Hibble / Schwanger wärdä

Talisa

Hei hei liebi Mamis, wie es paar no im LF mitbecho hei, si mir sit 7 monet drannä für üses 2. Wunder❤️ jedoch lahts chli uf sich la wartä..😌 jetzt hani mau wöuä id Rundi fragä, was dir speziell „angers“ gmacht heit wo dir schwanger sit wordä☺️
Schöne Abä no u guet nacht mitenang 🙃

Claudia_yali

Bi üs hät s‘zweite chind am längste uf sich warte loh. Und wil ich immer sehr unregelmässigi und teils langi zykle ka han, han ich denn mol agfange mit ovu-tests. Nochene ischs denn nüme lang gange bis es klappet hät. Bim dritte han ichs vo afang a benutzt und es hät sogar, i denk underem deswege, gad bim erste mol igschlage 😅 me hät denn halt eifach chli gezielter sex 🙈Druck der de duume, dasses bald klappet 🍀

Bindli

häsch denn scho abklärige gmacht? mer seit ja, es chan bis es jahr gah.. finde das zwar relativ lang. ich chan dir suscht no de nestreinigungstee empfehle und wie d claudia seit, gezielt sex ha.. aso jede zweite tag ab em 10. zuklustag 😉
druuck dir au d dumme 🍀

•Elefäntli•

Hey Talisa

Ich han dir leider kei Tipp aber i weiss vo sehr viel mamis das bim zweite Kind eifach viel lenger brucht händ 😬 Ziit loh i weiss isch en scheiss satz und mag mer nöm ghöre. 7 Monet isch au nonig lang evt brucht di kli di jetzt eifach nochli. 💪🏻

Talisa

Ja mir hei äbä scho chli aues gmacht mit Ovus u jede Tag sex vorem eisprung abr i weiss nid vilech machi mir zviu Gedanke🙃 merci viu mau für au die drücktä düüme ❤️

Mit de abklärige warti no bis mr würklech es jahr drannä währe, das wär im juli /august☺️ hoffe mr es wird scho klappe bis denn

Talisa

@Bindli Merci viu mau fürä Tipp mitm Tee ☺️

Bindli

Villicht nur mal d bluetwert teschtä lah.. ich han zum biespiel en gelbkörperschwächi und bin gad sofort schwanger worde und has gad wieder verlore..

Talisa

Oh nei das duet mr mega leid ❤️ i ha o ä FG gha vor mirä Tochter, u de isch mini tochter idr 28 wuchä ufd wäut cho u hei o es schlimms jahr hinger üs 😌 ganz viu chraft.. bisch ungerdessä widr schwanger?

Bindli

ich bin gad wieder schwanger worde und has ez ide 8 ssw. verlore. dasmal sinds aber wahrschindli genetischi ursache gsi.
s erschti mal hani ebe vor fälligkeit vode mens teschtet und de d mens becho.. has nur gmerkt, willi so früeh teschtet han.
oje, das duet mir leid.. ich han vor minere tochter au scho e fehlgeburt gha 😌
aber dinere tochter gatz ez guet?

Talisa

Oh nei das duet mir sehr leid... isch immer schlimm so öppis müessä z erläbä 😢

Ja merci viu mau mirä tochter geits tiptop si wär jetzt korrigiert 15monet aut u louft mr gli drvo ❤️