Einleitung bei 2. Geburt nach Kaiserschnitt

Hallo Zäme

Het öbber nacheme Kaiserschnitt bir zweite Geburt müesse iileite? Wie isch das abglaufe? Weli Methodene hei bi euch gwürkt?

Ig bi jetzt ET +5 und am Mäntig wird de agluegt wie mer am Donnstig würde afo iileite, falls Madame bis denne nid vo selber chunnt. Und ig ha irgendwie mega respekt vorem iileite.

Merci für üchi Antworte ☺️

Kommentare

  • Hallo
    Ich han erst vor 6.5 Mt. en sek. KS nach ileite gha & da gfroget wie das isch, weni numal muessti ileite. Es git nacheme KS nimme so vili optione, die Geburt izleite. Me chat glaubi nor no mit dem Ballon (wo der Gebärmueterhals soll verchürze) ileite... das eifach, will die gfahr, dass tnaht riesst ufgrund der medikamänt rächt gross isch. Das isch mine aktuellsti stand.
    Wünsche dier alles gueti ver die geburt & en schöni kuschelzit 😊
  • @Miette Ja genau, das hei si mir au gseit, dases nümme so vill Optione git.

    Bi jetz am umelaufe, wehetee trinke und hoffe dases de vo selber los geit 😅
  • I haa gad vor 3 Wuche igleited (2 Wuche vor ET wege SS Diabetes) I haa no Homöopathischi Chügeli gnoh zum Geburt ileite und während em Ileite hends no Akkupunktur gmacht und das het super gwirkt... Chum sind d‘Nödeli dusse gsii, sind d‘Wehe starch und regelmässig worde. Frög doch mol im Spitol ob so öpis zur Unterstüzig dörftisch probiere🤷🏻‍♀️
  • @Pheobee Oh mega, dases bi dir guet klappet het 😃 i wünsche mir sehr e Spontangeburt, aber wenns halt wider e KS git, de muesses halt so sii.
    Wie isch d Geburt gsi? Hesch öbbis gmerkt vor KS narbe här oder so?

    Sit 4 wuche bini ide Akupunktur, zerscht geburtsvorbereitend und sitem letschte Termin die iileitendi Akupunktur. Probiere no Buuchmassage miteme spezielle Öl, Wehefördernde Gwürztee (läck isch dä grusig😅), Brustwarzestimulation, Entspannigsbäder... Aber vode Globulis het mer no niemer öbbis gseit 🤔 i froge de am Mäntig grad bide Kontrolle 👍🏼 merci füre Tipp.
  • Ha zwor no niä en ks ka und ned müesse iileite; aber bi mir isch zweimol bi et+7 e eipollösig gmacht worde und bi beidne mol isches denn no am gliiche tag los gange.
    Wär also sicher au no en versuech wert.
  • @Claudia_yali Ja genau, das heisi mir au welle mache aber de MuMu isch no zwit hinde gsi und si het gar nid här möge.
    Morn hani nomol e Kontrolle de bini au grad ET+7, hoffe si mag de häre zums probiere. 😃
  • I ha bi de 1 geburt ks ka u bi de 2. Geburt 10 tag übertreit. Am 11.tag händs wele de balon i füere u de blibsch au gat im Spital will de balon blibt die ganz nacht drin so wienis in erinnerig ha. I ha de aber en chline proseco kauft 2dl u de am abe trunke.. I de nacht is de los gange mit schnelle wehe ohni blase sprung. Normal gebore. Narbe hani nüd Gespürt usenand sind geburte 1.5 jahr.
  • i ha im mai 2018 e notks kah & bi am 18.07. mitm propess igleidet worde..ha am 19.07. am morge wehe becho wo abr ke Mumu würkig zeigt hei..ha ner dr wehe tropf becho & emorm starki wehe becho.
    am shluss hets im nä dringende KS gändet weu die alti ks narbe fash grisse wäri..
    fazit- i würd nüme lah ileite nachm ks
  • Ig ha jetz e Termin becho zum afo iileite mit dene Zäpfli am Donnstig. Aber ig hamer au gseit, wenn die kei würkig zeige, de machi äuä wider e KS. Dr Muettermund befund isch immerno unriif und me chunnt gar nid dra häre. Süsch hätti gester die Eipollösig lo mache. Aber s Chöpfli het schins e gueti spannig im Becki und isch fest dinne, was mi no loht lo hoffe daser de au ufgeit.

    Ha jetz ebe scho meh ghört dasses bim iileite zu komplikatione isch cho, was mer ebe chli angst macht. Kollegin het au ganz schlimmi erfahrige gmacht 🙈
  • @AnDu88: Entschuldigung, het no müesse schriebe dass no kein KS kaa haa (nur e Eileiterentfernig). Haa der wele Möglichkeite ufzeige wo evtl. vorem oder bim ileite chönted helfe. I haa au mit de Zäpfli igleitet und kei 12 Stund nochem erste Zäpfli isch di Chli do gsii ohni Komplikatione.
    Mer hends bim Ufklärigsgspröch eifach gseit dass es chönti sii das mer innerhalb vo 1 Stund nochem Zäpfli non stop starchi Wehe cha übercho und denn müends es Gegemittel sprötze das wieder ufhört. Drum isch mer i dere Stund am CTG. Au hends mer gseit das es ca 8-10 Stund got bis mer frühestens öpis gspührt. Cha aber au bis zu 72 Stund go. I haa aber scho nochem erste Zäpfli Mensartigs Buchweh übercho wo sich denn mit de Ziit gsteigeret het. (Erste Zäpfli am 16:00, zweite 20:00, 22:00 Akkupunktur well d‘Wehe eifach no z‘wenig starch gsii sind und i no z‘wenig offe gsii bi für de Wehetropf, geg 23:00 is Wasser, 02:05 isch di chli do gsii)
    Bi mer isch au so gsii das i weg de Geburt vo mim Gottemeitli sehr Angst kaa haa vorem Ileite... Eri Geburt isch sehr dramatisch gsii. I haa mir immer gseit i bi i und ha nöd di glich Gschicht wie mini Kollegin. Bi mer chunt alles andersch. Blib positiv und versuech d‘Erfahrig vo dinere Kollegin uszblende.
    I druck eu beidi Düme das er e wunderschöni komplikationslosi Geburt döred haa✊🏻🍀
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum