April Baby 2021 😍🦋🐛🌻🌼

Es sind alle ♥️-lich Willkommen die ein April Baby 2021 erwarten. Ich freue mich auf einen regen Austausch. 😊
«1

Kommentare

  • Hallo wicki, ich bin auch dabei gratuliere dir ganz herzlich😊
  • Hallo Ina so schön. Danke😊 ich gratuliere dir auch ganz herzlich. Wann hast du den ET?
  • Voraussichtlich am 23.04.2021 du? Hoffendlich klappet jetzt alles han im März e fehlgeburt ka
  • Luschtig ich au am 23.4.2021. Oje bisch scho wiet gsi? Ich ha im November eini gha
  • Hallo Zusammen
    gratuliere euch zur Schwangerschaft🤰🏻habe vor 2 Tagen positiv getestet🥰
  • Oh cool. Herzlich wilkomme do i de gruppe und herzliche glückwunsch 😊
  • merci vil mal☺️
  • de erwartet dir dämfau ou öiches Rägebogebaby? Ha im Juni e Fählgeburt gha...
  • Bin i de Wuche 9 gsi, gratuliere dir winnie pooh, ish aber schnell gange bi dir.
    Hehe wickie vo wo bisch den?
  • Oje... i bin i de 10 gsi... i bin vom kt. Sg du?
  • Wie alt sind ihr wennk dör froge und isch es eues erste kind?
  • Ich wird bald 27 und es wird mis ershte baby du? Wenn macheter de termin bi de fraueärztin?
  • Ich bin 32 und bi mir isch es s 3. Kind aber die 5 ss. Ich lüte morn a und frog obs langet wenni de termin wo i inere wuche han wohr nime. Es het ebe gheisse i müess mi sofort melde wenni schwanger bin will i scho zwei fg gha han
  • ig bi 25 und bechume üses zwöite Kind.
  • mues de ou no alüte, hoffe darf de chlei vorhär gä aus ersch so ir 8 ssw

  • so wie gohts eu so?
  • Also ich bin gester bim ultraschal gsi leider het sie no nöd viel gseh, mir hoffet jetzt das wo mir gseh hend das das s embryo ish. Han am 1 sep de nächschti termin. Han immer wieder liechti buchschmerze
    Wie gahts dir wickie?
  • Ha au durend wieder chli buchschmerze bi jetzt am Magnesium neh. Ha hüt a glütet aber d mpa het chli doof due... i gang am mentig zu fa. Bi gspannt wa sie meint.
  • Hey mitänand
    Au i ha positiv testet. Wiä gohts eu?
  • Oh schön gratuliere ganz herzlich. Mir gohts eigli ganz guet. Mengmol es zieh im buch aber sust nüt... i dör morn zu de fraueärztin bin gspannt. Wie gohts dir?
  • Hallo zäme😁 ai ich han letscht fritig positiv testet und glaubs immer nu nid so richtig🙈 gratuliere natürlich ai iich allne zur ss🍀
  • @minggi 😍😍😍 so schön bisch du do... au uf dem weg nomol herzlichi gratulation 😊
  • @wickie danke dier vielmol. Ich weiss nid wes üch gaht aber de gedanke das nu alles so früeh isch macht mr chli angst. Wär jetzt gärn scho ide 12 wuche🙈
  • @minggi i kenne das sehr guet. Mini fa het mir hüt grad gseit i söll positiv denke das bringi scho sehr viel.
  • Ah ok, ja das probieri. Versuech au mim körper eifach z vertrüwe daser scho weiss waser muss mache...
  • Genau... wenn isch den din ET?
  • Also mis ss App seit 24.4.20. Weni nach dem gah bini jetzt 5 2
  • Oh 2021 natürlich 😂
  • Herzlichen Glückwunsch minggi, ich bin au froh wenn die 12 wuche verbi isch, han erscht am 1 sept termin bi de ärztin es gaht so lang
  • @minggi den simer jo fast glich i bi jo 5 3 hüt und somit am 23.04.2021 et. 🙂
  • Ah ja stimmt 😁. So ich han ez mal ä frag, ha hüt wieder gschaffet nach de Ferie. Wenn würdet ier de chef informiere? Warte bis die 12 wuche ume sind? Het da epper erfahrig?
  • I würd persönlich warte bis zu de 12 Wuche... 😉
  • Hm ok, bin ebe Teamleiterin u d am fritig hemer sitzig, chef, abteiligsleitig und ich, will mr d personalstruktur früsch mend plane wegere wiiterbildig funere kollegin. Weiss jetz nid obis den söll säge, susch mussme in 6 wuche nomal alles früsch plane...
  • hoffe ja fest dasi schwanger blibe, bin aber rächt verunsicheret, bi nu nie schwanger gsi
  • Also mini Vorgsetztin isch informiert, eigentlich nur im Falle falls es wieder nöd klappt das sie weis wieso ich fehle(was ich aber nöd hoffe) plus no schaffi im Verkauf und will mich jetzt i dene wuche nöd all zu fescht belaschte.
  • Ah ok, wie wiit bisch dü?
  • Also i has bi beidne ss frühe gseit eifach au im fall der fälle wenni würd usfalle oder so, dass gwüsst hend warum... do i jetzt nüme schaffe resp. Nur ufem eigene betrieb hani das problem zum glück nüme
  • Hehe ich bin au 5+3
  • Luschtig den simer jo alli öpe glich wiet 😊
  • Hallo liebi mitschwangeri😁 we gahts üch so? Gspüret ier öppis? Sindr all scho bim ultraschall gsi? Ich cha erst am 10. Sept, mach mr chli sorge ob miis würmli würklich det isch wos setti🙈
  • Mir gohts ganz guet sowiet. Nur bruschtwarze wo bitz weh düend sust nüt. Und wie gohts dir? Oh jo da kenni vo dem hani au immer respekt.
  • Mier gahts sowit ai guet, fühl mi ez nid mega schwanger🤔 empfindlichi brüst hani und allig so chli es zieh links und rächts im unterbuch...
  • Ninsch Magnesium? Hilft extrem guet gege s zieh im buch...
  • Nimme elevit, det hets magnesium dinne, selli nu zuesätzlich ächt näh?
  • Hmm gueti frog... zviel magnesium git de schisser 😅
  • Also ich nims Natalben Plus und no zuesätzlich Magnesium, han no kein schisser😂😂
  • Das mit ein Magnesium isch ganz einfach, wenn zviel häsch gits würkli Durchfall.
    Du chöntisch aber au ä halbi zuäsätzliche ne wenn ä ganze zviel isch .

    I muäs oder dörf jetzt zum Arzt und bi scho chli nervös 😀
  • @Alexa84 wünsche dir ganz viel spass bim baby TV
  • @Alexa84 u d wie isch gsi bim Arzt?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum