März Baby‘s 2021🥰

Wär werd den ou stouzi muetter/vater? Mäldet euch doch🥳🤩
«13

Kommentare

  • Hiä🙋🏻‍♀️ 16.3.21
  • Be eus esches de 10.3. lut de rächnig.🥰
  • Glückwunsch rebs wie fühelsch di?
  • Bes jetzt sehr guet. Hoffe die übelkeit chunt net. Nome ab und zue es zieh im unterbuch. Aber das get mer gfüehl wörkli schwanger zsi. Und be der? Besch zom erschte mou schwanger?
  • Gugus i wirde hoffentli am 08.03. zum 2. mou mami... ha sit hüt liechti bluetige darum bini gad chli besorgt... 😥
  • Schlichä mi schnäu bi Euch inä. Hät no ganz viu Herbst/Winter Umstandschleider abzgäh. Hosä, Pullis, ä dicki Jaggä. Bi Interässä dörft Dir euch gärn mäudä.
  • Hey rebs

    nei isch mis 2te chind😃
    Ja das zihe han i ou und meeega müed.
  • Jaseli bisch de zum FA gange das di chlei brruheigt bisch?
  • Hei jaseli. De gratulieri ou 💐 Chani guet versto, jedoch hüfig esches nüt. Teils ghörts dezue. Aber wörd secher mou met de FA aaluege. Got der eifach ou besser när wenn weisch esch aues guet.
  • Hei leli. Jo be nome ab und zue müed den aber grad rechtig😴
  • Hei Sti. Chume de gloub sehr gärn druf zrug, be eifach gross.
  • @ Rebs: Perfekt, ig bi säuber über 1.80 👍
  • Jo de sehr gärn🤗
  • Mäud Di eifach bi Bedarf 👍
  • Hey jo bi hüt bim FA gsii... u i bi itz so wis usgseht ersch 5+0 ..es isch uf jedemau kei eileiter ss. Aber es isch no z früeh gsii zum öppis erkenne darum muesi inere wuche nomou go... ha leider immerno gaaanz liechti brünlechi bluetige🤷‍♀️ mega komisch aber jo mou luege was nöchschd wuche usechunnt.
    Lg 😘🌻
  • Jöö de beni ou froh. Het sie den före momänt chöne entwarnig gä? Eifach jetzt jede tag nä wiener chunt. Schösch gpz der guet?☀️
  • Jo...entwarnig heisi nid chönne gäh är het scho gseit dases es erschds ahzeiche cha sii das sech de embrio nid richtig entwicklet aber es chönn o no vor ihnischdig sii 🤷‍♀️ me het leider no nüt gseh .. me hets nur chli chönne erahne aber är het gmeint es isch z früeh für öppis z säge. Joo i bi sehr hoffnigsvou das doch auess guet chunnt :) süsch geiz mer guet.
    U wi geiz öich süsch so? Was heiter so für symptom?
  • Mer goz sowit guet. Merke eigentlech net vöu. Nome emmer mou weder so müed.
    Natürli meega häppi wöu mers doch sehr lang probiert hend.
  • Ab und zue ischmir schlächt chrämpf ungerlieb und mängisch müed, defür hani meega gnuusch mite ssw😞 mi FA seit i bi 6+5 aber bim schwangerschaft+ schtaht 5+5 😭 chume nüm druus
  • Doch ou schön wenn scho e woche witer besch wie dänkt🥰 de heschs würmli schnäuer i dine arme
  • Jöö jo das isch doch mega schöön weme afe chli witer isch ausme dänkt :) bi mir isch äbe e wuche abzoge worde das fingi vieu schlimmer 🙈
  • Salü zäme

    Ich lese scho länger chli mit, han mich aber noni so getraut zum schriibe will ich bi mim letschte undersuech chli erschrocke bin.

    Zu mir; ich han bereits e tochter, 23 monet... letscht johr leider e frühe abgang gha und bi denn no vor corona zum FA wo mir denn Progesteron geh het; was aber bi mir zu me komplette durenand mit em zyklus gführt het... drum sind mir extrem überrascht gsi, das es glich klappt het;-))
    Lut rechnig vo minere letschte Bluetig wär ich det 8+0 gsi, aber ebe bim undersuech isch es erst grössi vo wuche 6+0 gsi. Ich bin grad mega verschrocke, de arzt het denn aber gmeint wenns für mich goht zum abwarte, wär das guet, denn gsehnd mir we sich das bewohnerli entwicklet.. es chönn guet sii das sich min zyklus so verschobe het. Und ich han recht starki Symptom. Au Übelkeit (ohni erbreche), Müdigkeit und brustspanne..
  • Hei paMi. Schönnschribsch ou. Freut mi sehr för dech, hoffe das dim chline bewohnerli guet got und dini symtom bald nochelönd☺️
  • Vo wo chömet er de aui?
  • Hey Rebs, danke ja ebe d Symptome sind mir grad recht😜denn weisi das es guet isch😅

    Ich bin us de Ostschwiiz.. und du?
  • Hey PaMi jöö gratuliere :) i wär mängisch froh um chli meh symptom 🙈😅 jo gäu i bi o erschrocke wos bi mir 5+0 anstatt 6+0 isch gsii... isch es komisches gfüeu gäu.. chadi verstoh aber das wird scho auess guet choo 🍀🍀🍀
    I bi vom kanton solothurn 🌻
  • Jo das chani ou verstoh. Ech be eifach nome müed för 4😴...
    Ah kuul en bunti troppe.
    Ich wohne in zöri ( zwar met härzbluet solothurnerin)
  • Danke Euch...
    JasEli... demfall verstohsch mi;-))
    Ich bin relativ entüüscht gsi uf d Reaktion vo mim mami (sie weis es scho)... sie het nur gmeint; aha, ja das hets scho öppe geh...

    Ich han det scho mol zerst chli müsse mini gfühl sortiere..aber ez isches wieder guet....

    Wünsche euch en guete sunntig 😉
  • Hesch sie den drufaagsproche? Jöö nei😞
    Das wönschi eich ou☀️
  • Nei leider isch sie chli so...hets eigentlich gwüsst..

    Hend ihr scho mit öppertem gred oder iigweiht?
  • Jo min bescht kolleg und mini muetter😎 ha smuul net chöne haute. Und be minere muetter hanis müesse säge. Sie häts eh grad realisiert.
  • Mir heis no niemerem gseit aber lang magis nümme gheim haute 🙈😅
  • Be eus esches s1. Chend daher esch eifach ou dvorfreud soooo gross.🥰
  • Hallo zäme

    Gselle mi hie o mau dezue. Bi scho Mami vomne chline Bueb.
    Han ET 11.3 (nach mine Berächnige). Bi zimmli hibbelig. Üsi letschti ss isch imne Abort gändet...😞 Ha ersch i 2.5 Wuche e FA-Termin. Hoffe, dass diesmau aues guet isch. Ha scho paar älendi Tage gha (mega schlächt, sturn, müed u untypischerwis Durchfall). U di leschte täg leider o chlei beunruhigende brune Usfluss. I hoffe jetz, das glich aues guet chunt.
    Euch aune wünschi natürlich o aues Guete!
  • Härzlechi Gratulation :) jo gäu die erschde wuche zieh sech immer meega😖 bi o immer ganz hibbelig...i ha hüt mi 2. Termin bi 6+0 ...bi soo nervös🙈
  • Gratulation NaMe. 🥰 hoffe för dech chunt aues guet.
  • @JasEli jo hör uf. Chunt secher guet bem termin. Wieso ou net😉
  • Juhuuii bi lut FA 6+2 u me het s würmli gseh u e härzschlag😍😍 bi soo froh aber de FA isch meeega unsympatisch gsii...isch e ferieverträtig u itz blüeteni wider mega... ha jo sit 2 wiche immer chli bluetige gha u am schluss nur no si brüünlech u sit 2 täg gar nütme (ha nie schmärze gha) u woner d sonde usezoge het seiter so: dir blüetit ömu immer no... när hani haut gad gfrogt ob das nid vor ungersuechig jetz isch u de heter nur gseit: kei ahnig... är hetmer 0 infos gäh u mini froge heine fasch chli wie gnärvt...🙄 itz blüeteni gad wider mega...aber i dänke es isch wägder ungersuechig u i lohmi itz nid vo däm lo usder rueh bringe🤷‍♀️
    i 2 wuche chani wider go u de bini wider bi mire ärztin 🙏
  • Jööö das freut mi för euch. Am würmli goz guet dasch dhouptsach. Vergiss dä arsch... duesches eifach guet beobachte. Net daser die wörkli no verletzt het.
  • Ja das glaubi Rebs... chas sogar bim zweite chum gheim halte und vorallem hani s gfühl alli merkets will ich nie meh öppis trinke oder s fleisch guet brote bstelle😅....han au s gfühl das d lüüt, wenn scho eis hesch wo bald 2 jöhrig wird au sensibler sind druf. Öppe so we wenn frisch verhürotet bisch🙃
  • Herzliche Glückwunsch NaMe... voll schön.. sowiet ich weis isch brünlichs bluet eher restlichs bluet. Das würd mich ez noni so verunsichere...

    JasEli... wooow en herzschlag 💓 sooo toll... ich bin au 6+2 😝aber ich glaub nüd das mer bi mir scho eine würd gseh... mir gönd denn erst im august wieder go luege... denn gsehi hoffentlich au eine...
    De arzt isch ja voll blöd...het mich grad au gnervt...verstoh dich...
  • Ich be ehe bes vor paar woche no roucherin gsi. Daher esches wie klar dasi schwanger be wenni nöme rouche😇 jo und be frösch verhürotet😎
  • Hmmm ja denn isches uffällig😜... ich han nur gelegentlich mol eini.. aber sogar det wirsch immer agsproche..
    bi üs isches denn aber mit dere 2. schwangerschaft verbii mit kinderwunsch.. 2 langed üs. Werde nöchst johr 40gi🙈...

    wüssed ihr scho öppe wievil das so gwünscht wäred?
  • Ich ha scho en 16jährige stiefsohn( min maa esch en teenyvater gsi) är wohnt be eus und före momänt längt mer es bebe und en teeny🙈
  • 😅das verstohn ich.... aber viellicht hesch gueti understützig debii...
  • Jo hani ou scho gseit. Scho en babysitter im huus😎😂
    PaMi
  • @PaMi jööö jo das wirsch de sicher gseh im ouguschd 😍😍😍 ha mi nöchschd i 2 wuche... u s bluetig het iz o wider ufghört🙏 i bi äuä würkli eifach seeeehr empfindlech dört unge🤷‍♀️🙈
  • Ich ha bis zur 16 ssw blüted... und mini kollegin au ... beides Mäitli wordä 😆
    Bide beide Söhn hät sie das nie gha 🤣
    JasEli
  • Nei ehrlech? Ui de bini auso mega gspannt...es meitli wär auso schono schön😉 aber 2 Buebe wäre genau so cool ... houptsach gsung 🤗💖
  • Ich gloub uf das hets kei iifluss. Dchance esch 50/50. und wie du so schön gseit hesch, houptsach gsund🥰
    JasEli
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum