sugverwirrig

Yul

Hello zemme, min chline 10 wuche alt het glaubs e sugverwirrig bi mir aber nöd sicher, eig. Gibi ihn wenni mit ihm unterwegs bin de Shoppe oder wenn de fründ ihn mal de Shoppe wet ge suscht nur brust.. aber er strittet mite brust sit letschte Dunnstig.
Ha denkt vlt het er büchli weh oder suscht öpis aber am fritig bin Arzt Termin isch alles guet gsi. De Arzt meint ich söll ihn halt Schreie lah und ja kei shoppe geh wenni wieder stille wot. Has hüt probiert.. De arme het mer aber zlang brüellt, ich schaffes nöd ihn nöd de Shoppe geh..
Ich weiss nöd obs e sugverwirrig isch will er trinkt us de brust und vom shoppe sit er ca. 3 wuche alt isch ohni problem...
Het öpert das au scho kah?
Stillhüetli hani bis ca. 4ti wuche brucht denn nüme er hets nöd gern ka und mir isch wichtig dass mini brust ihn durch sin Speichel das Git woner brucht.. 😩

SHAYENNE

Ich empfile dir. Nimm kontakt mitere Stillberaterin uf. Oder suech der Hilf i de Facebook Gruppe Stillen Schweiz oder bi LLL (https://lalecheleague.ch/)

Miette

Hallo. Kennes nur zu guet. Hei mier öppe vor 14.-18. Wuche au gha (Han am afang muesse zueshöppele). Nacheme wachstumsschub heder denn uf zmal brust verweigeret. Han denn mit StiBe & LLL gluegt (immer 1. alaufstell). Sie hei beidi gmeint sig die brustschimpfphase (das ir nacht problemlos mit stille gange isch). Zeinzige was üs gholfe het isch ime stille, reizarme, dunkle zimmer zstille. Wenn das nit gange isch hani es tüechli uber mini schulter ta, daser chli reizabgschirmt isch gsi. Wirkli strickt de shoppe wegloh. Und han immr gluegt, daser nit zu fest hungrig wird, susch isch viiiil schwiriger gange. Wener zfest hunger gha het hani ihm denn Mumi miteme becher geh ka. Isch en schlimmi zit gsi. Aber si gaht verbi. Guets dürehebe.

Füxli

liebi Yul i bin nu Mami abr i denke au dass es zunre sugverwireig cho isch. i denke du musch zerst für di entscheide was du wetsch. witer stille oder schoppe. und den würi umbedingt eh StiBe kontaktiere odr LLL wie die andre gschriebe hend. i han au abemne gwüsse alter es zitlilang nu no im dunkle zimmer chöne stille und ir nacht nie schwirigkeite ka. fals witer stille wötsch musch da schoppe würkli weg lo uns konsequent dure zieh. es wird eh harti zit abr das schafen ihr definitiv. schoppe isch halt aifacher do sugt da kli Maa und es chunt ohni sich gross azstrenge und ar brust muner halt kli meh tue. uf FB gits no ah gueti Gruppe Stillen Schweiz. druck oi düme

Yul

Oh man das hani au versuecht I'm dunkle zimmer und mitem nushi vorem gsit.. Het er eig sehr gern de nushi vorem gsicht..
Wie häsch es du unterwegs gmacht?
Komischerwis het er die nacht au us de brust trunke ohni schimpfe nüt..
Aber jetzt passts ihn wieder nüm wird aggro wennis versueche zgeh..

Füxli

also i wür ganz ehrlich im moment di nöchste paar täg zum wohl vo dir und em kline luege das went stille musch dahai blibsch odr bisch. i waiss sehr guet das es en wahnsinnige stressfaktor sie chan werde wen er hunger het und schreit und glichzitig ninter brust nöd. lueg daser baidi zur rueh chömen. red mit ihm ganz ruhig und erklärems. baby verstönd so viel meh als mir denken. i han min den i dem moment au aifsch mol kurz schreie lo 😱 und ahsetzt aifach immer wiedr probiere

Peach

Ich han das Problem au gha. Sogar nume scho vom Nuggi! Bin amigs fast duredreit wenn mini chli so gschroue hät und ich gwüsst ha das sie hunger hät und ichs ihre ned cha gäh 😔 meistens isch sie denn aber churz druf abe igschlofe und sobald sie denn weder ufgwachet isch isches weder gange 🤷🏼‍♀️
Ich ha denn es zitli alles weg lah und inzwüsche (sie isch jez 4 monet alt) funktionierts wunderbar. Sie nimmt de Nuggi und ich bin am abstille, sie nimmt also aktuell Schoppe und Brust..

Yul

Gaht wieder guet mitem stille zum glück, isch vlt doch kei verwirrig gsi sundern eifach en schlechte tag kah 🙊 hoffe ich irre mich nöd und es bliebt eso. Tuen ihn jetzt gar kei fläsche me geh ussert min partner oder wenni mal unterwegs bin woni grad nöd stille chan.
@peach wiso tuesch abstille wenni fröge derf..?

Peach

@Yul
Ich bin am abstille well ich im Oktober weder afange schaffe und denn nüme wot stille, au wegem abpumpe und anderersits isch für mich de Moment cho wos für mich gnueg isch 🙈 evt. bhalt ichs bi das ich sie eifach no ide Nacht stille, aber das weissi jez nonig 😉 Am Afang vom abstille hani chli mit mir ghaderet ebs wörkli s richtige isch, aber inzwüsche mueni säge dases für mich vollkomme stimmt so 😊

Yul

Denn isch ja super wenns fü dich stimmt 😊 chan dich au verstah wegem schaffe.