Juni Baby 2021 🥰🐾🐛🦋

lachuli

Es sind alle ♥️-lich Willkommen die ein Juni Baby 2021 erwarten. Ich freue mich auf einen regen Austausch. 😊

Viola

Huhu 🥰

lachuli

Hoi 😃😉
Wie wiit bisch?
Wie gohts dir?

Viola

Bin 32, ha erst grad testet und bin no chli durenand 🤪😆 termin isch endi juni, also so ca. Bin4+2. und du?
Mengisch isch mer schlecht. Aber das muess nöd zwingend vo de ss si. Wie gahts dir?

lachuli

Bin 34 han letscht Wuche positiv testet. 🥰 Termin isch für Mitti Juni. Bin 5 1 😃😉
Mir gohts supi. Bin nur müed und ab und zue spür i öpis uf de linke Site vom Unterbuuch. 😉

Viola

Schön 🥰 gratuliere

Viola

Isches dini ersti ss?

lachuli

Ja isch mini ersti SS 🥰 und be dir?

Viola

Bi mir isches di zweit 🥰

lachuli

Ah schön 🙂
Wie alt isch dis erste Kind?
I han geschterd FA aglüte. Han am 03.11 min erste Termin 😍

FabL

Hoi zämä,
I bin au 34i, or 6te Wuche und han am 3.11. min erschti Arzttermin... Alles kli wia du @lachuli 😄👍🏼🥰
I welem Kanton wohnend ihr?

lachuli

Hoi
Lustig 😁 mir sind glich wiit und händ am gliche Tag de erst Termin 🥰
I wohn in Rhyfelde Kanton AG und ihr?

FabL

i wohnä im Graubündä. Leider biz wiit weg. Aber bin gspannt wasmer nachem 3.11. z verzelle hend:)

lachuli

I bi au meega gspannt... Was hesch so für Symptom?
I bi grad meeega müed.... 😉
Mit Übelkeit han i no nüt zkämpfe...

raffaelasarah

Hoi mitenand🤗
Ich bi 24i, us Züri und das isch mini ersti SS 😊 oises würmli sötti wänn alles guet gaht ändi juni 2021 cho 😊🤗
Freu mi uf en uustusch mit oi 🤞🏻😊

lachuli

Hoi 🥰
Glückwunsch zur SS 😍
Wie fühlsch di?
Glg 😘

raffaelasarah

Danke dir, glichfalls 🙈🥰Mir gahts sowit eigentli guet. Vo de übelkeit bini bis jetzt mehrheitlich verschont blibe 😄🙌🏼Ab und zue chli es ziie im unterliib, was mi chli unsicher macht, da ich vor 2 mönnet e biochemischi SS gha han 🙈🥺
ABER, ich ha s gfühl und d hoffnig diesmal gahts besser 😊

Und oi so? Händ ihr scho beschwerde?

lachuli

Mir gohts sowit au guet. Vo de Übelkeit bin i momentan au verschont. 😉 I han es zieh uf de linke Site... Aber das isch glaub normal. Freu mi scho sehr uf min erste Termin. Was i vorallem han isch Müdigkeit... 😅 Das het jetzt zuegnoh...

raffaelasarah

Ja bi mir isch das zieh au uf de linke siite 🙈😊 wänn häsch de termin?🤗Ich ha mine erst imene monnet becho, da min FA i de ferie isch und nachher z‘fest usbuecht isch😒

lachuli

I han min erste Termin am 03.11 🥰
Freu mi scho riesig druf... 😍
Oh wow erst in 1 Monet.... Das goht no es Zietli....

raffaelasarah

Ja das gaht no es rächts ziitli😖Uuu de 3.11! Das isch ja scho ganz glii 🥳🤩

lachuli

Jo bi froh 😁 in 1 Wuche und 2 Täg... 😍🥰

lachuli

Jo bi froh 😁 in 1 Wuche und 2 Täg...

Viola

Hallo zäme 🥰 schön wie d Gruppe scho wachst. @lachuli , er wird im Dezember 2 🥰Termin hani erst am 11.11 🙈 mag nöd so lang warte. Wie gahts eu?

lachuli

Hoi Viola
Finds au schön wie üsi Gruppe am wachse isch... 😍
Oh schön.. I han im Dezember Geburtstag 🎂
Ja das warte isch scho nicht ohne...
I bi scho Täg am zähle.
Mir gohts sowit guet.
Bi eifach so müed und han e starke Harndrang... Süscht tip top.
Und be euch?

saerle91

Hallo Zäme
Bii 5 + 6 sprich 29.6 set dr termin si. Mis 2 wunder, d alicia isch 18 mt. Isch no sehr unreau, isch mega schnäu gange. Freue mi ufe 1 us. Vowo sit dir? Ig zwüsche solothurn/bern

lachuli

Hoi 😊
Oh schön i gratuliere...
Hesch scho e Termin veribart?
I wohn in Rhyfelde Kanton AG.
Glg

saerle91

Ja am 17.11 du?

lachuli

I han 03.11 de Termin 🥰

AmBir

Guete Morge mitenand,
Ich bin 27i und us Züri, es isch mini ersti SS und endi juni isch bi mir de termin. Es isch au die erst SS ih mim Umfeld, aso freu mich uf en ustusch wie‘s anderne so ergaht. Will ich absolut kei symptom han und au na keis bedürfnis ha zum FA z‘gah 🙈

lachuli

Hoi
Herzliche Glückwunsch 🥰
Isch au no ganz frisch be dir.
Min FA het mir gseit das es erst Sinn macht in de 8 Wuche die erst Kontrolle zmache... Vorher chas ebbe si dass me de Herzschlag nit hört.
Guets kugele. I han au no keini grosse Symptom. 😉

ju21

Hallo🤗Bin 33 und in der 6. woche. Ist meine 3 ss..
Habe seit fast 2 wochen leichte schmierblutung und war am dienstag beim arzt, leider konnte sie noch nichts sehen🥺

lachuli

Hoi
I hoff es isch nüt schlimms...
Druck fest Dume 🍀

lachuli

Hoi zämme
Wie gohts euch? ☺️
Was händ ihr so für Symptom?
Glg 😘

landmäädchen

Hallo mitenand

bin 28gi, us SG und bin 1. mol schwanger.
bin jetzt ide 8. Wuche schwanger & han am Mittwuch min 1. Untersuech gha.
Fraueärztin hät gmeint sowit isch alles guet Termin isch mitte Juni.
2. Termin isch ahfangs Dez. und wen den alles guet isch, werdets mir Family & Fründe verzehle.. schön, das ii es do wenigstens öpertem chan verzehle
beschwerde han ii eifach das mir mini Brüst weh tönd und sehr empfindlich sind & liechts zieh im Buuch.

Liebe Gruess us SG

lachuli

Hoi 🥰
Herzliche Glückwunsch 🥰
I bi jetzt au in de 8 Wuche. Han am Zischtig min erste Termin 😍
I wirds au verzähle wenn i die 12 Wuche drüber bi ☺️
Ah schön. I han extrem mit Müdigkeit zkämpfe...
Lg us AG

landmäädchen

Danke shön 😊
Eu natürlich au herzliche glückwunsh 🎉

Ich frog mi nur, öb ich es bis den chan gmeim phalte, was au de buuch betrifft..

Ach ja, ich han s'gfühl das ich immr hunger han, obwohl mer jetzt ja nonig für 2 söll esse 😅 defür mag ich nüme so viel ufs mol esse..

AmBir

Guete Morgä mitenand,
ich frög mich au, wie ich das chan gheim phalte. Vorallem wenn ich immer zum wii nei sege, fröget sich all was da los isch.
Was hend ihr da für usrede, han etzt s‘letscht mal gseit, ich für e Saft-Fast-Wuche mache und drink drum kein Alkohol. Und dänn chunt ja na d‘adventsziit😳

landmäädchen

Ja das isch sicher nöd eifach 😅
Ich han vorher scho nöd immr alk trunke & jetzt wege corona gang ich nüme so viel furt, bez. isch ja nüme viel los..

Hmm, ich han ehner mol no kopfweh, den wär mini usred, das ich e schmerztablette gnoh han..
Oder vilicht en fastemonet, 1 monet uf alk verzichte.. bis den chash es ja vilicht scho bald verzehle

FabL

haha, das mitem gheim bhalte isch bi mir au sone sach;) ich trinke suscht immer viel kaffi und wenni ez amigs nei sege denn hani amigs z gfühl dass ihren blick sehr fragend isch. i han ez agfange sege, min fründ und i machend en gsundheitsmonet ohni alkohol und kafi. aber de mit de kopfwehtablette isch au e gueti idee:)

i bin au würkli permament müed. ich gang meischtens am 9ni am morge gad namal e stund go schlafe und bin am abig am 9ni wieder bettparat... hoff das bliebt nit so.
hend ihr denn z gfühl bi euch gsehtme de buch scho? (meine wegem gheim bhalte)

landmäädchen

Nee de buuch gseht mer scho nöd, aber han de 2. Termin erst ih 5 wuche & froge mi hald, öb mer bis det ane nöd scho was chönti gseh.. aber da ich eh chli en schwimmgurt han, hoff ich das mer bis den nonig was gseht, damit für alli eh überraschig isch 😊🤣

FabL

denn gahts üs ja gliich
Hender eu scho überleit wieners de liebschte denn werdend sege? ganz simpel oder iner spezielle form?
mir hend üs überleit am zuekünftige gotti (sie wohnt leider na im usland) en adventskalender z schicke wo an eienm tag denn ebe di frohi botschaft drinne staht und am 24te denn eb sie gern wet s gotti sii. mal luege eb das mit de termine denn ufgaht.

AmBir

Mir machets au im wienachtsgschänkli oder bim esse (guetzli in schnuller-form, en kueche mit enerem hohlrum und der dänn babyguetzli drin oder bim silvester essä als spass im resti en rimus im vorrus bstelle als scherz)
bin gspannt wie ihr es so verzelle werdet.

lachuli

Hoi zämme
Also i trink au gern e Gläsli Wii..
Gott sei Dank isch Corona und mir halte Abstand zu de Fründe..
Be mir gseht me no kei Buuuch.
I han am Zischtig endlich min 1.Termin 🥰
Wägem mitteile... Mir werdes eifach persönlich sage... Und wenns persönlich nit goht den mit e Wienachtsgschenkli...🥰😍

landmäädchen

Mir wüssets nonig so gnau wie säge, ev gämer de eltere es föteli odr so.. gotti & götti möcht ii sho öbis chlises schenke.. gange die wuche mol inen bastellade, vilicht chan ich mi grad inspiriere lo.. mir möchtets abr nöd erst ah wiehnachte säge, möcht nöd das mir den so im mittelpunkt stönd 🙃

lachuli

Hoi zämme
Han hüt min erste FA Termin ka.
Es isch sowit alles guet. Baby entwickelt sich guet. Herz ♥ han i au ghört schloh 🥰
De nächst Termin han i am 08.12. 😍

FabL

so schön <br> i han au hüt min erschte Termin gha und isch au alles guet. S Herzli isch scho iidrücklich. due date isch am 22.6.21 und min nechschte Termin hani am 2.12., freumi denn endli mini Familie izweihe;)

lachuli

Oh schön 😍
Be mir wärs am 19.06.2021.
I han min nächste Termin am 8 Dezember.. Den chönne mirs den au offiziell kommuniziere... 🥰

landmäädchen

Hey mitenand 😊
Scho ihdrücklich wemer gseht s'herzlii schloh 🤩
Ich han min 2. termin au am 02.12.2020..
Händ ihr nebst em foti süst scho öpis übercho? Muetterpass? Ich nüt..

lachuli

Nei.. I glaub das bechöme mir erst bim nächste Termin... Am 08.12 wäri scho 13 4 😊 den sött i de Pass au übercho.

landmäädchen

Ich bin den au ide 13. Wuche lut fraueärztin 😊 abr ich chan mir guet vorstelle das ich chli spöter dra bin, wil ich vorher immer recht langi zyklus gha han & bim 1. Termin hät sie gseit, es segi bitzli chliner als wuche 8. Han de termin am 14.06., abr wär au nöd shlimm wens nochli länger drin bliebt 🤰😊