App ‘Too Good To Go’ gegen Food Waste!💪🏽

NRM

Hallo Leute😊Ha vor kurzem die im Titel gnannti App empfohle beko und gester zum erste Mol ussprobiert. Die App kämpft mit ihrne Teilnehmer gege Food waste indem me am Ändi vom Daag in verschiedene Läde, Hotels, Tankstelle, Bäckereie und vielne mehr, ka fast gratis go GUETI Läbensmittel abhole. Das sind keini verschimmelte odr abglofene Sache, sondern gueti Sache wo sunst eifach im Müll lande. Ich by normalerwies kei Sparfuchs oder so aber ich finds en gueti Sach wenn me für 5.90.- en ganze Sack Läbensmittel ka ‘rette’.
Me mues sich nit langwierig amälde, me isch zu nüt verpflichtet, es isch eifach e gueti Sach zum öpis guets für unsere Planet (und s’Portemonnaie) zmache😊

Falls es euch wundernimmt, luegets euch mol ah und teilet evt euri Erfahrige do drin. Falls öper Froge het, beantwort ich die natürlich au gärn, sofärn ich drzue in dr Lag by😁😁

Grüessli Nina

irina11

Sowas finde ich immer gut, wenn Menschen mal mitdenken und auch was gutes tun

coan

ich han die app scho siit 2 jahr. nur macht leider kein betrieb i minere nächere umgebig mit 😔 und mitem auto 10-15 min fahre findi au übertriebe. aber sust findis e super sach und hoffe immerno sehr, dass no meh betrieb mitmached unds flächedeckend es guets agebot chönd ufbaue 💪🏻

Gröipschi

geit mir o so. mir hei 2 beck, es migros, es coop, gmüeslädeli... u di einzige wo mitmache isch d tankschteu