Baby weint und ist unruhig nach dem stillen

Meine Kleine ist 8 Wochen alt und seit einigen Tagen ist sie vorallem nachts nach dem stillen unruhig und beginnt auch zu weinen. Bisher konnte ich sie nach dem stillen hinleggen und sie hat weitergeschlafen. Nun ist sie einen Moment ruhig und wacht dann auf und fängt an zu zappeln. Die erste Nacht habe ich vermutet, dass sie Bauchweh hat weil sie immer die Beine angezogen hat, aber das ist jetzt nicht mehr so schlimm. Hat jemand eine Idee warum das so plötzlich ändern kann? Ich mach mir Gedanken was ihr fehlt und ob es etwas mit meiner Milch zu tun haben kann?

Kommentare

  • das isch leider ganz normal. solang du nach bedarf stillsch und nöd zuefüetterisch mit schoppe häsch du gnueg milch! es wird nöd ah öpisem ligge wo du gässe häsch, mumi wird us bluet gmacht nöd us dim mageinhalt. es chan au si, das dis chind muen usscheide, dänn chöntischs mit abhalte probiere. flügergriff, velofahre mit de beinli oder uf de buuch legge für en momänt cha hälfe zum d‘luft usem darm bringe.
    es chönnt aber au clusterfeeding sii - dues doch mal google.
  • Demfall wirds eini vo dene Phasene si? Ich ha drum gmeint ide nacht set mer ned z vell mache demit sie chli merket dases nacht isch (ich weiss es isch no zfrüeh demit sies wörkli tschegget). Clusterfeeding kenni, dass hämer am afang vell gha am obe. Ich glaube ned dases da isch.. es isch eifach neu das sie nochem stille so mue brüelle, resp eigentli weder pfuuset, ufwacht und brüellet 🤷🏼‍♀️ aber hüt hät sie allgemein au weder vell müesse weine, velecht isch grad en schub wo sie duremacht.. wer weiss 😂
  • waschindli scho eini vo dene phase🤪 kännsch s’app „oje - ich wachse“ ? det chasch nahluege wänn welle schub drah isch und welli fortschritt sie mached.
    naja, wänns brüeled und kei rueh finded, dänn hani amel scho alles probiert😅 grad abhalte hani znacht no öpe müese. sus chaschs au im tragtuech versueche, so findets amel au schnäll rueh oder chönd usscheide.
  • Uf stosse lah tuesch sie? Das sie es görpsli cha mache?
    En schub isch sehr wahrschinli ☺️ chan s app "oje, ich wachse" wo d mirj gschriebe hed au nur empfähle👍

    Oder sie brucht eifach dini wärmi und nöchi.. 🥰
  • Danke euch! Han mal is App ineglueget und das tönt sehr nach dem Schub 😂🙈
    Es isch zum glück au scho besser worde und sie schloft weder besser 🤗
  • Huhu also mine hed abem stille plötzlich nüm gnueg becho und due jetzt zueschöppele, sid den isch er e zfridenige usglichene bueb, has mit dr hebamme besproche und eso stimmts für eus beidi🥰 er isch zimmli schnäll gwachse, in 3 wuche 7cm und hed eifach meh brucht😊
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum