Partner Eifersüchtig wegen Vergangeheit

Hallo Zämme 👋,
Ich ha sit ca. 5 Mönet ständig stritt & diskussione mit mim Partner wege minere vergangeheit , wo eigentlich nit schlimm isch für mis Junge alter. Bi jetzt 24gi !
mit 22gi mit mim jetzige Partner zemme cho und mit 20gi hani mi erste Fründ ka (4 mönet lang) und dezwüsche bini single gsi also han kei andere ka bis uf e ONS miteme bekannte also nit eifach eine .

Jetzt s'prolem: Mi jetzige Partner chunnt mit minere Vergangeheit nit klar! Er chunnt nit klar das er dr 2ti fründ isch & dr 3 sexuelli partner! Kennt das öper? Cha mi öper verstoh? Tipps geh ? Ich weiss echt nüm witter ... Er liesst ständig im internet zügs, stellt froge .. will die type am liebste jage etc ..

Kommentare

  • Das tuet mer mega leid.. Mir gahts öpe ähnlich und stahn wie du da, kei plan was mache.. Irgendwie bringt nüt was ich sege.. Hoffe eu gahts bald wieder besser und eu besser chönd verstoh
  • Also gegefrag, isch er dänn no jungfrau gsi wo ihr zämä cho sind?🤔
  • Nei er isch verhürotet gsi & het e Kind und nach de frau , bis mir zemme cho sind het er X fraue kenneglernt! Das isch ja s schlimme!! Er sälber het au e Vergangeheit und s erste Beziehigs johr isch zwische uns super gsi! Die extremi ifersucht isch ihm erst jetzt cho!
  • oh je das tut mr mega laid für oi beidi. i waiss nöd öbs für so was en tipp git 🤷🏻‍♀️ i persönlich finde Ifersucht öbis uh schlimms. min maa und i sind jetzt den 10 johr es Team und es isch nie es Thema gsi. seis aktuell no was vor üsere Bezüchig gsi isch. i finde was vor da bezüchig gsi isch tut nüt zur sach. i finde i han kei recht zum uf die verflossene vo mim Maa ifersüchtig zsi. wieso au?
    i cha nu Rede empfele und sus würi mol tacheles rede und da tarif dure geh. abr das hani au erst mit da Johr müese lerne. i hoffe ihr finden a lösig zum zeme das dure stoh und damit zlebe.
  • Schlimm ifersüchtig sind oft die wo selber öbis zverbärge händ...! Ich würd ihm mol ganz dütlich mini Meinig gigä. Dini Vergangeheit chasch e nöd ändere. Frog ne doch was er dämit wot erreiche? Was es söll bringe? Sorry findi mega kindisch und schwach vo ihm.
  • Da hät wohl eine Sälber was zverberge🤔 und segs numme sache vo de vergangeheit, sorry 3partner isch ja nöd viel und was hät er erwartet dass du jungfrau bisch und er sich dur d weltgschicht poppe chan?🤔 ganz ehrlich er wird eui beziehig kaputt mache wänn er sich nöd bessered oder nöd e therapie macht
  • Es muess ned unbedingt sii daser öbbis z verberge hed imfall... Mer chan au iversüchtig sii/ werde durch schlechti Erfahrige vo vorherige Beziehige, Eltere wo sich ned treu / ehrlich gsi sind und mer das als Chind mitbecho hed, durch Ereignisse, allg. Vertrauensmissbruch ide bestehend Beziehig... Also etzt uf die Allgemein. Weiss ja ned ob bi EU öbbis mol vorgfalle isch?
    Yul
  • *Allgemeinheit bezoge
  • Allso alli wo da verzelled das er was verberge hät.... das hilft ih dere situation gar ned 🙈🤷‍♀️, und so öppis behaupte und uselah findi ned grad toll 🤔.

    Min mah isch abund zue au iversüchtig 🤷‍♀️ aber ich han Ihn kennglernt da bini 17ni gsi.
    Er isch min erschte gsi.
    Und da er vomene andere Land cho isch weissi ja au ned wer er scho gha hät 😁

    Chli iversucht isch ja schön .. also mir gfallts ab und zue.

    Aber ich würd mit dim Fründ rede und säge das es zählt was jetzt isch ... und das du schliesslich es chind vo Ihm hesch 🤷‍♀️ und das zeigt doch scho alles. De ich finde du maschsch ja au nur mit dem h es Chind wo du au liebsch und mit dem du eh Beziehig wotsch ?

