue. Wenn hend ehr so euchi erste Termine becho? S isch mini ersti Schwangerschaft. Hetti mir irgendwie erhofft dasi früehner chan verbii weli mir u unsicher bin und irgendwie gern mal en Bestätigung hetti dass bis jetzt alles stimmt und filich au susch na es paar Tipps vode FA. Aber filich isches ja au ganz normal dasmer ersch denn s erste Mal zum FA gaht?

Kommentare

  • Z'erst mal herzlichi Gratulation zum positive Test 🎉
    Bi mer hets damals gheisse, dass mer de erst Termin grundsätzlich ned vor de 8. SSW het. Also esch es ganz normal erst so "spot" zum Frauearzt z'gah 😊
  • Heyhey. 🍀🌈Also mini kolleginne si alli erst ab 8. ssw zum FA. Ich würd wahrschinli au echli später ga, will me denn scho zhärzli gseht schla & scho chli meh gseht 🥰🥰🥰.
    Ich bin halt zerst mal i der 12. ssw gange & denn habi scho zhärz gseh schlah & es het beinli & ärmli gha 🥰❤️. Es isch scho es richtigs baby gsi...
  • Ich han erst i de 9. ssw chöne gah. Bin zerst au truurig gsi hani nöd früehner chöne gah aber im Nachhinein froh, hani nöd früehner dörfe gah. So hani gwüsst s‘herzli muess schlah sust stimmt öpis ganz und gar nöd und bin dän mega froh gsi woni s‘Herzli gseh han böpperle ❤️
  • @mischmiisch @Miette @Summer
    Danke euch viel mal für euchi Erfahrige.😘 Sehr guet denn hoffi sehr dass bis denn alles guet isch uns ich denn bim erste Termin endi April überglücklich mitem erste Ultraschallbildli chan heigah:) Nach euchne Erklärige machts für mich jetz au Sinn dasmer ersch denn id Kontrolle gaht. 🤗 jetz mueni mi halt eifach nachli gedulde🙃...
  • i han 3 täg vor üsere Fliterwoche postiv testet ka den aglütet und mir säge lo i söll zerst mol gmüetlich go flittere go und han den au erst ir ssw 8/9 erste Termin ka resp. kontrolle. 🤷🏻‍♀️ alles guet gange. han als ersts noch da ferie grad nomel testet ka wel han weret da flitterwoche mol no lichti bluetige ka 🤦🏻‍♀️
  • I ha sogar ersch ide 10 SSW de erst Termin gha. Mini Gyn seit afach,dassmer denn scho viel meh gseht. Aber für mi isches au sooo e unangnehmi langi Wartezit gsi. Etz bini au zum 2. Mol schwanger und mu wieder bis zur 10. Wuche warte. Etz sinds aber nuno paar Tüg zum Glück😅
  • S hed also total Sinn gmacht dasi ersch gester s erst mal bide FÄ gsi bin. Sooo viel hedmer gar nani erkennt. Aber mer hend s Herz gseh schlah und d Bestätigung becho dass alles am rechte Ort isch🤗
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum