Laufrad Empfehlung

JennyHelin

Hoi Zämme

Mini Tochter wird im Januar 2i ... und ich wot ihre es Laufrad schänke ...
Welles chönd Ihr empfehle ?
Bin mir au unsicher vo de grössi
😆 sie isch rächt ziehrlich
Merci für dAntwortä 😘

AnDu88

Ig ha für mi Bueb s Puky (LR M) kauft gha mit 1,5 jährig und er isch jetz 4i und fahrt immerno demit ume. Findes es super Laufrad wo au nid sehr tüür isch.
Jetz wächsle mer aber ufes richtigs Velo 😄

JennyHelin

Ah scho ? Ha ebe gmeint mit 2i muess mer de wider es anders chaufe 😄 ... bzw. Mit 3 ... aber ich wot eis ha wo sie de hät bis sie es "normals" Velo bechunt

AnDu88

Nenei, me cha de Sattel und de Länker höcher stelle wenn si wachse. Mi Bueb isch jetz öbbe 105cm gross und es isch jetze z chli, mir hei alles ufs höchste gstellt.
Puky het no es grössers Laufrad wo ab 3 jährig isch mit Bremse dranne, aber das hani mer nid kauft.

JennyHelin

Ja ich bin mir ebe unsicher obs chlinä oder mittlere ... 😁 am liebschte hätti es chlises aber mit Luftreifä aber das gits ja bim Puky ned ...
Aber ebe mini chli isch eher Ziehrlich und dänks sMittlere wär na zgross.

Haha was mer ned alles wot .. chli,luftreife trittbrätt und en ständer wär ideal 🤣