    Ich hoff natürlichbes chund alles guet 😘
  • Frog isch warum er plötzlich vor 5 Monet agfange hät dämit und vorher nöd 🤷‍♀️ ob er öbis zverbärge hät oder nöd weiss nur er, ob er suscht irgend äs Problem hät? Uf jede Fall, sigs wie Tanja seit vo dä Kindheit her oder au suscht, aber irgendwie mues er das a go und zwor er und nöd du denn es isch sis Thema und nöd dis so fern du nüt falsch machsch und ihm Grund däzue gisch.
  • Also ich bi extrem ifersüchtig mit min fründ aber das will ich ihn sehr liebe und ihn nöd wet verlüre, au wenn ich ihn blind vertraue isch eifach e angst da so öpert wertvolls zverlüre.. Und ich hhan nüt zverberge.. Au er isch ifersüchtig aber das het damit ztue das mir 16 jahre Unterschied hend und da er au sini gedanke het (wo mir immer wieder mitenand besprechet willa eifach da isch, slebe cha nød immer pink sie). Es git extrem viel gründ warum mer ifersüchtig isch und das isch öpis wo nur sie zwei usefinde chönd. Zemme sitze und rede, kompromisse Inhalte au wenn e scheiss situation chunt und mer stritt het aber sich gegesitig liebt, denn muess me lerne mitenand rede..ich han selber mini schlechti zite mit min fründ aber mir schaffets immer us deri blödi lag..
    Ich finde jetzt da go schriebe er verheimlicht doch öpis isch völlig danebet. Sie wird sich de chopf no me zerbreche und afange denke dass er ihre wükli øpis verheimlicht, ohni dass sie es würkli weisst... Und mir wüsset das erst recht nöd..
    Es tuet mir leid wenni öpert sini gfühl da verletze, aber denket mal realistisch... Was würdet ihr euch selber für en tipp wünsch wie mer so öpis söll ahgah oder lösig finde...
    Bestimmt nöd es "hey er verheimlicht dir doch öpis"
    Ich wür lieber ghöre das mir öpert seit "hey yul, sitz mit dim fründ here und reglets mitenand, vlt hender beidi ängst, beidi en Missverständniss, e falschi errinerig, oder falschi grücht ghört. Nur ihr zwei kennet eu am beschte und wüsset was los isch"
  • @Yul
    Besser häts mer gar ned chöne schriebe 😘
    Yul
  • Wieso mues me immer ananlysiere was anderi sägät? Sie frogt und chunt so div Meinige über. Üsseret ihr euri und anderi händ halt anderi. Jede wo krass ifersüchtig isch hät mit sich selber es Problem und das isch am Partner gegeüber nöd fair, es isch öbis i de Psyche wo nöd stimmt egal ob sit Kindheit, Altersunterschied usw...und das mues me aluege. Nur rede bringt offebar nüt i ihrem Fall, wenn ihr euri Ifersucht entschuldigend wege Liebi wo sooo extrem isch oder was au suscht immer für än Grund, isch das für eu offebar zfridestellend aber sie hät Müeh dämit und es isch definitiv nöd normal. Wenn me vertraut und bi eim selber alles stimmt kei Trauma het usw isch me nöd so schlimm ifersüchtig das äs ä Beziehig belastet.
  • Ok. 😊👌
    Finds nur nöd korrekt ihre sege dass ihre partner ihr öpis verheimlicht. Das git doch nur Unsicherheit und das muess sie selber usefinde. Wenn genau luegsch frögt sie nach tipps, sie het nöd gseit "verurteilet min fründ"
    stell der vor sie strittet, sie denkt dra a dem was ihr schriebet dass er ihre öpis verheimlicht.. Sie seit ihm das "du verheimlichsch mir doch öpis.." Und er staht da völlig perplex will er eig eifach nur angst um sie het und was sie alles erreicht hend kaputt gaht... Denn wird er ebefalls afange denke "wiso denkt sie ich verheimliche öpis, verheimlicht sie mir öpis..? " und so witer chan die gschicht ushärte es het alles konsequenze... Ich sege nöd dass ich recht han (es chan au sie dass du recht häsch moonpie) abeeerr... Ich seg nur, dass muess sie selber usefinde es isch e sach vo ihne zwei.. Und niemert het da srecht go sege er verheimlicht dir öpis, ohni zwüsse was lauft. Du seisch selber es isch unfair gegenüber em partner so ifersüchtig zsie... Ich finds aber au unfair gegeüber dem partner kei chance zlah das er sich usspricht und selber seit was er empfjndet und was los isch und grad seit "er verheimlicht dir öpis"
    Ich analysiere nöd moonpie es het mich eifach echli schockiert dass lüt ohni dass sie sbuech gläse hend ohni sgfühl vom Autor zbeachte söttigi kritik abgebet. Wie heissts so schön... ("Beurteile niemals ein Buch nach seinem Einband")
    Ich rede us erfahrig, vieli hend schlecht über mini damaligi bezihige gredet ka.. Und oft hends unrecht kah. Sit dem frögi gar nüm und lose uf mis herz und uf min kopf, will ich weiss jede Mensch het sin eigene buech und anderi erfahrig gsammlet. Du widersprichsch dich in paar sache aber egal.. Ich wet kei stritt afange moonpie ich kenn dich nöd, dini gründ wirsch du scho ha dass du eso denksch. Ahh..
    und ja stimmt.. Ich bin scho chli e psycho.. 😁 Und das isch mini art zliebe und mir beidi chömet damit klar.
    mommytobe2020 egal für was du dich Entscheidisch, es isch dini entscheidig und nur du und din fründ chönd das usefinde.. Nöd ich oder wer au immer.. Ich wünsche eu alles gueti. 🌼

  • @Yul öbis verheimliche cha au si dass er mit sinere Vergangeheit sprich Mängi vo Fraue gflunkeret het und drum bi ihre viellicht so duet was nur so zur Info öbbe 80% vo allne Partner machet. Ich widersprich mich au nöd...mini Meinig blibt das öbis komisch isch wenn er plötzlich dämit afangt, sie sit Monate drüber stritte und min Tipp isch ihm mol klar dMeinig zsägä das goht uf kei Fall, das isch ungsund und nöd normal. Und suscht söll er sich Hilf hole statt sie dämit zbelaschte. Ich glaub 5 Monet lang immer wieder drüber diskutiere isch gnueg Chance zgä das er sich cha usspreche. Aber sie schribt er goht go Sache lese, würd die am liebste jage usw...das isch krank duet mir leid, ä krankhafti Ifersucht wo vieles zerstöre chan. Und das schönrede bringt ihre glaub au nüt denn das chasch eifach nöd schö rede wils nüt mitere gsunde Beziehig uf Augehöchi zdue het. Stritte? Ich wett doch nöd stritte 🤣🤣 ich ha nur gseit du sölsch anderi Meinige lo si, ich find dini und Jenny ihri Ussag au nöd guet aber has eifach so sto lo wils euri Meinig isch.
  • Ok. 😁👌 Moonpie en schöne wuchestart.
  • @Yul & @Moonpie87 Är isch i de Vergangeheit vo de Frau mehrmals ahgloge worde , bzw. Het sie mit paarmol mit type Kontakt ufgno während de beziehig und immer wieder het er es usegfunde und verzeiht. Sie het lang cha z'verstoh das är dr richtigi isch, und es kei bessere git will schlussendlich isch sie immer wieder zrug zu ihm. Das alles het ihn verletzt und unsicher gmacht im lebe . Aber das het er mir natürlich erst nachemene Johr verzellt.
  • Und mit ahgloge mein ich, sie het lang sache anderst behauptet bis kurz vor hochzit und den het sie ihm die ganzi wohrhet verzellt und das het ihn den nomeh kaputt gmacht .
  • Oh jee.. Nöd schön so öpis erlebe.. Das isch vlt sini verstauti ängst und reaktion druffbaber scho mal schön dass er sich göffnet het au wenn er chli zit brucht het und schön vo dir ihn zverstah und ihn zuelose...das isch mega wichtig.
    Demfall brucht er sini zit zum sege was ihm uf de herze lieht...?!
  • @mommytobe2020 dänn roti ihm würkli zunere Therapie aber allei, wil das isch nüt wo dich i dem Sinn betrifft. Äs wird ihm helfe denn au für ihn isch das mega unagnähm und macht ebe wie scho gseit einiges kaoutt au denki i dir mit dä Zit.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum